Atmani Tran Avasthao

Author(s): Ramchandrasuri, Kirtisurishwar
Publisher: Sanmarg Prakashan

Page 69

અમે એવા અનેકોને જોયા છે, કે જે ધર્મક્રિયામાં પણ અમારી સાથે પોલીસી રમતા હોય અને અમને રમાડવાને મથતા હોય. તમે એવી સ્થિતિમાં મૂકાવ, તો એવાને માટે શું બોલો ? પણ ભાનભૂલો બનીને હું કોઈને ય માટે એલફેલ બોલ્યો ય નથી અને બોલું પણ નહિ ? કારણ કે અમને તો એ બીચારાઓની દયા આવે છે.
પુણ્યને છોડી પૉલીસીમાં માનનારા બનેલાઓ બહિરાત્મા છે, પછી ભલેને એ દેવ-ગુરુની પાસે માથું ઝુકાવતા હોય ! તમારામાં બહિરાત્મ- દશા હોય તો તે નીકળી જાય એ જ અમારો ઇરાદો છે, કારણ કે એ દશા અમને આંખમાં કણાની જેમ ખટકે છે. અહીં બેસીને તમારી પોલીસીની પ્રશંસા કરવાનું મન થાય, તો હું વ્યાખ્યાન બંધ કરવાનું જ પસંદ કરું. આથી જ તમારા સાચા હિતની કામનાથી કહું છું કે બહિરાત્મ-દશા હોય તો તે કાઢો, અંતરાત્મ દશામાં ખૂબ ખૂબ રમતા બની અને જેમ બને તેમ જલ્દી પરમાત્મ-સ્વરૂપને પામી શકાય એવા પ્રયત્નમાં લાગી જાઓ.
મિથ્યાત્વ ને સખ્યત્ત્વનાં છ છ સ્થાન
મિથ્યાત્વનાં અને સભ્યત્વનાં છ સ્થાન :
આત્માના સ્વરૂપનો ખ્યાલ આવે અને આત્માની ઉન્નતિ કેમ સધાય એનું માર્ગદર્શન મળે, એ માટે અનંત ઉપકારી મહાપુરુષોએ મિથ્યાત્વનાં અને સમ્યક્તનાં જે છ છ સ્થાનો ફરમાવ્યાં છે, તે કુલ બાર સ્થાનો જાણી લેવા સાથે તે બાર સ્થાનોનું સ્વરૂપ પણ જાણી લેવું જોઈએ, મિથ્યાત્વનાં સ્થાનો પણ છ છે અને સમ્યક્તનાં સ્થાનો પણ છ છે. મિથ્યાત્વનાં છ સ્થાનોમાં પહેલું સ્થાન આત્મા નથી, એમ માનવું.” એ છે. બીજું સ્થાન “આત્મા છે, પણ વસ્તુ રૂપે આત્મા સદાસ્થાયી એટલે નિત્ય નથી એમ માનવું એ છે. ત્રીજું સ્થાન “આત્મા શુભાશુભનો એટલે પુણ્ય પાપનો કર્તા નથી, એમ માનવું” એ છે. ચોથું સ્થાન
આત્મા પોતપોતાના કરેલા શુભાશુભ કર્મના ફળનો ભોક્તા નથી, એમ માનવું' జియంను చేయలేదని వంటింటి
પૂ.આ. રામચંદ્રસૂરિ સ્મૃતિગ્રંથમાળા - ૨૩૩
go