Agam Sutra Satik 38 Jitkalpa ChhedSutra 5

Author(s): Dipratnasagar, Deepratnasagar
Publisher: Agam Shrut Prakashan

Page 13

जीतकल्प-छेदसूत्रम् -(६)
सुद्धो । सीसो भणइ-'जइ गहणे अविसुद्धी, सुद्धी य आलोइए; एवं गहणमेव मा करेउ' । गुरू भणइ-'जइ गहणं न करेइ तओ आयरिओवज्झायाइ-कुलगणसंघसाहम्मि-यदंसणनाणचरित्ततवसंजमाईणंववच्छेओ-भंगो हवइ।तेनावस्संगहणं विहीएकायव्वं' अहवाएयंसव्वं आहाराइगहणेन गहियं । इमो पुनो वहियानिग्गमोऽनेगो भण्णइ । गुरुमूलाओ सेजाओ वा कुलगणसंघचेइयदुविहभेय तहव्वविणासनिवारणाई।अहवापीढफलगसेजासंथारपाडिहारियगहियप्पणत्थं वा निग्गमं करेजा । अहवा एयाइं निग्गमकारणाई । 'उच्चारविहारावणि' ति उच्चारभूमिविहारभूमीओ सण्णा-सज्झायसनियाओ । चेइयवंदननिमित्तं आसनं दूरं वा गच्छेजा । साहूणं पुन अपुब्बबहुस्सुय संविग्गाणं वंदण संसयचोच्छेयत्थं वा गच्छेज्जा । आइसद्देणं सष्टासन्नायगओसन्नविहारीणं वा सद्धावद्धावणत्थं साहम्मियाणं वा संजमउच्छाहनिमित्तं गच्छेजा। मू. (७) जंचऽनं करनिजं जइणो हत्थ-सय-बाहिरायरियं ।
अवियडियम्मि असुद्धो, आलोएंतो तयं सुद्धो।। चू, 'जं चनं ति पुव्वगाहामणियाओ वइरितं ति; तं सव्वं च सद्देण समुच्चिजइ । तं च खेत्तपडिलेहणथंडिलसेहनिक्खमणायरियसलेहणाई हत्यसयाओपरेणंजंआयरियं, तमायरित्ता ससिइगुत्तिविसुद्धि निमित्तं अवस्सं आलोएयव्वं । जं पुन हत्यसयमंतरायरियं तत्थ किंचि आलोइज्जइ, किंचि नालोइज्जइ । जहा पासवणखेलसिंघाणजल्ल निविसनुट्ठाणवियम्भणाकुञ्चन पसारणोसासणीसासचेट्ठाइ किञ्चि कजं नालोइज्जइ । पासवणं पुन पुव्वमापुच्छिऊण वोसिरइ। 'अवियडियम्मि' अनालोइयम्मि, असुद्धो साइयारो, आलोएंतो पुन तं कझं आयरियस्स सुद्धो निरइयारोत्ति मणिय होइ। मू. (८) कारण-विनिग्गयस्स स स-गणाओ पर-गणागयस्स विय।
उवसंपया-विहारे आलोयण-निरइयारस्स ।। चू. 'कारणविनिग्गयस्स' त्ति। दुविहो निग्गमो गच्छाओ-कारणेन, अकारणेन य । असिवओमरायदुट्ठगिलाणुत्तिमट्ठायरियपेसणाइकारणिओ। चक्कथूम-पडिमा-महिमा-जम्म-निक्खवणनाण-निव्वाण-भूमि-सन्नायग-वइग-संखडिपेहाइ निक्कारणिओ। कारणविनिग्गयस्स । 'च' सद्दो आलोयणाइपयंसमुच्चिणइनिरइयारस्स गुत्तिसमिइविसुद्धस्सकारणेण विनिग्गयस्स आलोयणमेत्ताओ चेव सुद्धी होइ । सा य आलोयणा-ओहओ विभागओ य । ओहालोयणा अद्धमासब्भंतरागयस्स हवइ । तं चागयमेत्तो चेव इरियावहियापडिक्वंतो समुद्देसवेलाए आलोएइ । आलोइयमेत्ते चैव सुज्झइ निरइयारो । साय ओहालोयणा इमा
अप्पा मूलगुणेसुं विराधना अप्प उत्तरगुणेसु । अप्पा पासत्याइसु दानग्गहसंपओगोहा ।।
एवं विहालोयणेण सुद्धोहोइ।अनम्मिवेलाए विभागेनअद्धमासपरेणागयस्स।विभागालोयणा निरइयारस्स वि । एवं 'सगणाओ' कारणनिग्गयस्स आलोइए सुद्धी; 'परगणागयस्स विय' ति। सगणो एगसंभोइया, परगणो अन्नसंभोइया।ते संविग्गावा असंविग्गा वा। संविग्गाओआगयस्स निरइयारस्स वि अवस्समेव विभागालोयणा । आलोयणाए य सुद्धो । ‘उवसंपय' त्ति । सा य उवसंपया पंचविहा । तं-जहा-सुओवसंपया, सुहदुक्खोवसंपया, खेत्तोवसंपया, मग्गोवसंपया, विनओवसंपया यति । पंचविहाए वि तप्पढमयाए उवसंपज्जमाणेण निरइयारेणावि आलोयणा