Hitopadesh

Author(s): Prabhanandsuri, Parmanandsuri, Kirtiyashsuri
Publisher: Sanmarg Prakashan

Page 8

To
जैनसंघने मळेलो दिव्यप्रकाश : हितोपदेश 58
- पू. आचार्यश्री विजयकीर्तियशसूरिजी म. सा.
आजथी ३००-३५० वर्षों पूर्वे जैनशासनना गगनांगणमां तेजस्वी ज्ञानसूर्यरूपे प्रकाश रेलावनारा पू. महामहोपाध्याय श्रीयशोविजयजी गणिवर्य थई गया. 'वर्तमानकाळमां पूर्वधर-श्रुतकेवलीओनी याद अपावे एवा विशाळ ज्ञानराशि धरावनार' तरीके तेमना समकालीन गुणानुरागी विद्वान शास्त्रकारोए तेमनी ओळख आपी छे. तेओश्रीए जैन आगमो अने तात्त्विक ग्रंथोनां रहस्यो संस्कृत-प्राकृत भाषाना अजाण मुमुक्षु आत्माओने मळे ए उदात्त आशयथी अनेक नानां-मोटां गुजराती स्तवनो आदिनी रचना पण करी छे, ते पैकीनो एक ग्रंथ छे श्री ‘सीमंधरस्वामीने विनंती स्वरूप ३५० गाथानु स्तवन.'
आ महान श्रुतरत्नना भावो वधु स्पष्ट थाय अने अल्प बोधवाळा जिज्ञासुओ पण तेओ श्रीमद्ना ज्ञानप्रकाशने माणी शके ए आशयथी तपागच्छाधिराज पूज्यपाद आचार्यदेवेश श्रीमद् विजय रामचन्द्रसूरीश्वरजी महाराजानी आज्ञा अने आशिषथी ३५० गाथाना स्तवन उपर 'सन्मार्गदर्शन' नामे विवेचना लखवानुं कार्य में प्रारंभ्युं हतुं. ते अरसामा विविध ग्रंथोना संदर्भो जोवानुं थयु. एमां 'हितोपदेशमाळा' ग्रंथ अंगेना उल्लेखो एकथी वधु स्थळे मळतां ते ग्रंथ मेळववा तपास शरु करी. 'धर्मसंग्रह'मां पण उचितव्यवहारना अने 'श्राद्धविधि' ग्रंथमां पण नव प्रकारना औचित्यना निरूपण प्रसंगे ग्रंथकारश्रीए 'हितोपदेशमाळा'मांथी ज गाथाओ उद्धृत करी निरूपण करेल जोवा मळतां आ ग्रंथ प्राप्त करवानी आतुरता वधवा पामी. .. बहु तपास करतां पाटण श्रीहेमचंद्रसूरि ज्ञानमंदिरमाथी बे प्रतो मळी. जे पैकी एक मूळनी प्रत हती तो बीजी सटीक प्रत हती. टीका ग्रंथना आधारे मूळनी शुद्धि करी पू. पं. श्री विचक्षणविजयजी गणिवर्य (त्यार पछी आचार्य)श्रीजी पासे अनुवादित करावी एजें प्रकाशन कराव्यु. ए ज पुस्तकमां दर्शनशुद्धिप्रकरण ग्रंथनी मूळ गाथाओ पण संशोधित करी प्रकाशित करावेल. आ ग्रंथ प्रेसमां छपाया बाद बाइन्डींगमां जवानी तैयारीमा हतो त्यारे प्राकृत भाषाना निष्णात पंडितवर्य श्री अमृतलाल भोजक, अमदावाद श्रीविजयदानसूरिजी ज्ञानमंदिरमा मने मळवा आव्या हता. एमणे आ कार्य जोयुं अने जणाव्यु के, साहित्य संशोधक जिनविजय महाशये संशोधित करेल आ मूळ ग्रंथनी प्रेस-कोपी मारी पासे छे. ते हुं आपुं.' ए कोपी मळी. एनो केटलोक भाग साव खवाई गयो हतो. छतां तेना आधारे 'शुद्धिपत्रक' तैयार करी ग्रंथना अंते जोडवामां आवेल. ए ज वखते आ संपूर्णग्रंथ टीका साथे, संशोधित करी प्रकाशित कराववानो मनोरथ थयो हतो अने ते