________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ર૦ર
શ્રી આત્માનંદ પ્રકાશ.
ભાવના ૧૮ મી. આ વિશ્વમાં જે જે જડ પદાર્થો છે, તે સર્વ પુદ્ગલિક છે અને મર્યાદિત છે અને મર્યાદાના પ્રમાણમાં તે સર્વે બંધનોથી જકડાયેલા છે. ફકત એક ચૈતન્યજ શુદ્ધ અને નિઃસીમ છે. સર્વ જીવોનું જીવન પણ ચૈતન્ય છે. તેને ઓળખવાને પ્રત્યેક પ્રાણ પ્રયત્ન કરો.
ભાવના ૧૯ મી. “હે પ્રભુ, તારી આનંદધન મૂર્તિ જોઈ અમારી ભાવના ઉભરાઈ જાય છે, આ સંસારના સર્વ જીવોને ઉદ્ધાર તારા સ્વરૂપની ભાવનાથી જ થાય છે. હે નિરંજન, અમે અમારું સર્વસ્વ તને અર્પણ કર્યું છે. અમારા સારાં કે માઠાં કૃત્યેની ક્ષમા તારી ભાવનામાંજ રહેલી છે. તારું શરણુજ પ્રાણીઓને ઉદ્ધાર કરનાર છે. આવી પ્રાર્થના સર્વ પ્રાણીઓના મુખથી ઉચ્ચારાઓ.
ભાવના ૨૦ મી. પ્રત્યેક મનુષ્ય વિચારવું જોઈએ કે, આપણે ઉંચામાં ઉંચી મનુષ્ય ભવની ભૂમિકામાં આવ્યા છીએ. આ ભૂમિકા આપણું પ્રિયતમ પ્રભુની ભક્તિ કરવાનું મહાન સાધન છે. તે મહાન લાભનો અનાદર આપણે ન કરવો જોઈએ. હાથ આવેલ હીરો ગુમાવો ન જોઈએ. આ ભૂમિકા ઉપર રહી આપણે પ્રભુની ધર્મમય પ્રતિમાના દર્શન કરી શકીશું. આ ભૂમિકા શુદ્ર જીવોની નથી પણ વિશ્વવિજયી વીરની ભૂમિકા છે, મોક્ષના મેહેલ ઉપર ચડવાનો આ દાદર છે. અહીંથી, ચડીને આપણે પરમ સુખના-અમૃતના ભોક્તા થઈ શકીશું. પરમ જિજ્ઞાસા સાથે દઢતા અને શ્રદ્ધારૂપ કુંચીથી પરમાત્માના ધામના અમરદ્વાર ઉઘડાવવાને આપણે સમર્થ થઈ શકીશું. આપણુમાં ભાવનાનું જેટલું બલ હોય તેનો ઉપયોગ આ સ્થળે આપણે કરી શકીશું. આ સદ્દવિચાર સર્વ મનુષ્ય પ્રાણીઓના હૃદયમાં વહ્યા કરો.
ભાવના ૨૧ મી. જૈન આગમનો ઉદ્દેશ આત્મા અને પુદ્દગળનો સંબંધ અને ભેદ બતાવવાનું છે. પુદ્ગળ દ્રવ્યનું સ્વરૂપ, કર્મપ્રકૃતિનું સ્વરૂપ, કર્મવર્ગણાનું સ્વરૂપ, તેના બંધ, ઉદય, ઉદીરણા અને સત્તા. તેની મૂળ આઠ અને એકસો અઠ્ઠાવન ઉત્તર પ્રવૃતિઓ તેઓનું જુદે જુદે ગુણસ્થાનકે ન્યૂનાધિતા, એ સર્વની પ્રેરણાથી ખેલાતું આ સંસારનું નાટક છે. એ નાટકના ખેલમાંથી વિરામ પામવાને પ્રયત્ન કરવા એ પ્રત્યેક પ્રાણીનું કર્તવ્ય છે. આ કર્તવ્ય તરફ સર્વની મનોવૃત્તિ તત્પર બનો.
સંગ્રાહક–ગાંધી વલ્લભદાસ ત્રિભુવનદાસ.
For Private And Personal Use Only
