Book Title: Agam Suttani Satikam Part 17 Nishitha
Author(s): Dipratnasagar, Deepratnasagar
Publisher: Agam Shrut Prakashan
View full book text
________________
उद्देशक : १४, मूलं - ८६६, [ भा. ४५१८]
मोदगो न भविस्सति, तं जइ एयं अत्थं जाणसि अप्पो ते वयो बहुओ ते आय त्ति ता मज्झ देहि त्ति, मा मुज्झाहि । तेन रक्खपालेणसाधू पूजितो ॥
[भा. ४५१९] लाभित नितो पुट्ठो, किं लद्धं नत्थि भाणे पेच्छामो । इतरो वि आह नाह, देमि त्ति सहोढ चोरत्तं ॥
चू- साधू पडिलाभितो निप्फिडंतो गोट्ठिगैहिं आगच्छमाणेहिं दिट्ठो, पुट्ठो य - "किं लद्धं" ? साधू भणइ - “न मे लद्धं” ति । गोट्ठिया भणंति - “अप्पणी पेच्छओ भायणं" ति । साधू- नदाए त्ति । बलामोडीए दिट्टं, मोदगाणं भरियं भायणं । “केन ते दिन्नं ? " ति । साधू भणति - “रक्खापेलण मे दिन्नं” । गोट्ठी साधुं घेत्तुं तत्थ गता । रक्खपालो भीतो भणति - “नाहं देमि” त्ति । एवं साहुस्स सहोढं चोरत्तं भवति ॥ सहोढचोरत्ते य
[भा. ४५२०] गेण्हण कड्डणववहारो पच्छकड्डुड्डाह तुह य निव्विसए । अपबुम्मि भवे दोसा, पहुम्मि दिन्ने ततो गहणं ॥
चू- अप्पभुदिन्ने एते कढणादिया दोसा भवंति । पभुदिन्न गेण्हतो दोसा न भवंति ॥ [ भा. ४५२१] एमेव य जंतम्मि वि, संखडिखीरे य आवणादीसुं ।
99
सामण्णं पडिक, कप्पति घेत्तुं अनुन्नातं ॥
चू-एवं जंतादिएसु एते चेव दोसा भवंति, तम्हा सामण्णं सामातिएहिं अननुन्नायं न घेत्तव्वं । सामाइयं चेव अणुन्नायं कप्पति घेत्तुं ।। चोदगाह - “पादाधिकारे पत्थुए कीयगडादिभत्तादिएहिं किं भणिएहिं ? पादं चैव वत्तव्वं" । आचार्याह
[भा. ४५२२] कामं पातधिकारो कीयाहडमग्गणा तह वि एत्थं । पातम्मिविएस गमो, जो य विसेसो स विण्णेओ ॥
चू- सव्वं पादधिकारो पत्थुओ तहावि पिंडो भण्णति पुव्वपसिद्धीओ | अहवा जो चैव भत्ते कीय गडादिसु गमो सो देव पादे वि गमो नायव्वो, जो पुण विसेसो सो नायव्वो सबुद्धीए भाणियव्वोय ॥
[भा. ४५२३] अच्छेज्जऽ निसट्ठाणं, गहणमणुन्नाए होति नायव्वं । एगतरं गेहंते, दोसा ते तं च बितियपदं ॥
चू- अच्छि अनिसङ्कं च पुव्वसामिणा अनुन्नातं घेत्तव्वं, न दोसा । अह एगतरं पि अनुन्नातं गेहति तो दोसा पुव्वुत्ता | बितियपदे अननुन्नाता वि गेण्हेज्ज असिवादिएसु कज्जेसु, न दोसा ।। मू. (८६७) जे भिक्खू अतिरेगपडिग्गहं गणि उद्दिसिय गणिं समुद्दिसिय तं गणि अनापुच्छिय अनामंतिय अन्नमन्नस्स वियरइ, वियरंतं वा सातिज्जति ॥
चू- अतिरेगज्ञापनार्थमिदमुच्यते
[भा. ४५२४] दो पायाऽणुन्नाता, अतिरेगं तइयगं च माणातो । छिन्नेसु व परिभणिता, सयं च गेण्हंति जं जोग्गं ॥
चू-दो पादाणि तित्थकरेहिं अनुन्नाताणि-पडिग्गहो मत्तगो य । जति ततियं पादं गेण्हति तो अतिरेयं भवति । अहवा - जं पमाणप्पमाणं भणियं ततो जति वहुतरं गेण्हति, एवं अतिरेगं भवति । अहवा - इमेण प्रकारेण अतिरेगं हवेज्ज - ते साधू पादाति मग्गामो त्ति संपट्ठिता ।
Jain Education International
For Private & Personal Use Only
www.jainelibrary.org
Page Navigation
1 ... 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 ... 476