Agam Sutra Satik 06 Gnatadharmakath AngSutra 06

Author(s): Dipratnasagar, Deepratnasagar
Publisher: Agam Shrut Prakashan

Page 252

श्रुतस्कन्धः -१, वर्गः, अध्ययनं - १९
२४९
महाउस रनो पुत्ता उमावतीए देवीए अत्तया दुवे कुमारा होत्या, तं०- पुंडरीए य कंडरीए य सुकुमालपाणिपाया०, पुंडरीयए जुवराया, तेणं कालेणं २ थेरागमण महापउमे राया निग्गए धम्मं सोचा पोंडरीयं रज्जे ठवेत्ता पव्वतिए, पोंडरीए राया जाए, कंडरीए जुवराया, महापउमे अनगारे चोदसपुव्वाइं अहिज्जइ, तते णं थेरा बहिया जणवयविहारं विहरति, तते णं से महापउमे बहूणि वासाणि जाव सिद्धे ।
मू. (२१४) तते णं थेरा अनया कयाई पुनरवि पुंडरिगिणीए रायहाणीए नलिणवने उज्जाणे समोसढा, पोंडरीए राया णिग्गए, कंडरीए महाजणसद्दं सोच्चा जहा महब्बलो जाव पज्जुवासति, धेरा धम्मं परिकहेति, पुंडरीए समणोवासए जाए जाव पडिगते, तते णं कंडरीए उट्टाए उट्टेति उठा उठेत्ता जाव से जहेयं तुब्भे वदह जं गवरं पुंडरीयं रायं आपुच्छामि तए णं जाव पव्वयामि, अहासुहं देवाणुप्पिया !, तए णं से कंडरीए जाव थेरे वंदइ नमसइ० अंतियाओ पडिनिक्खमइ तमेव चाउग्घंटं आसरहं दुरूहति जाव पचोरुहइ जेणेव पुण्डरीए राया तेणेव उवागच्छति करयल जाव पुंडरीयं एवं वयासी एवं खलु देवा० ! मए थेराणं अंतिए जाव धम्मे निसंते से धम्मे अभिरुइए तए णं देवा० ! जाव पव्यइत्तए, तए णं से पुंडरीए कंडरीयं एवं वयासी - मा णं तुमं देवाणुप्पिया इदाणिं मुंडे जाव पव्वयाहि अहं णं तुमं महया २ रायाभिसेएणं अभिसिंचयामि,
सेकंडरी पुंडरीयस रन्नो एयमट्ठ नो आढाति जाव तुसिणीए संचिट्ठति, तते गं पुंडरीए राया कंडरीयं दोच्चंपि तचंपि एवं व० - जाव तुसिणीए संचिद्वति, तते णं पुंडरीए कंडरीयं कुमारं जानो संचाएति बहूहिं आघवणाहिं पन्नवणाहि य ४ ताहे अकामए चेव एयमहं अणुमन्त्रित्था जाव निक्खमणाभिसेएणं अभिसिंचति जाव थेराणं सीसभिक्खं दलयति, पव्वतिए अनगारे जाए एक्कारसंगविऊ, तते गं थेरा भगवंतो अन्नया कयाइं पुंडरीगिणीओ नयरीओ नलिणीवनाओ उज्जाणाओ पडिनिक्खमंति बहिया जणवयविहारं विहरति ।
मू. (२१५) तते णं तस्स कंडरीयस्स अनगारस्स तेहिं अंतेहि य पंतेहि य जहा सेलगस्स जाव दाववक्त्रंतीए यावि विहरति, तते णं धेरा अन्नया कयाई जेणेव पोंडरिगिणी तेणेव उवागच्छइ २ नलिनवने समोसढा, पोंडरीए निग्गए धम्मं सुणेति,
तए णं पोंडरीए राय धम्मं सोच्चा जेणेव कंडरीए अनगारे तेणेव उवा० कंडरीयं वंदति नम॑सति २ कंडरीयस्स अनगाररस सरीरगं सव्वाबाहं सरोयं पासति २ जेणेव थेरा भगवंतो तेणेव उवा० २ थेरे भगवंते वंदति नमंसइ २ त्ता एवं व० - अहण्णं भंते ! कंडरीयस्स अनगारस्स अहापवत्तेहिं ओहभेसजेहिं जाव तेइच्छं आउट्टामि तं तुब्भे णं भंते! मम जाणसालासु समोसरह, तते णं थेरा भगवंतो पुंडरीयस्स पडिसुणेति २ जाव उवसंपचित्ताणं विहरंति,
तते णं पुंडरीए राया जहा मंडुए सेलगस्स जाव बलियसरीरे जाए, तते णं थेरा भगवंतो पोंडरीयं रायं पुच्छंत २ बहिया जणवयविहारं विहरंति, तते णं से कंडरीए ताओ रोयायंकाओ विप्पमुक्के समाणे तंसि मणुष्णंसि अनपानखाइमसाइमंसि मुच्छिए गिद्धे गढिए अज्झोववण्णे संचाएइ पोंडरीय आपुच्छित्ता बहिया अब्भुजएणं जणवयविहारं विहरित्तए, तत्थेव ओसण्णे जाए, तते गं से पोंडरीए इमीसे कहाए लद्धडे समाणे पहाए अंतेउरपरियालसंपरिवुडे जेणेव कंडरीए अनगारे तेणेव उवा० २ कंडरियं तिक्खुत्तो आयाहिणं पयाहिणं करेइ २ वंदति नम॑सति २ एवं व० - धनेसि णं तुमं देवा० ! कयत्थे कयपुत्रे कयलक्खणे सुलद्धे णं देवा० ! तव माणुस्सए