________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૩૦૪
શ્રી આત્માન પ્રકાશ,
વ્યવસ્થા સુંદર છે, તેથી જ આવી ઉંચી ડીગ્રી મેળવી કેટલાક બહેન અને બંધુઓ ઉચ્ચ કેળવણી લેવા પામ્યા છે. જમાનાને અનુસરતું ઉચ્ચ કાર્ય હોઈ તેનો જન્મ આપનારાઓ ધન્યવાદને પાત્ર છે. અમે તેની ઉન્નતિ ઇચ્છીયે છીયે.
નવવિલાસ નાટક ”
આ ગ્રંથ શ્રી સેન્ટ્રલ લાઈબ્રેરી વડોદરા તરફથી સીરીઝના ૨૯ મા નંબર તરીકે પ્રકટ થયેલ છે. નામદાર શ્રી ગાયકવાડ સરકાર સાહિત્ય રસિક હોવાથી તેમની સ્ટેટ લાઈબ્રેરી તરફથી પ્રકટ થતી સંસ્કૃત સીરીઝ તરીકે અનેક ઉત્તમ ગ્રંથો પ્રકટ થયેલ છે. તે પૈકીને હાલમાં પ્રસિદ્ધ થયેલ આ છેલ્લે ગ્રંથ છે. શ્રીમાન હેમચંદ્રાચાર્યના પટ્ટધર શ્રીરામચંદ્રસૂરિએ બારમા સૈકાના અંતમાં અથવા તેરમા ચિંકાની શરૂઆતમાં આ ગ્રંથ રચેલ છે, તેના અનેક પ્રમાણો બીજાગ્રંથની સાધનો અને શ્રી રામચંદ્રસૂરિનો જીવનકાળ ઐતિહાસિક દૃષ્ટિએ, ઘણાજ શ્રમથી સંશોધન કરી આ ગ્રંથની પ્રસ્તાવનામાં ભાઈ લાલચંદ ભગવાનદાસ ગાંધી જેઓ આ સેન્ટ્રલ લાઈબ્રેરી વડોદરામાં શ્રીગાયકવાડ સરકાર તરફથી જેન પંડિત તરીકે નીમાયેલ છે તેમણે બતાવેલ છે. તેઓનું માગધી સંસ્કૃત જ્ઞાન વિશાળ હોઈનેજ કોઈપણુ ગ્રંથ કે તેના કર્તાનો પરિચય ઇતિહાસિક દૃષ્ટિએ પ્રમાણભૂત આલેખી શકે છે. સિવાય આ નલવિલાસ નાટકની પ્રસ્તાવિનામાં નલ રાજા વિષે જેન અને જેનેતર કવિવરોએ કાવ્ય-કથા-ચપુ, નાટક વગેરે અનેક જુદા જુદા નામથી રચના કરેલી છે, તેને નલ સાહિત્યનું નામ આપી તે સર્વે કૃતિના રચનાર કવિવરોના અને કૃતિના નામો અને તેના ચરિત્રના ભેદ પણ આ પ્રસ્તાવનામાં આપેલ છે. વળી આ નવવિલાસ નાટકનું માધુર્ય રચના કેવી ઉચ્ચ કોટીની છે, તે તેમ જ સાથે મહાકવિ રામચંદ્રસૂરિનું જીવન ચરિત્ર તેઓની કૃતિના અન્ય ગ્રંથો વગેરે બહુજ વિદ્વતાથી સપ્રમાણુ અને ઈતિહાસિક દૃષ્ટિએ લખી ગ્રંથની મહત્વતામાં પંડિત લાલચંદભાઈએ વૃદ્ધિ કરી છે આ ગ્રંથ સંસ્કૃત હોવાથી તે ભાષાના જાણકાર માટે પ્રસ્તાવના ખાસ વાંચવા જેવી છે. ગ્રંથ તો મહા કવિવર શ્રી રામચંદ્રસૂરિનો બનાવેલ હોવાથી તે કૃતિ ઉત્તમ હોય તેમાં કહેવાપણું હોય નહિં, શ્રીમાન ગાયકવાડ સરકારે પંડિત લાલચંદભાઈ જેવા અનેક વિદ્વાનોને આવા સાહિત્ય પ્રકટન માટે રાખેલા છે, તેથી જ આવા સાહિત્યના ગ્રંથ પ્રકટ થાય છે-જેન સમાજે પણ પોતાનું એતિહાસિક સાહિત્ય અખૂટ અને બહોલા પ્રમાણમાં જ છે તે દુનીયાને બતાવવા, તને પ્રકટ કરવા આવા બંધુ લાલચંદ ભગવાનદાસ પંડિત જેવા વિદ્વાનોને રોકી સાહિત્ય બહાર મૂકી અનેક જેનેતર દર્શનોને-જનસમાજને ચકિત કરવાની જરૂર છે.
૩ શ્રી અંબા ચરિત્ર–શેઠ નારણજી ભાણુભાઈ તરફથી ભેટ.
For Private And Personal Use Only
