Agam Sutra Satik 06 Gnatadharmakath AngSutra 06

Author(s): Dipratnasagar, Deepratnasagar
Publisher: Agam Shrut Prakashan

Page 223

२२०
ज्ञाताधर्मकथाङ्ग सूत्रम्- 9/-१६/१७३ पंचण्हं पंडवाणं पंच पासायवडिंसए कारेह अब्भुग्गयमूसिय वण्णी जाव पडिरूवे, तते णं ते कोडुबियपुरिसा पडिसुणेति जाव करावेति, तते णं से पंडुए पंचहिं पंडवेहिं दोवईए देवीए सद्धिं हयगयसंपरिवुडे कंपिल्लपुराओ पडिनिक्खमइ जेणेव हस्थिणारे तेणेव उवागए, तते णं से पंडुराया तेसिं वासुदेवपामोक्खाणं आगमणं जाणित्ता कौटुंबिक सद्दावेइ २ एवं व०-गच्छह णं तुब्भे देवाणुप्पिया ! हत्थिणाउरस्स नयरस्स बहिया वासुदेवपामोक्खाणं बहूणं रायसहस्साणं आवासे कारेह अनेगखंभसय तहेव जाव पञ्चप्पिणंति,
तते णं ते वासुदेवपामोक्खा बहवै रायसहस्सा जेणेव हत्थिणाउरे तेणेव उवागच्छन्ति, तते णं से पंडुराया तेसिं वासुदेवपामोक्खाणं आगमणं जाणित्ता हडतुडे पहाए कयबलि० जहा दुपए जाव जहारिहं आवासे दलयति, तते णं ते वासुदेवपा० बहवे रायसहस्सा जेणेव सयाई२ आवासाई तेणेव उवा० तहेव जाव विहरंति, तते णं से पंडुराया हत्थिणाउनयरं अनुपविसति २ कोडुंबिय० सद्दावेति २ एवं व०-तुब्भेणं देवा०! विउलं असन ४ तहेव जाव उवणेति, ततेणं ते वासुदेवपामोक्खा बहवे राया ण्हाया कयबलिकम्मा तं विपुलं असनं ४ तहेव जाव विहरंति, तते णं से पंडुराया पंच पंडवे दोवतिं च देविं पट्टयं दुरूहेति २ सीयापीएहिं कलसेहिं राहावेंति २ कल्लाणकारं करेति २ ते वासुदेवपामोक्खे बहवे रायसहस्से विपुलेणंअसण४ पुप्फवत्थेणं सकारेति जाव पडिविस ति, तते णं ताइवासुदेवप० बहुहिं जाव पडिगयाति।
वृ. 'कल्लाणकारे'त्ति कल्याणकरणं मङ्गलकरणमित्यर्थः,।
मू. (१७४) तते णं ते पंच पंडवा दोवतीए देवीए सद्धिं अंतोअंतेउरपरियाल सद्धिंकल्लाकल्लिं वारंवारेणं ओरालाति भोगभोगाइं जाव विहरति, तते णं से पंडू राया अन्नया कयाई पंचहिं पंडवेहिकोंतीए देवीए दोवतीए देवीएयसद्धिं अंतोअंतेउरपरियाल सद्धिं संपरिबुडे सीहासनवरगते यावि विहरति, इमं च णं कच्छुल्लनारए दसणेणं अइभद्दए विणीए अंतो २ य कलुसहियए मज्झत्थोवथिए य अल्लीणसोमपियदंसणे सुरूवे अमइलसगलपरिहिए कालमि- यचम्मउत्तरासंगरइयवत्थे दण्डकमण्डलुहत्थे जडामउडदित्तसिरए जन्नोवइयगणेत्तियमुंजमेहल-वागलधरे
__ -हत्यकयकच्छभीए पियगंधव्वे धरणिगोयरप्पहाणे संवरणावरणओवयणउपयणिलेसणीसुयसंकामणिअभिओगपन्नत्तिगमणीथंभणीसुयबहुसुविजाहरीसुविजासुविस्सुयजसे इढे रामस्सय केसवस्सयपज्जुनपईवसंबअनिरुद्धनिसढउम्मुयसारणगयसुमुहदुम्मुहातीणजायवाणं अट्ठाण कुमारकोडीणं हिययदइए संथवए कलहजुद्धकोलाहलप्पिए भंडणाभिलासी बहुसु य समरसयसंपराएसु दंसणरए समंतओ कलहसदक्खिणं अणुगवेसमाणे असमाहिकरे दसावरवीरपुरिसतिलोक्कबलवगाणं आमंतेऊणं तें भगवतीं एकमणिं गगनगमणदच्छं उप्पइओ गगनमभिलंघयंतो गामागरनगरखेडकब्बडमडंवदोणमुहपट्टणसंवाहसहस्समंडियंथिमियमेइणीतलं वसुहं ओलोइंतो रम्मं हत्थिणारं उवागए पंडुरायभवणंसि अइवेगेण समोवइए,
ततेणं से पंडुराया कच्छुलनारयं एजमाणं पासति २ पंचहिं पंडवेहिं कुंतीएयदेवीए सद्धिं आसणातो अब्भुटेति २ कच्छुल्लनारयंसत्तट्ठपयाई पच्चुग्गच्छइर तिक्खुत्तो आयाहिण-पयाहिणं करेति २ वंदतिनमंसतिमहरिहेणं आसणेणंउवनिमंतेति, ततेणंसेकछुल्लनारए उदगपरिफोसियाए दब्भोवरिपञ्चत्थुयाए भिसियाए निसीयति २ पंडुरायं रखे जाव अमतेउरे य कुसलोदंतं पुच्छइ,