Agam Sutra Satik 38 Jitkalpa ChhedSutra 5

Author(s): Dipratnasagar, Deepratnasagar
Publisher: Agam Shrut Prakashan

Page 16

मूलं-१४
याणइ' त्ति सम्बज्झइ । उवओगरूवपरिणओ वि साहू न संभरइ पुव्वकालकयमइयारट्ठाणं । आलोयणाकाले 'देवसियाइ अइयार'; आइग्गहणेण राइय- जाव-संवच्छरियाइयारा घेप्पंति । मू. (१५) सव्वेसु वि बीय-पए दंसए-नाण-चरणावराहेसु । आउत्तस्स तदुभयं सहसकाराइणा चेव ॥
चू. 'सव्व' 'गहणेणं सव्वावायट्टाणा सूइया । पढमं उस्सग्गपयं बिइयं अववायपयं । अवराहेसु अइयारेसु 'दंसननाणचरणावराहेसु' । 'आउत्तस्से' ति कारणे जयणाए गीयत्यो आसेवओ आउत्तो भण्णइ । तस्सेवमसेसाववाय कालानुट्ठाणपरस्स आउत्तस्स 'तदुभय' पायच्छित्तं होइ । तहिं चेवाववायकाले 'सहसक्कारेण' जं कयं तं आइसइसंगहियाणाभोगेन य तदुभयमिति । एवं च तदुभयारिहं । इदानिं विवेगारिहं भण्णइ
मू. (१६)
पिंडोवहि- सेज्जाई गहियं कडजोगिणोवउत्तेन । पच्छा नायमसुद्धं सुद्धो विहिना विगिश्चंतो ॥
चू. 'पिंडो' संघाओ असन-पान-खाइम - साइम-मेयभिन्नो । 'उवही' ओहिय-उवग्गहिय-मेओ । 'सेना' उचस्सओ । आइसद्देण डगलगछार-मल्लग - ओसहाणि घेप्पंति । 'कडजोगी' गीयत्थो भण्णइ । पिंडे सणा-वत्थ- पाएसणा-छेयसुयाईणि सुत्तत्यओ अहीयाणि जेन सो गीयत्थो तेनोवउत्तेण गहियं सुओवएसानुसारोव ओगपरिणामपरिणएणं ति भणियं होइ । 'पच्छा नायमसुद्धं' । केन दोसेन असुद्धं नायं भण्णइ । उग्गमउप्पायनेसणाहिं संकियमसंकियं वा दोसवत्तेण 'सुद्धो' 'निरइयारो । विहाणेणं' विहिना सुओवरइद्वेण 'विगिंचमाणो' परिद्ववेंतो सुद्धो हवइ । कालऽद्धाणाइच्छिय- अनुग्गयत्थमिय-गहियमसढो उ ।
भू. (१७)
कारण- गहि-उव्वरियं भत्ताइं- विगिञ्चियं सुद्धो ॥
चू. 'कालाइच्छियं' पढमपोरिसीगहियं चउत्थपोरिसिं जाव जं धरिज्जइ । अद्धजोयणाइरेगाओ आनीयं नीयं वा । असढयाए सढयाए य। विगहा - किड्डा- इंदियमाईहिं सढो, गिलाण - सागारियथंडिल-भयाइक्कमणेण य असढो । विहीए विगिंचंतो सुद्धो । अनुग्गएसूरे अत्थमिए वा जं गहियमसणाइ असढेण गिरिराहुमेहमहियारवयावरिए सवियरि उग्गयबुद्धीए अनत्थमियबुद्धीए वा गहियं होज्जा; पच्छा य अनुग्गए अत्थमिए वा नायं तओ विहीए विगिञ्चन्तो सुद्धो । 'कारणे' वा गहियं गिलाणायरियबाल पाहुणय दुल्लहसहस्सदाणाइ- कारणे नाणाविहे जं गहियं विहिभोयणे यक जइ तं उव्वरियं तओ विहीए अनावायमसंलोगाइयाए विगिञ्चन्तो । 'भत्ताइ' भत्तग्गहणेन असनं, आइग्गहणेन पान-खाइम साइमाणि वि घेप्यंति। सो य एवं करेंतो सुद्धो हवइ त्ति विवेगारिहं भणियं । इदानिं काउस्सग्गारिहं भण्णइ -
पू. (१८)
१०१
गमनागमन-विहारे सुयम्मि सावज्ज- सुविणयाईसु ।
नावा- नइ संतारे पायच्छित्तं विउस्सग्गी ।।
चू. उवस्सयाओ गुरुमूलाओ वा 'गमनं, आगमनं' बाहिराओ आयरियसमीवं । 'विहारो' सज्झायनिमित्तं जं अन्नत्थगमणं । एत्थ सव्वहिं चेव इरियावहिया काउस्सग्गो पायच्छित्तं कीर । 'सुयम्मि' उद्देससमुद्देसाणुन्ना पट्ठवणपडिक्कमण सुयक्खंधंगपरियट्टणाइएसु सुए काउस्सग्गो की रइ । ‘सावज्जसुमिणे’ पाणाइवायाइ । आइसद्देण अनवज्जसुमिणे वि । कम्हेंति । 'च' सद्देण दुन्निमित्त