Kappasuttam Vhas Vises Chunni Sahiyam Part 02

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 379

७८८
विसेसचुण्णि [कप्पट्ठियाकप्पट्ठियपगयं [कप्पट्ठियाकप्पट्ठियपगयं] [सुत्तं] जे कडे कप्पट्ठिताणं कप्पति से अकप्पट्ठिताणं, नो से कप्पति कप्पट्ठिताणं । जे कडे अकप्पट्ठिताणं णो से कप्पति कप्पट्टिताणं कप्पति से अकप्पट्ठिताणं । कप्पे ठिता कप्पट्ठिता, अकप्पे ठिता अकप्पट्ठिता ॥४-१९॥
"जे कडे कप्पट्ठियाणं०" सुत्तं उच्चारेयव्वं । सम्बन्धो गाहासिद्धो । सुत्तेणेव उ जोगो, मिस्सियभावस्स पन्नवणहेउं । अक्खेव णिण्णओ वा, जम्हा तु ठितो अकप्पम्मि ॥५३३९॥ कप्पठितिपरूवणता, पंचेव महव्वया चउज्जामा ।
कप्पट्टिताण पणगं, अकप्प चउजाम सेहे य ॥५३४०॥ [नि०]
["सुत्तेणेव०"] "कप्पठिति०" गाहा । कडं नाम आहाकम्मियं । कप्पट्ठिया नाम जेसिं पंचयामो धम्मो । अकप्पट्ठियाणं चाउज्जामो धम्मो । सेहो य अकप्पट्ठियो जेण सामाइयसंजओ । जया उवट्ठाविओ होहिति तया कप्पट्ठिओ । एस परूविया कप्पट्टिई । तस्स पुण इमा उप्पत्ती । आधाकम्मस्स सरए ।
साली घय गुल गोरस, णवेसु वल्लीफलेसु जातेसु । पुण्णट्ठ करण सड्ढा, आहाकम्मे णिमंतणता ॥५३४१॥ आहा अहे य कम्मे, आताहम्मे य अत्तकम्मे य । तं पुण आधाकम्म, णायव्वं कप्पते कस्स ॥५३४२॥
"साली०" ["आहा अहे य०"] गाहा । तं पुण आधाकम्मं कस्स कप्पइ न कप्पइ वा ? तत्थ इमाणि चत्तारि दाराणि -
संघस्स पुरिमपच्छिममज्झिमसमणाण चेव समणीणं । चउण्हं उवस्सयाणं, कायव्वा मग्गणा होति ॥५३४३॥ संघं समुद्दिसित्ता, पढमो बितिओ य समणसमणीओ। ततिओ उवस्सए खलु, चउत्थओ एगपुरिसस्स ॥५३४४॥ "संघस्स पुरिम०" [“संघं समुद्दिसित्ता०"] गाहाद्वयम् । तत्थ संघ इति ओहेणं