________________
૧૬૮
જૈન ઈતિહાસની ઝલક થયું; પણ આ વાત ઉપર એને વિશ્વાસ ન બેઠો...........એ શ્રાવિકાની પાસે જઈને, પ્રણામ કરીને એણે પૂછયું : “હે માતા ! તું આવું કઠોર તપ શા માટે અને કેવી રીતે કરી શકે છે?” તપસ્વિનીએ ફક્ત એટલે જ જવાબ આપ્યો કે “મહારાજ, આ તપ કેવળ પિતાના કલ્યાણ માટે કરવામાં આવે છે, અને સાક્ષાત ધર્મની મૂર્તિ સમાન મહાત્મા હીરવિજયસૂરિ જેવા ધર્મગુરુઓની સુકૃપાનું જ આ ફળ છે.” સૂરિજીને મળવાની અકબરની ઝંખના અને તેડું
હીરવિજયસૂરિનું નામ સાંભળીને અકબરને એમને મળવાની ઈચ્છા થઈ. બાદશાહે પિતાના અધિકારીઓને સૂરિજી મહારાજ સંબંધીતેઓ ક્યાં, કેવી રીતે રહેતા હતા એ સંબંધી પૂછપરછ કરી. તભાદખાન ગુજરાતી, જે પોતાના ગુજરાતના અધિકાર વખતે સૂરિજીને અનેક વાર મળે હતો, અને જે એમના પવિત્ર જીવનથી સારી રીતે પરિચિત હતો, એણે બાદશાહને સૂરિજીના સંબંધમાં વિશેષ માહિતી આપી; અને એમનું વિહારસ્થાન, જે ઘણું ખરું ગુજરાત હતું, એની જાણ કરી. બાદશાહે એ જ વખતે મેવડા જાતિના મૌદી અને કમાલ નામના પિતાના બે ખાસ કર્મચારીઓને બેલાવીને, અમદાવાદના તે વખતના સૂબેદાર (ગવર્નર) શાહબુદ્દીન અહમદખાં ઉપર ફરમાન પત્ર લખીને એમને ગુજરાત તરફ મોકલી દીધા. એ ફરમાનમાં બાદશાહે સૂબેદારને એમ લખ્યું હતું કે “જૈનાચાર્ય શ્રી હીરવિજયસૂરિને, ખૂબ બહુમાન સાથે, અમારી પાસે (અકબરી દરબારમાં) મોક્લી આપશે.” વિહાર અને સરેતરના ઠાકરને પ્રતિબંધ
આ ફરમાન મળતાં જ શહાબુદ્દીને અમદાવાદના મુખ્ય મુખ્ય
* હીરવિજયસૂરિને જન્મ વિ. સં. ૧૫૮૩ માગસર સુદિ ૯ના દિવસે પાલનપુરમાં ઓસવાળ જ્ઞાતિમાં થયો હતો. તેમના પિતાનું નામ કુરજી અને માતાનું નામ નાથીબાઈ હતું. એમણે વિ. સં. ૧૫૯૬માં પાટણમાં દીક્ષા લીધી હતી. વિ. સં. ૧૬૧૦માં સિરેહીમાં એમને આચાર્ય પદવી અર્પણ થઈ હતી.
