________________
દેવદ્રવ્ય અને જિનપૂજા જ્ઞાનીઓએ આ અનુજ્ઞાઓ પણ આપી છે એ ને એના સંભવિત લાભો દર્શાવ્યા.
. પ્રશ્ન : આ બધામાં, તમે, શ્રાવકે સર્વપ્રથમ સ્વદ્રવ્ય... નહીંતર સંઘે ટીપ વગેરે કરીને ભેગું કરેલું દ્રવ્ય..ને એ પણ ન હોય ત્યારે જ દેવદ્રવ્યથી પ્રભુભક્તિ કરવાનું કહ્યું. એટલે કે ત્રીજા નંબરે દેવદ્રવ્યની વાત છે. ને આ પુસ્તિકાના પ્રારંભે તમે એમ જણાવી ગયા કે દેવદ્રવ્યનો ઉપયોગ જીર્ણોદ્ધારની જેમ જ પૂજા વગેરેમાં કરવો એ ઉત્સર્ગપદે છે, અપવાદપદે નહીં, તો આમાં વિરોધ નથી ? - ઉત્તરઃ એક દેરાસરમાં કંઈક સમારકામની આવશ્યકતા ઊભી થઈ છે. ર૫000 રૂ. નો ખર્ચ છે. શ્રાવકની ફરજ શું ? પહેલાં નંબરે પોતે સ્વદ્રવ્યથી એ લાભ લેવો....એ શક્ય ન હોય તો સંઘમાં ટીપ કરી એ કામ કરાવવું.....એ પણ શક્ય ન બને તો ત્રીજા નંબરે દેવદ્રવ્યમાંથી એ જીર્ણોદ્ધારનું કામ કરાવવું. આ વાત બરાબર.છે ને ? આમાં દેવદ્રવ્યમાંથી જીર્ણોદ્ધાર કરવાની વાત ત્રીજા નંબરે હોવા છતાં, જો દેવદ્રવ્યનો ઉપયોગ શું?” એવો પ્રશ્ન પૂછાય તો એના જવાબમાં જીર્ણોદ્ધાર ઉત્સર્ગમાર્ગે જ કહેવાય છે, આપવાદિક રૂપે નહીં. આના પરથી સ્પષ્ટ છે કે શ્રાવકના કર્તવ્ય તરીકે પૂજા-જીર્ણોદ્ધાર વગેરેની વાત હોય એ એક જુદો અધિકાર છે. ને દેવદ્રવ્યના ઉપયોગ તરીકે પૂજાજીર્ણોદ્ધાર વગેરેની વાત હોય એ એક જુદો અધિકાર છે. એટલે એ બેમાં નિરૂપણનો ભેદ હોવા છતાં કોઈ વિરોધ નથી. આ વાત તો જ્ઞાન-વૈયાવચ્ચ વગેરે દરેક બાબતોમાં સમાન છે. વૈયાવચ્ચનો પ્રસંગ ઊભો થયો હોય તો શ્રાવકે પ્રથમ નંબરે સ્વયં જ લાભ લેવો જોઈએ. વૈયાવચ્ચખાતમાંથી સાધુની વૈયાવચ્ચ
