________________
૨૦
દેવદ્રવ્ય અને જિનપૂજા પ્રભુભક્તિ જ છે.....એટલે એ જો દેવદ્રવ્યથી થઈ શકે છે તો જિનપૂજા વગેરે શા માટે ન થઈ શકે ?
શાસ્ત્રોમાં તો ઉપદેશમાળામાં થોવાવિ હું થોવયં દેઈ - થોડામાંથી પણ થોડું દઈને ગુરુભક્તિ કરવાનું કહ્યું છે. એમ અષ્ટાલિંકા વ્યાખ્યાનમાં સંઘપૂજા કર્તવ્યમાં, જે સ્થિતિસંપન્ન નથી એવા શ્રાવક માટે પણ છેવટે એક મુહપત્તિ વહોરાવીને ગુરુભક્તિ કરવાનું કહ્યું છે. આ બધી બાબતો શ્રાવકે સ્વદ્રવ્યથી ગુરુભક્તિ કરવી જ જોઈએ એ જણાવનાર હોવા છતાં વૈયાવચ્ચખાતાની રકમના ઉપયોગ તરીકે સાધુ-સાધ્વીજીની વૈયાવચ્ચ કરવાનું ઉત્સર્ગપદે જ વિધાન કર્યું છે. આ બન્ને વાતો ભિન્ન-ભિન્ન અપેક્ષાએ (ન) હોવાથી આમાં જેમ વિરોધ નથી, એમ પ્રસ્તુતમાં જિનપૂજા અંગે પણ જાણવું.
આમ, દેવદ્રવ્યથી પ્રભુભક્તિનાં સર્વપ્રકારનાં કાર્યો થઈ શકે છે એમાં કોઈ વિરોધ નથી, એ જાણવું.....
. સામા પક્ષને પોતાના ગુરુદેવના પણ ગુરુદેવ સ્વ. સિદ્ધાન્તમહોદધિ સચ્ચારિત્રચૂડામણી આચાર્યદેવેશ શ્રીમદ્ વિજય પ્રેમસૂરીશ્વરજી મ.સા. નાં વચનો તો માન્ય હોય જ. તેઓ શ્રીમદે મધ્યસ્થબોર્ડને લખેલા પત્રમાં જણાવેલી બાબતોમાંની બે બાબતો જોઈ લઈએ-(૧) દેવદ્રવ્યમાંથી બિનજરૂરી પગારો આપી જે બિનજરૂરી સ્ટાફ રખાય છે, એ અનુચિત છે. અને દેવદ્રવ્યમાંથી પગાર ખાતા સ્ટાફના માણસોનો ઉપયોગ મૂર્તિ, મંદિર કે તેની દ્રવ્યવ્યવસ્થા સિવાયની બાબતોમાં કરવો એ દેવદ્રવ્યનો દુરુપયોગ કહેવાય. તેમજ ગેરવ્યાજબી વધારે પડતો સ્ટાફ રાખવો તે પણ દેવદ્રવ્યને હાનિ પહોંચાડવાનું કાર્ય બને છે. •
(આના પર વિચાર કરીએ તો સ્પષ્ટ જણાય છે કે
