Book Title: Gyandhara 06 07
Author(s): Gunvant Barvalia
Publisher: Saurashtra Kesari Pranguru Jain Philosophical and Literary Research Centre
View full book text
________________
સિદ્ધાંતોમાં કરી તેને વ્યવહારમાં મૂકી આગળ વધવાની જરૂર છે.
આજે જ દરેકે સંકલ્પ કરી અંગત સ્વાર્થ, હિત કે લાલસા તર્જીને, દંભ-આડંબર છોડીને માત્ર સિદ્ધાંતોને તેના મૂળ સ્વરૂપમાં જીવંત કરી જગતમાં જૈન શાસનનો જયજયકાર ફેલાવવાનો છે. જાગો! હવે તો જાગો! ( ૪) જૈન સાહિત્યનું સંશોધન, તેમ જ યોગ્ય રીતે પ્રચારપ્રસાર કરવો તે અત્યંત જરૂરીઃ
પ્રાચીન અને મધ્યકાલીન સમયના ભારતીય સાહિત્ય પર નજર કરતાં જોવા મળે છે કે જો જૈન સાહિત્યની તેમાંથી બાદબાકી કરવામાં આવે તો પાછળ કશું વધે નહિ અર્થાત્ જેને સાહિત્ય એટલું બધું સમૃદ્ધ અને વિશાળ છે કે જો તેનો યોગ્ય રીતે પ્રચાર-પ્રસાર-સંશોધન વગેરે કરવામાં આવે તો એ સાહિત્યક્ષેત્રે શિરમોર બની પોતાની શ્રેષ્ઠતા સ્થાપી શકે છે. અરે! સમગ્ર વિશ્વને પોતાના અમૂલ્ય સાહિત્ય દ્વારા સાચો માર્ગ દર્શાવી, હિંસા અને લૂંટમારની નાગચૂડમાંથી મુક્ત બનાવી એક કલ્યાણકારી, સમૃદ્ધ અને શાંતિમય જગતની રચના કરી શકે તેમ છે.
૫) સાધર્મિકોના વિકાસ માટે યોગ્ય દિશામાં યોગ્ય કાર્ય થાય તે જરૂરી -
જૈન સમાજમાં ગરીબી પ્રવેશી રહી છે ત્યારે સાધર્મિકોને ઊંચા લાવવા સમાજના શ્રીમંત અને કાર્યદક્ષવર્ગે આગળ આવવાની જરૂર છે. આપણા જ ભાઈ-બહેનો ઉચ્ચ કક્ષાનું શિક્ષણ, ઉચ્ચ પ્રકારની આરોગ્યને લગતી સવલતો તથા જીવનજરૂરિયાતની બધી સગવડો મેળવી શકે એ દિશામાં પ્રયત્નો કરવા એ આજના યુગમાં ચર્તુવિધ સંઘના દરેક સભ્યનું કર્તવ્ય બની રહે છે. ચર્તુવિધ સંઘના દરેક સભ્યનું એ ધ્યેય હોવું જોઈએ કે મારી બધી જ શક્તિ, બુદ્ધિ અને ધનનો ઉપયોગ મારા શાસનની સેવા માટે તથા સાધર્મિકોના જ ઉત્કર્ષ માટે થાય, મહાવીરનું નામ લેવાવાળો એકપણ જેને જ્ઞાનધારા ૬-૭ ૧૪૮ જૈનસાહિત્ય જ્ઞાનસત્ર ૬-)
