________________
દેવદ્રવ્ય અને જિનપૂજા
૨૧ દેવદ્રવ્યમાંથી આવશ્યક સ્ટાફને આવશ્યક-સમુચિત પગાર આપવો એ અનુચિત નથી. બિનજરૂરી પગાર આપવો એ અનુચિત છે. એમ મંદિર મૂર્તિ સિવાયની બાબતમાં દેવદ્રવ્યનો પગાર ખાતા પૂજારી વગેરેનો ઉપયોગ એ દુરુપયોગ છે. એટલે દેરાસરસંબંધી કામ કરનાર પૂજારી વગેરેને દેવદ્રવ્યથી પગાર આપવો એ દેવદ્રવ્યનો દુરુપયોગ નથી કે હાનિ નથી.)
(૨) દેવદ્રવ્ય, શ્રાદ્ધવિધિ આદિ ગ્રંથોના આધારે પૂજા, મહાપૂજા, મહોત્સવ જીર્ણોદ્ધાર વગેરે અનેક કાર્યોમાં વપરાય છે.
શંકા-તા.૩૦-૪-૯૫ના જિનવાણી પાક્ષિકમાં જણાવ્યું છે કે મધ્યસ્થબોર્ડને લખાયેલો આ પત્ર તિથિ કે તારીખ વગરનો હોવાથી જણાય છે કે એ પત્ર નથી, પણ કાચો ખરડો છે. તથા એ અંકમાં આવું પણ ઉપસાવ્યું છે કે એમાં ઘણા સુધારા આવશ્યક હોવાથી એ લખાણ પ્રમાણભૂત-શાસ્ત્રીય નથી, અશાસ્ત્રીય છે. એટલે સ્વ. પૂ. આ. શ્રી પ્રેમસૂરીશ્વરજી મ.સા. નો એ પત્ર એમને માન્ય નથી, તો તમે કેમ એનો ઉલ્લેખ કરો છો ?
સમાધાન-જુઓ “જિનવાણી' પાક્ષિકમાં તો અનેકવિધ વાતો એવી આવે છે કે જેથી એ પાક્ષિકની પ્રામાણિકતામાં સુજ્ઞજનોને સંદેહ પડી જાય. જેમ કે-આ જ અંકમાં જણાવ્યું છે કે દેરાસરમાં તૈયાર રાખેલી કેસર વગેરે સામગ્રીને શ્રાવકો પોતે જેટલી વાપરે એટલી કે એથી અધિક રકમ ભંડારમાં નાખી, સ્વદ્રવ્ય બનાવી સ્વદ્રવ્યથી પૂજા કર્યાનો આનંદ અનુભવે. આ માટે જ એ સામગ્રી દેરાસરમાં રાખવામાં આવે છે, વગેરે
કેટલા દેરાસરોમાં કેટલા શ્રાવકો ભંડારમાં એટલા પૈસા મૂલ્ય ચૂકવવા રૂપે નાખીને કેસરાદિનો ઉપયોગ કરે છે એનું - નિરીક્ષણ કરવામાં આવે તો આ વાત કેટલી સાચી છે એ તરત ખબર પડી જાય....
