Agam Sutra Satik 06 Gnatadharmakath AngSutra 06

Author(s): Dipratnasagar, Deepratnasagar
Publisher: Agam Shrut Prakashan

Page 186

१८३
श्रुतस्कन्धः-१, वर्गः:, अध्ययनं-१२ पणेणं उववेए जाव फासेणं उपवेते अस्सायणिज्जे विस्सायणिज्जे पीणणिज्जे दीवणिज्जे दप्पणिज्ने मयणिजे बिहणिजे सब्बिंदियगायपल्हायणिजे,
तते णं ते बहवे ईसर जाव पभियओ जितसतुं एवं व०-तहेव णं सामी! जण्णं तुब्भे वदह अहोणं इमे मणुण्णे असनं ४ वण्णेणं उववेए जाव वल्हायणिजे, ततेणं जितसत्तू सुबुद्धिं अमचं एवं व०-अहो णं सुबुद्धी ! इमे मणुण्णे असनं ४ जाव पल्हायणिज्जे, तए णं सुबुद्धि जितसत्तुस्सेयम४ नो आढाइ जाव तुसिणीए संचिट्ठति, ततेणं जितसत्तुणा सुबुद्धी दोच्चंपि तच्चंपि एवं वुत्ते समाणे जितसत्तुं रायं एवं वदासी-नो खलु सामी ! अहं एयंसि मणुण्णसि असन ४ केइ विम्हए, एवं खलु सामी 'सुब्भिसद्दावि पुग्गला दुब्भिसद्दत्ताए परिणमंति दुब्भिसद्दावि पोग्गला सुभिसदत्ताएपरिणमंति, सुरुवावि पोग्गलादुरूवत्ताएपरिणमंतिदुरूवाविपोग्गला सुरूवत्ताए परिणमंति, सुभिंगंधाविपोग्गला दुभिगंधत्ताए परिणमंतिदुभिगंधावि पोग्गलासुभिगंधत्ताए परिणमंति सुरसावि पोग्गला दुरसत्ताए परिणमंति दुरसावि पोग्गला सुरसत्ताए परिणमंति सुहफासावि पोग्गला दुहफासत्ताए परिणमंति दुहफासावि पोग्गला सुहफासत्ताए परिणमंति पओगवीससापरिणयावि यणं सामी ! पोग्गला पन्नता,
ततेणं से जितसत्तू सुबुद्धिस्स अमच्चस्स एवमातिक्खमाणस्स ४ एयमद्वंनो आढाति नो परियाणाई तुसिणीए संचिट्ठइ, तएणं से जितसत्तू अन्नदा कदाई पहाए आसखंधवरगते महया भडचडगरहआसवाहणियाए निज्जायमाणे तस्स फरिहोदगस्स अदूरसामंतेणं वीतीवयइ ।
ततेणं जितसत्तू तस्स फरिदोदगस्स असुभेणं गंधेणं अभिभूते समाणे सएणं उत्तरिञ्जगेणं आसगं पिहेइ, एगंतं अवक्कमति, तेबहवेईसर जाव पभितिओएवं वदासी-अहोणं देवाणुप्पिया इमे फरिहोदए! अमणुन्ने वण्णेणं ४ से जहा नामए अहिमडेति वा जाव अमणामतराए चेव, तए गं ते बहवे राईसरपभिइ जाव एवं व०-तहेवणं तं सामी! जणं तुब्भे एवं वयह, अहो णं इमे फरिहोदए अमणुण्णे वण्णेणं ४ से जहा नामए अहिमडे इ वा जाव अमनामतराए चेव,
तएणं से जियसत्तू सुबुद्धिं अमच्चं एवं वदासी-अहोणं सुबुद्धी! इमे फरिहोदएअमणुण्णे वण्णेणं से जहा नामए अहिमडेइ वा जाव अमणामतराए चेय, तए णं सुबुद्धी अमचे जाव तुसिणीए संचिट्ठइ, तए णं से जियसत्तू राया सुबुद्धिं अमच्छं दोच्चंपि तच्चपि एवं व०-अहो णं तं चेव, तएणंसे सुबुदद्धीअमच्चेजियसत्तुणा रना दोचंपि तचंपिएवं वुत्ते समाणे एवं व०-नोखलु सामी! अम्हएयंसि करिहोदगंसि केइ विम्हए, एवं खलु सामी! सुब्भिसद्दाविपोग्गलादुब्बिसद्दत्ताए परिणमंति, तं चेव जाव पओगवीससापरिणयावि य णं सामी ! पोग्गला पन्नत्ता,
ततेणं जितसत्तुसुबुद्धि एवं चेव, माणं तुमदेवाणु०! अप्पाणंच परं च तदुभयं वा बहूहि यअसब्भावुब्भावणाहिं मिच्छत्ताभिनिवेसेणय घुग्गाहेमाणे वुप्पाएमाणे विहराहि, ततेणं सुबुद्धिस्स इमेयारूवे अब्मथिए ५ समुपज्जित्था--अहोणंजितसत्तू संतेतच्चेतहिए अवितहेसब्भूतेजिणपन्नत्ते भावे नो उवलभति, तं सेयं खलु मम जितसत्तुस्स रन्नो संताणं तच्चाणं तहियाणं अवितहाणं सब्भूताणं जिनपन्नत्ताणं भावाणं अभिगमणट्टयाए एयमद्वं उवाइणावेत्तए,
एवं संपेहेति २ पञ्चतिएहिं पुरिसेहिं सद्धिं अंतरावणाओ नवए घडयपडए पगेण्हति २ संझाकालसमयंसि पविरलमणुस्संसि निसंतपडिनिसंतसि जेणेव फरिहोदए तेणेव उवागए २ तं