Book Title: Gnata Dharmkathangasutram
Author(s): Jinendrasuri,
Publisher: Harshpushpamrut Jain Granthmala
View full book text
________________
ज्ञाताया
।
कवाङ्गम् ॥१७॥
मल्ली
जिनकम
पोयं लंबेंति २ सगडीसागडं सज्जेंति २ तं गणिमं ४ सगडीसागडियं संकामेंति २ जाव महत्थं पाहुडं दिव्वं च कुंडलजुयलं गेहंति २ जेणेव चंदच्छाए अंगराया तेणेव उवागच्छंति २ तं महत्थं जाव उवणेति, तते णं चंदच्छाए अंगराया तं दिव्वं महत्थं च कुंडलजुयलं पडिच्छति २ ते अरहन्नगपामोक्खे एवं वदासी-तुन्भे णं देवाणुप्पिया! बहूणि गामागार जाव आहिंडह लवणसमुदं च अभिक्खणं २ पोयवहणेहि ओगाहेह गाहह तं अत्थियाई भे केइ कहिंचि अच्छेरए दिट्ठपुव्वे ?, तते णं ते अरहन्नपामोक्खा चंदच्छायं अंगरायं एवं वदासी-एवं खलु सामी! अम्हे इहेव चंपाए नयरीए अरहन्नपामोक्खा बहवे संजत्तगा णावावाणियगा परिवसामो, तते णं अम्हे अन्नया कयाई गणिमं च ४ तहेव अहीणमतिरित्तं जाव कुंभगस्स रन्नो उवणेमो २ । तते णं से कुंभए मल्लीए विदेहरायंवरकन्नाए तं दिव्वं कुंडलजुयलं पिणद्धेति २ पडिव्विसज्जेति, तं एस णं सामी ! अम्हेहिं कुंभरायभवणंसि मल्ली विदेहे अच्छेरए दिढे तं नो खलु अन्ना कावि तारिसिया देवकन्ना वा जाव जारिसिया णं मल्लीविदेहा, तते णं चंदच्छाए ते अरहन्नगपामोक्खे सक्कारेति सम्माणेति २ पडिविसज्जेति, तते णं चंदच्छाए वाणियगजणियहासे दूतं सद्दावेति जाव जइविय णं सा सयं रज्जसुक्का, तते णं ते दूते हढे जाव पहारेत्थ गमणाए २, ३ ॥ सूत्रं ७६ ॥
'उस्सुक्कं वियरइत्ति शुल्काभावमनुजानातीत्यर्थ: १ । 'गामागारे' त्यादाविदं द्रष्टव्यं- 'नगरखेडकब्बडमडंबदोणमुहपट्टणनिगमसन्निवेसाई' इति तत्र ग्रामो-जनपदाध्यासित: आकरो-हिरण्याद्युत्पत्तिस्थानं नगरं-करविरहितं खेटं-धूलीप्राकारं कर्बट-कुनगरं मडम्बं-दूरवर्तिसनिवेशान्तरं द्रोणमुखं-जलपथस्थलपथयुक्तं पत्तनं-जलपथस्थलपथयोरेकतरयुक्तं निगमो-वणिग्जनाधिष्ठित: सन्निवेश: कटकादीनामावास: २ । 'देवकन्नगा वे- त्यादाविदं दृश्यं- 'असुरकन्ना वा नागकन्ना वा जक्खकन्ना वा गंधव्वकन्ना वा रायकन्ना वे'ति, 'वाणियगजणियहासे'- त्ति नैगमोत्पादितमल्लीविषयानुराग इत्यर्थ: २,३ ॥ सूत्रं ७६ ॥
तेणं कालेणं २ कुणाला नाम जणवए होत्था, तत्थ णं सावत्थी नाम नगरी होत्था, तत्थ णं रूप्पी कुणालाहिवई नामं राया होत्था, तस्स णं रूप्पिस्स धुया धारिणीए देवीए अत्तया सुबाहुनामंदारिया होत्था, सुकुमाल जावरूवेण यजोव्वणेणं लावण्णेण य उक्किट्ठा उक्किट्ठसरीरा जाया यावि होत्था, तीसे णं सुबाहुए दारियाए अन्नदा चाउम्मासियमज्जणए जाए यावि होत्था, तते णं से रूप्पी कुणालाहिवई सुबाहुए दारियाए चाउम्मासियमज्जणयं उवट्ठियं जाणति २ कोडुंबियपुरिसे सद्दावेति २ एवं वयासी-एवं खलु देवाणुप्पिया ! सुबाहुए दारियाए कल्लं चाउम्मासियमज्जणए भविस्सति तं कल्लं तुम्मे णं रायमग्गमोगाढंसि चउक्कंसि जल-थलय-दसद्धवन्नमल्लं साहरह जाव सिसिदामगंड
॥१७२॥
Page Navigation
1 ... 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320