Kappasuttam Vhas Vises Chunni Sahiyam Part 02

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 422

भासगाहा-५५५२-५५६५] चउत्थो उद्देसो
८३१ सो पदुट्ठो वोच्छेद-कडगमद्दादी करेज्जा । जइ पुण आणेत्ता तहेव दोण्णि जणा पविसंति :: ४ (चतुर्लघु) । इमे दोसा
मिच्छत्तऽदिन्नदाणं, समलावण्णो दुगुंछितं चेव। दिय रातो आसितावण, वोच्छेओ होति वसहीए ॥५५६१॥ "मिच्छत्त०" गाहा । अदिण्णादाणं कप्पइ एएसिं ति मन्नेज्जा । तम्हाअइगमणं एगेणं, अण्णाएँ पतिवेंति तत्थेव। णाए अणुलोमण तस्स वयण वितियं उट्ठाण असिवे वा ॥५५६२॥[नि०]
"अइगमणं०" गाहा । एगो जणो तरियं जाव ण चेतति सागारिओ ताव आगंतुं तत्थेव जहा आसि तहा ठवेइ । जइ णाम णायं होज्जा ताहे अणुलोमिज्जइ । अस्याः पुरातनगाथाया व्याख्या
जइ नीयमणापुच्छा, आणिज्जति किं पुणो घरं मज्झं ।
दुगुणो एसऽवराधो, ण एस पाणालओ भगवं ! ॥५५६३॥
"जइ नीय०" गाहा । एयं तस्स सागारियस्स वयणं आयरिओ सोउं आयरिएणं इमं भाणियव्वं
किमियं सिट्ठम्मि गुरू, पुरतो तस्सेव णिच्छुभति तं तू ।
अविजाणताण कयं, अम्ह वि अण्णे वि णं बेंति ॥५५६४॥
"किमियं०" गाहा । सीसएहिं से सिटुं । सेज्जायरेहिं वा कटुं नीयंति । अमुएण साहुणा अणापुच्छाए ततो आयरियो तस्सेव पुरतो तं साहुं कइयवेणं निच्छुब्भति ।
वारेति अणिच्छुभणं, इहरा अण्णाएँ ठाति वसहीए।
मम णीतो णिच्छुभति, कइतव कलहेण वा बितिओ ॥५५६५॥
"वारेति०" गाहा । जति सो सागरिओ वारेइ वा निच्छुब्भो त्ति न णीच्छुब्भइ । अह ण वारेइ ताहे अन्नाए वसहीए ठाइ । बिइज्जओ से दिज्जइ । माइट्ठाणेणं कोइ साहु भणइ-मम णियल्लओ जइ निछुब्भइ अहं पि जामि । अह सागारिएण समं कोइ कलहेइ ताहे सो वि णिच्छुब्भइ२ । सो से बिइज्जओ होइ । बितियपदं उढिओ सो गामो, असिवगहिओ वा तेण तत्थेव कट्ठ परिठवेज्ज ।
॥विसुंभणपगयं समत्तं ॥
१. अह....निच्छुब्भइ नास्ति अ । २. ण छुब्भइ अ ।