Chaturvinshati Jin Stotrani

Author(s): Vinaysagar
Publisher: ZZ_Anusandhan

Page 10

१०
भद्दवय - कसिण - सत्तमि निम्महियाऽसेसकम्म सम्मेए । मुणिसहसजुओ तं निव्वुओसि मम निव्वयं कुणसु ॥८॥
अनुसन्धान- ४०
सिरि सुविहिणाह - थुत्तं
सिरिसुविहिनाह ! मह देहि वंछियं वंछियाइं पूरेउं । चविओसि आणयाओ तं फग्गुण - कसिण- नवमी ॥१॥ कायंदीए रामा - सुग्गीवाणं सुओसि मयरंको । मग्गसिर - पंचमीए कसिणाए चंद- गोरंगो ॥२॥ धणुसयपमाण कुमरत्तणम्मि पन्नास पुव्वसहसाई । रज्जम्मि गमिय तिच्चिय अट्ठावीसंग - सहियाई ॥३॥ सहसंबवणे छद्वेण निग्गओ मग्ग-बहुल- छट्ठीए । नरसहसजुओ पुस्साओ पायसं परदिणे पत्तो ||४|| चरवासे तं कत्तिय - सिय-तइयाए तहिं वणे नाणं । लद्धूण गणहराणं अट्ठासीई तए ठविया ||५|| दो लक्खा साहूणं लक्खं अज्जाण वीस सहसा य । तुह भत्तिरया अजिओ सुतारया जुद्धविरिओ य ||६|| वयमडवीसंगूणं लक्खं पुव्वाण लक्ख- दुगमाउं । चंदप्पहाओ सागरकोडीण गयाइ नवईए ||७|| भद्दवय- सुद्ध - नवमी समणसहस्सेण तंसि सम्मेए । पत्तो ठाणमणंतं ममावि वासं तहि देहि ||८||
"
सिरि सीयलणाह - थुत्तं
सीयलनाह ! महीअलंमि णमो संताववज्जियं काउं । वइसाह - कसिण - छट्ठीइ पाणयाओवइन्नोसि ॥१॥ भद्दिलपुरंमि दढरह - नंदाणं माहबारसीइ तुमं । कसिणाइ कणयवन्त्रो उप्पन्नो नवइ - धणुमाणो ॥ २ ॥