Devdravya ane Jinpuja

Author(s): Abhayshekharsuri
Publisher: Kantilal Chaganlal

Page 7

જ
- દેવદ્રવ્ય અને જિનપૂજા ભાઈ ! શ્રાવકોને સત્યની જાણ થાય એ માટે જ મોકલેલા પાઠના ગુજરાતી અનુવાદ કરવાની જરૂર છે. પણ, તેઓ આમ કરતા નથી, કારણ કે મનમાં તેઓ પણ સમજે છે કે મોકલેલા કોઈ પાઠમાં ભક્ષણના દોષની તો વાત જ નથી અને અનુવાદ કરવામાં ઘરનું કાંઈ ઉમેરવા જઈએ તો પકડાઈ જવાય. માટે જ તેઓ અનુવાદ સાથે શાસ્ત્રપાઠ જાહેરમાં મૂકતાં નથી. '
વાસ્તવમાં એમની પાસે દેવદ્રવ્યમાંથી પૂજા કરનારને દેવદ્રવ્યભક્ષણનું પાપ લાગે એવું જણાવતો કોઈ પાઠ જ નથી એટલા જ માટે એ લોકો પાઠ આપવાને બદલે સામે એવો સવાલ ફેંકે છે કે દેવદ્રવ્યમાંથી પૂજા કરનારને દેવદ્રવ્યભક્ષણનો દોષ ન લાગે એવો પાઠ તમે આપો ને !.” અમે તો દેવદ્રવ્યમાંથી પૂજાદિ થઈ શકવાના ઘણા પાઠો (અનુવાદ સાથે) રજુ કર્યા છે એ જ બતાવે છે કે જો એમાં ભક્ષણનું પાપ હોય તો પછી આટલા બધા શાસ્ત્રકાર ભગવંતો દેવદ્રવ્યમાંથી પૂજાદિ થઈ શકે છે એવું જણાવે જ નહીં. શાસ્ત્રકાર ભગવંતોએ દેવદ્રવ્યમાંથી પણ પૂજા થઈ શકે તેવું જણાવ્યું છે. તેથી અર્થપત્તિથી સિદ્ધ થાય છે કે દેવદ્રવ્યમાંથી પૂજા કરવામાં દેવદ્રવ્યભક્ષણનો દોષ નથી.
આવો કોઈ શાસ્ત્રપાઠ નથી મળતો એટલે જ સામો પક્ષ જે જાહેર નિવેદનો વગેરે દ્વારા વિરોધ ચલાવી રહ્યો છે એમાં ક્યાંય કોઈ શાસ્ત્રપાઠ જોવા મળતો નથી, ને માત્ર શ્રદ્ધાળુવર્ગ ભ્રમણાઓમાં અટવાય એવાં નિવેદનો કે પ્રશ્નો હોય છે.
પ્રશ્ન : શ્રાદ્ધવિધિ અને દ્રવ્યસપ્તતિકામાં “વદે વપૂગાપિકવ્યવયથાશશિ જા” એવો પાઠ દેરાસરમાં જિનપૂજા સ્વદ્રવ્યથી જ યથાશક્તિ કરવી જોઈએ એમ સ્પષ્ટ જણાવે જ છે ને ?