Book Title: Gyandhara 06 07
Author(s): Gunvant Barvalia
Publisher: Saurashtra Kesari Pranguru Jain Philosophical and Literary Research Centre
View full book text
________________
અર્થ સારા, આવશ્યક, પાલન યોગ્ય વ્રતો.
ક્યાં ક્યાં વ્રતો પાળવા તે આગળના પ્રકરણમાં સ્પષ્ટ કરીએ
છીએ.
આ પ્રથમ બિંદુ પર એટલું જ કહેવાનું છે કે સ્થા. જૈન સંઘ મધ્યવર્ગી ત્યાગી સમાજ માટે પોતાનું સ્વતંત્ર નામ આપે.
“સુવ્રત અને સુવ્રતા કોઈનું અનુકરણ ન કરે.
આ નામ એટલું સુંદર છે કે સાંભળનારને પણ સુવ્રત પ્રત્યે આદરભાવ ઉત્પન્ન કરે છે અને વ્રતો સારી રીતે પાળવા જોઈએ તેવા પ્રતિબોધ પણ કરે છે.
યાત્રા : સુવ્રત સમુદાયના સભ્યો વાહનનો ઉપયોગ કરી શકશે. તેમાં ટ્રેન, ગાડી, પ્લેનનો ઉપયોગ કરી શકશે. યાત્રાનું ક્ષેત્ર ભારત તથા બધા વિદેશના ક્ષેત્ર રહેશે. વિદેશયાત્રામાં નિયમ એ રહેશે કે વિદેશમાં રહેતા ભાઈઓ તથા સંઘની વિનંતી હોય તો યાત્રાને માન્ય કરાશે. ફરવા કે મોજશોખ નિમિત્તે સુવ્રતના સદસ્યોની યાત્રા માન્ય કરાશે નહીં. યાત્રાની સમુચિત નિયમાવલી બનાવવાની રહેશે.
અર્થસંગ્રહ ઃ અર્થ બાબતનો પ્રશ્ન ઘણો નાજુક છે. કોઈ પણ સુવ્રત સદસ્ય બૅન્કમાં પોતાનું ખાતું ખોલી શકશે નહીં તથા વ્યક્તિગત રૂપે પોતાના નામે ધનરાશિ એકત્રિત કરી શકશે નહીં. આવશ્યક ધનરાશિ પોતાની પાસે રાખી શકશે, પણ તેનો હિસાબ રાખવાનો રહેશે એ સંચાલન કેન્દ્રમાં હિસાબ પેશ કરવાનો રહેશે.
કોઈ ભક્તગણ સીધી રીતે સુવ્રત સદસ્યને માટે ખર્ચ કરે તો તેની નોંધ રાખવામાં આવશે. આ બાબત પણ સંચાલકો નિયમાવલી તૈયાર કરશે.
સંચાલક સમિતિ - સુવ્રત સમુદાયનું સંચાલન કરવા માટે કેન્દ્રીય કમિટીનું ગઠન કરવામાં આવશે અને આ કમિટીનો ચુનાવ ગુજરાત પ્રાંતના હિસાબે થશે, ત્યાર બાદ, ભારતનાં બધાં રાજ્યો સમ્મિલિત થાય તો કેન્દ્રીય કમિટીનું વિરાટ રૂપ બનશે. આ બાબત પૂરેપૂરો વિચાર કરવાની જરૂર છે. આપણા સમાજના બુદ્ધિશાળી વર્ગ વકીલ (જ્ઞાનધારા ૬-૭ ૧૨ જૈિનસાહિત્ય જ્ઞાનસત્ર ૬-)
