Chaturvinshati Jin Stotrani

Author(s): Vinaysagar
Publisher: ZZ_Anusandhan

Page 15

जुलाई-२००७
पणुवीसवाससहसा कुमार-मंडलिय-चक्कवट्टिपए । पत्तेयं भविय तुमं नरिंद-सहसेण सहसंबे ॥३॥ कयछट्ठो जिट्ठ-चउद्दसीइ कसिण्ण(णा?)इ विरइमणुरत्तो। पत्तोसि सुमित्ताओ परमन्नमणंतरम्मि दिणे ॥४॥ वासंते तम्मि वणे लक्ष्णं सुद्ध-पोस-नवमीए । नाणवरं वरसीसा छत्तीसा गणहरा विहिया ।।५।। मुणिणो बिसट्ठिसहसा अज्जा इगसट्ठिसहस-छसया य। गरुडो निव्वाणी तुह भत्ता कोणालयो य निवो ॥६॥ वाससहस्साणि वयं पणुवीसं वासलक्खमाउं च । पाऊण पल्लरहिए गयम्मि धम्माउ अयरतिगे ॥७॥ नवसाहुसएहि समं जिट्ठासिय-तेरसीइ सम्मेए । मुत्तुं मुत्तिमसारं सारं पत्तोसि तुज्झ नमो ।।८।।
सिरि कुंथुणाह-थुत्तं सिरिकुंथुनाह ! थुणिमो परमत्थ-परोवयार-करणत्थं । सचट्ठाओ चवणं तुह सावण-कसिण-नवमीए ॥१॥ नागपुरे सूर-सिरीण कसिण-वइसाह-चउद्दसीइ तुमं । छगलंछण कणयप्पह पणतीसधणुच्च जाओसि ।।२।। कुमरो तह मंडलिओ चक्कीवि य भविय वास-सहसाई । पाओण-चउव्वीसं पत्तेयं नरसहस्सजुओ ॥३॥ छद्रेण कसिण-वइसाह-पंचमी चरिय चरिय सहसंबे । बीयदिणम्मि पवन्नो परमन्नं वग्घसीहाओ ॥४॥ सोलसवरिसेहिं तर्हि · उज्जाणे चित्त-सुद्ध-तइयाए । हय-घाइकम्म तुमए पणतीसं गणहरा विहिया ॥५॥ साहू सट्ठि-सहस्सा अज्जाओ सट्ठि-सहस छसया य । तुह नाह विहियसेवा गंधव्व-बला कुबेरनिवो ॥६॥ पाऊण चउवीसं पणनवई चेव वास-सहसाई । तुह वयमाउं च गए सिरिसंतिजिणाउ पलियद्धे ||७||