Chaturvinshati Jin Stotrani

Author(s): Vinaysagar
Publisher: ZZ_Anusandhan

Page 17

जुलाई-२००७
१७
तम्मि दिणे अवरण्हे नाणं पत्तोसि तम्मि चेव वणे । जायं पायसमसणं बीयदिणे विस्ससेणाओ ॥४॥ गणहर अट्ठावीसा कमसो तुह साहुणी सहसा । चालीसा पणपन्ना भत्ता य कुबेर-वइरोट्टा ॥५॥ तह अजिओ नरनाहो तुहाउ पणपन्नवाससहसाई । सयहीणाई तु वयं गम्मि अरजिणवरिंदाओ ॥६॥ वासाण कोडिसहसो सम्मेए पंचपंचहि सहे(ए)हिं । साहूण साहुणीणं फग्गुण-सिय-बारसीइ तुमं ॥७॥ उत्तरिय दुत्तराओ अणाइभवपंकओ दुरवयारे । निम्मग्गोऽणंतपए अणंतविरिओसि तुज्झ नमो ||८||
सिरि मुणिसुव्वयणाह-थुत्तं सिरिमुणिसुव्वय ! अवराइयाउ अवराइयं पयं पत्तं । पुन्नावण सावणपुन्निमाइ उइन्न तुज्झ नमो |॥१॥ रायगिहे सामंगो सुमित्त-पउमावईण जाओसि । जिट्ठबहुलट्ठमीए कुम्मको वीसधणुमाणो ॥२॥ अट्ठमाई कुमरो वास-सहस्साइं पनरस-नरिंदो । होउं नरसहसजुओ नीलगुहाए विहियछट्ठो ॥३॥ सुद्धाए फग्गुण-बारसीइ नीहरिय परदिणे पत्तो । तं बंभदत्तपायसमह पक्खूणे गए वरिसे ॥४॥ तम्मि वणे फग्गुण-बारसीइ बहुलाइ लद्ध-नाणस्स । अट्ठारस गणहारी तुहसि मुणि तीस-सहसा य ||५|| पन्नास सहस्सा साहुणीण भत्ता य वरुण-नरदत्ता । विजयनिवोवि य तुह वयमद्धट्ठमवाससहसाई ॥६॥ तीसं साउं चउपन्न-वास-लक्खेहि मल्लिनाहाओ । जिट्ट-सिय नवमीए सम्मेए समण-सहसेणं ॥७॥ भववाडियाइ चउगइचउरं काउं तुमं सभत्तीए । पत्तो सिद्धि मह पहु ! पहुत्तसरिसं फलं देसु ।।८।।