Devdravya Sambandhi Mara Vicharo

Author(s): Vijaydharmsuri
Publisher: Abhaychand Bhagwandas Gandhi

Page 50

બહાર પાડવી પડશે. પરંતુ મનુષ્ય ધારે છે શું અને થાય છે શું પરિણામ એ આવ્યું કે–મારા લેખ તરફ કેટલાક મહાત્માશ્રીઓની ધ્યાન ખેંચાયું. ગમે તે કારણે પણ એક મહાત્માશ્રીએ મારા વિચારો એકાએક પાછા ખેંચી લેવા સંબંધી વગર પ્રમાણો આપે મને સૂચના કરી. પરંતુ મારા વિચારો ઉપર મકકમ રહ્યો, અને “જ્યાં સુધી શાસ્ત્રીય પુરાવાઓથી મારા વિચારોને ખોટા ન ઠરાવી આપવામાં આવે, ત્યાં સુધી મને મારા વિચારો ફેરવવાનું કંઈ પણ કારણ નથી.” એમ દ્રઢતાપૂર્વક મારે મારો નિશ્ચય બહાર પાડવો પડ્યો. બીજી તરફ મારી પ્રથમ પત્રિકાની હજારો નકલો જૈનસમાજમાં વહેંચાઈ અને મને
જ્યારે એમ માલૂમ પડ્યું કેહજૂ સમાજ, આ વિષયમાં વધારે ને વધારે જાણવાની ઈચ્છા ધરાવે છે, ત્યારે મેં “દેવદ્રવ્ય સંબંધી મારા વિચારોની બીજી બે પત્રિકાઓ, શાસ્ત્રના પ્રબળ પુરાવાઓ અને સમય સમય ઉપર બનેલા ઐતિહાસિક પ્રસંગોના દાખલાઓ આપીને બહાર પાડી.
હું આ ઉપસંહારને લખી રહ્યો છું, ત્યાં સુધી પણ મારા વિચારોને ખોટા ઠરાવનાર એક પણ સમુચિત પ્રમાણ બતાવવામાં આવ્યું નથી. માત્ર જે કંઈ શ્રાદ્ધ વિધિનું પ્રમાણ (?) આપીને કેટલાકો પોતાની વાતને સાચી ઠરાવવા પ્રયત્ન કરી રહ્યા છે, તેનો તે અર્થ જ ખોટ કરવામાં આવ્યો છે; એ વાત મેં મારી બીજી પત્રિકામાં તથા પ્રવર્તક શ્રીમંગળવિજયજીએ “બોલી બોલવાનું વિધાન શ્રાદ્ધવિધિમાં છે કે ?' એ નામની પોતાની પત્રિકામાં સારી રીતે બતાવી આપી છે. એ ઉપરથી સમાજના સમજવામાં આવ્યું હશે કે-શ્રાવિધિ ના કુળોત્સર્જળપૂર્વવરાત્રિવિધાનના' એ પાઠમાં આવેલ ૩૪ળ શબ્દનો અર્થ બોલી બોલવી એવો કોઈ પણ રીતે થતોજ નથી. આપણને હદપારની અજાયબી ઉપજે છે કે–જે મહાત્માશ્રીઓ, બેલી બોલવાનું વિધાન અનેક ધર્મગ્રંથોમાં હોવાની ઉદ્ઘોષણા કરતા હતા, અને જેમણે અનેક ગ્રંથોનાં નામ પણ આપ્યાં હતાં, તેઓ અત્યારે એક માત્ર શ્રાદ્ધવિધિના એક પાઠમાં આવેલા સત્સર્જન શબ્દથીજ (તે પણ ખોટો અર્થ કરીને) પોતાના પક્ષની પ્રબળતા સમજી બીજા ગ્રંથોની સામે હવે દૃષ્ટિપાત પણ કરતા નથી. આપણા