Bhagwan Mahavir

Author(s): Purushottam Jain, Ravindra Jain
Publisher: Purshottam Jain, Ravindra Jain

Page 119

ਹੋਏ, ਰਾਜਪੁਰ ਪਧਾਰੇ । ਇੱਥੇ ਅਨੇਕਾਂ ਆਤਮਾਵਾਂ ਦਾ ਕਲਿਆਣ ਕਰਕੇ, ਆਪ ਵਾਪਸ ਪੋਲਾਸ਼ਪੁਰ ਪਹੁੰਚੇ ।
ਇਹ ਸ਼ਹਿਰ ਗੋਸ਼ਾਲਕ ਦੇ ਮਨਣ ਵਾਲਿਆਂ ਦਾ ਪ੍ਰਮੁੱਖ ਕੇਂਦਰ ਸੀ । ਉਸ ਦਾ ਪ੍ਰਮੁੱਖ ਭਗਤ ਸਦਾਲ ਪੁੱਤਰ ਸੀ । ਜੋ ਉਨ੍ਹਾਂ ਨਾਲ ਗਿਆਨ ਚਰਚਾ ਕਰਨ ਤੋਂ ਬਾਅਦ ਭਗਵਾਨ ਮਹਾਵੀਰ ਦਾ ਉਪਾਸਕ ਬਣ ਗਿਆ । ਸਵਾਲ ਪੁੱਤਰ ਦੇ ਭਗਵਾਨ ਮਹਾਵੀਰ ਦਾ ਚੇਲਾ ਬਣਨ ਨਾਲ ਗੋਸ਼ਾਲਕ ਦੇ ਦੂਸਰੇ ਬੜੇ ਪ੍ਰਚਾਰ ਕੇਂਦਰ ਨੂੰ ਸੱਟ ਵੱਜੀ । ਲੋਕਾਂ ਵਿ ਉਸ ਦੇ ਧਰਮ ਪਰਿਵਰਤਨ ਦੀ ਚਰਚਾ, ਜੋਰਾਂ ਨਾਲ ਫੈਲ ਗਈ ।
ਪੋਲਾਸਪੁਰ ਤੋਂ ਚੱਲ ਕੇ ਭਗਵਾਨ ਮਹਾਵੀਰ ਧਰਮ ਪ੍ਰਚਾਰ ਕਰਦੇ ਹੋਏ, ਚੌਮਾਸੇ ਲਈ ਬਣਿਜਗ੍ਰਾਮ ਪਧਾਰੇ । ਭਗਵਾਨ ਮਹਾਵੀਰ ਦੇ ਉਪਦੇਸ਼ਾਂ ਤੋਂ ਅਨੇਕਾਂ ਭੁਲੇ ਭਟਕਿਆਂ ਨੂੰ ਰਾਹ ਪ੍ਰਾਪਤ ਹੋਇਆ । ਇਥੇ ਹੀ ਰਾਜਕੁਮਾਰ ਅਤਿਮੁਕਤ ਦੀ ਦੀਖਿਆ ਹੋਈ । ਬਾਈਵਾਂ ਸਾਲ
ਚੌਮਾਸਾ ਬੀਤਣ ਤੋਂ ਬਾਅਦ ਭਗਵਾਨ ਮਹਾਵੀਰ ਵਿਦੇਹ ਦੇਸ਼ ਤੋਂ ਮਗਧ ਦੇਸ਼ ਵੱਲ ਆਏ ।ਧਰਮ ਪ੍ਰਚਾਰ ਕਰਦੇ ਭਗਵਾਨ ਮਹਾਵੀਰ ਮਗਧ ਦੀ ਰਾਜਧਾਨੀ ਰਾਜਗ੍ਰਹਿ ਪਧਾਰੇ । ਆਪ ਦੇ ਉਪਦੇਸ਼ ਤੋਂ ਪ੍ਰਭਾਵਿਤ ਹੋ ਕੇ ਮਹਾਸ਼ਤਕ ਨੇ ਗ੍ਰਹਿਸਥ ਧਰਮ ਧਾਰਨ ਕੀਤਾ । ਇਥੇ ਹੀ ਭਗਵਾਨ ਮਹਾਵੀਰ ਨਾਲ, ਭਗਵਾਨ ਪਾਰਸ਼ਨਾਥ ਦੇ ਚੇਲਿਆਂ ਦੀ ਲੋਕ, ਅਲੋਕ, ਰਾਤ ਤੇ ਦਿਨ ਦੀ ਉਤਪਤੀ ਬਾਰੇ ਧਰਮ ਚਰਚਾ ਹੋਈ ।
ਮਹਾਸ਼ਤਕ ਦੀਆਂ ‘ ਰੇਵਤੀ ' ਨਾਂ ਦੀਆਂ 13 ਔਰਤਾਂ ਸਨ । ਰੇਵਤੀ ਮਾਸ ਤੇ ਸ਼ਰਾਬ ਦੀ ਬਹੁਤ ਸ਼ੌਕੀਨ ਸੀ । ਇਹ ਰਾਜਾ ਸ਼੍ਰੇਣਿਕ ਦੇ ਜੀਵ-ਹਤਿਆ ਤੇ ਪਾਬੰਦੀ ਦੇ ਬਾਵਜੂਦ ਉਹ ਆਪਣੇ ਪੇਕੇ ਤੋਂ ਮਾਸ ਮੰਗਵਾ ਕੇ ਖਾਣ ਲਗੀ । ਉਸਨੇ ਆਪਣੀਆਂ ਸ਼ੌਕਣਾਂ ਨੂੰ ਜਹਿਰ ਤੇ ਹਥਿਆਰ ਆਦਿ ਨਾਲ ਮਾਰ ਕੇ ਉਨ੍ਹਾਂ ਦੇ ਦਾਜ ਤੇ ਕਬਜ਼ਾ ਕਰ ਲਿਆ । ਭਗਵਾਨ ਮਹਾਵੀਰ ਦੇ ਉਪਦੇਸ਼ ਤੋਂ ਪ੍ਰਭਾਵਿਤ ਹੋਏ, ਭਗਵਾਨ ਪਾਰਸ਼ਵਨਾਥ ਦੇ ਸਾਧੂ ਭਗਵਾਨ ਮਹਾਵੀਰ ਦੀ ਪ੍ਰੰਪਰਾ ਵਿਚ ਸ਼ਾਮਲ ਹੋ ਗਏ ।
ਇਥੇ ਹੀ ਭਗਵਾਨ ਮਹਾਵੀਰ ਨੇ ਰੋਹ ਨਾਂ ਦੇ ਪ੍ਰਸਿੱਧ ਸਾਧੂ ਨੂੰ ਲੋਕ, ਅਲੋਕ ਪ੍ਰਸ਼ਨਾਂ ਦੇ ਉੱਤਰ ਦਿਤੇ।
ਇਥੇ ਹੀ ਭਗਵਾਨ ਮਹਾਵੀਰ ਨੇ ਗੌਤਮ ਸਵਾਮੀ ਦੇ ਲੋਕ ਦੀ ਸਥਿਤੀ ਸਬੰਧੀ ਪ੍ਰਸ਼ਨਾਂ ਦਾ ਸਪਸ਼ਟੀਕਰਨ ਕੀਤਾ ।
ਇਨ੍ਹਾਂ ਪ੍ਰਸ਼ਨਾਂ ਉੱਤਰਾਂ ਦੀ ਚਰਚਾ ਸ੍ਰੀ ਭਗਵਤੀ ਸੂਤਰ ਵਿਚ ਹੈ । ਇਹ ਚੌਮਾਸਾ ਭਗਵਾਨ ਮਹਾਵੀਰ ਨੇ ਰਾਜਗ੍ਰਹਿ ਵਿਖੇ ਕੀਤਾ । ਰਾਜਾ ਸ਼੍ਰੇਣਿਕ ਨੇ ਪਰਿਵਾਰ ਸਮੇਤ ਅਨੇਕਾਂ ਲੋਕਾਂ ਨਾਲ, ਭਗਵਾਨ ਮਹਾਵੀਰ ਦੇ ਧਰਮ ਉਪਦੇਸ਼ ਦਾ ਲਾਭ ਲਿਆ ।
90
ਭਗਵਾਨ ਮਹਾਵੀਰ