Dvadasharam Naychakram Part 3 Tika

Author(s): Mallavadi Kshamashraman, Sighsuri, Jambuvijay
Publisher: Atmanand Jain Sabha

Page 218

९०७
अथ प्रबन्धचतुष्टये प्राकृतपद्यमयं
मल्लवादिकथानकम् "साम्प्रतं मल्लवादिकथानकमुपवर्ण्यतेअस्सावबोहतित्थोवसोहियं अत्थि एत्थ सुपसिद्धं । भरुयच्छं नाम पुरं अणेयविउसाण आवासं ॥१॥ तत्थऽत्थि जिणाणंदो सूरी भिक्खू य तत्थ महवाई । बुद्धाणंदो नामेण अन्नया तेणिमं भणियं ।।२।। जो वायम्मि जिणेही तस्स इहं दरिसणेण ठायव्वं । नीहरियव्वं इयरेण सूरिणा सह कओ वाओ ॥३॥ भवियन्वयानिओएण हारियं कह वि सूरिणा तत्थ। तो नीसरिओ सूरि संघेण समं गओ वलहिं ॥४॥ सूरिस्स दुल्लहेवि भगिणी तस्से य वरसुया तिन्नि । अजियजस-जक्ख-मल्ला तेहिं समं सा उ पव्वइया ॥५॥ तो सूरिपभावेणं समत्थगुणसंजुया तओ जाया। समुदाएणं सूरिं विन्नविउं पोत्थयाईणं ॥६॥ कज्जाणं चिंताए ठविया सव्वाण सम्मय त्ति तओ। नियगुणमाहप्पेणं जायइ गरुयत्तणं सुयणे ॥७॥ विउसीकया य ते वि य समत्थसत्थेसु सूरिणा खुड्डा। मोत्तूणं पुव्वगयं तहा य नयचक्कगंथं च ॥८॥ जम्हा सूरिवरेहि उद्धारो बारसारओ बीओ। गंथो नयचक्कस्स पमाणवायस्स पुवस्स ॥९॥ देवकयपाडिहेरस्स तस्स अरयाण मूल-पज्जते । सव्वाण वि गहणम्मी चेइय-संघाण वरपूया ॥१०॥ कायव्वा एस ठिई बहुपुरिससमागय त्ति इय सुणिउं । मइ-मेहासंपन्नं दणं चेल्लयं मल्लं ॥११॥ अपुव्वं पिव सयमेव वाइही एस पोत्थयं एयं । ता अज्जियासमक्खं विहरिउकामो तयं भणई ॥१२॥ वाएज्जसु मा चेल्लय एयं नयचक्कपोत्थयं एवं । वोत्तुं मोत्तुं तं अज्जियाजुयं विहरिओ सूरी ॥१३॥ कज्जेणं केण एवं निवारियं मज्झ चितिउं विरहे। नियअज्जियाए मल्लेण पोत्थयं छोडियं तस्स ॥१४॥ घेत्तूण पढमपत्तं करम्मि तो वाएइ इमो तत्थ । एग सिलोगो निस्सेससत्थअत्थस्स संगाही ॥१५॥ 'विधिनियमभगवृत्तिव्यतिरिक्तत्वादनर्थकवचोवत्।जैनादन्यच्छासनमनृतं भवतीति वैधर्म्यम्॥१६॥' जावेयं सो चिंतइ निमीलियच्छो झडत्ति ता हरियं । सुयदेवयाए अविहित्ति पोत्थयं पत्तयं चेव ॥१७॥ हरियम्मि तम्मि मल्लो विसन्नचित्तो विलवखवयणो य। जा चिट्ठइ ता पुट्ठो जणणीए किं तुमं अज्ज॥१८॥ दीससि विद्दाणमुहो सब्भावे साहियम्मितो तीए । समुदायस्स निवेइयमिणमो तेणावि भणियमिणं ॥१९॥ अन्नत्थ नत्थि एयं कत्थइ नयचक्कपोत्थयं तम्हा। नेयं भव्वं वोत्तुं महाविसायं गओ संघो ॥२०॥ तो मल्लेणुल्लवियं नयचक्कुम्माहिएण सयकालं । होहामि वल्लभोइ य गिरिगुहवासी विणा एयं ॥२१॥ इय सोउं समुदाओ अहिययरं दुक्खिओ मणे जाओ। मल्लस्स चलणलग्गो विन्नवई वाय-पित्तेहिं ॥२२॥ पीडिज्जिसि तं तम्हा अम्हुवरोहेण विगइपरिभोगं । कुणसु तओ तेणुत्तं तुम्हुवरोहेण तेणुत्तं ॥२३॥ पारणए चउम्मासस्स एवं वोत्तूण वलहि-आसन्ने । गिरिहडल-गिरिगुहाए ठिओ तयं चेव चितंतो ॥२४॥ नयचक्कसिलोगत्थं पुणो पुणो साहुणो तहिं गंतुं । पडियग्गंती तं भत्तपाणमाईहिं तत्थ ठियं ॥ २५॥ . आराहेइ य संघो सुयदेवी (वि? ) पूयणाइणा निच्चं। दिन्नुवओगा मलं रयणीए सा इमं भणइ ॥२६॥ 'के मिट्ठा' तेणुत्तं 'वल्ला' पुण भणइ देवया एवं । छहिं मासेहिं गएहिं 'केणं' ती 'घय-गुलेणु'तं ॥२७॥ एयस्स अहो मइपगरिसो त्ति चितेवि रंजिया देवी। जंपइ मग्गसु भो मल्ल इच्छियं तेण तो भणियं ॥२८॥