Agam 19 Upang 08 Niryavalika Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 19

(१९-२२) निरयावलि ए (१) कनिया काले / सुकाले [८]
*******Y
खलु देवाणुप्पिया ! वेहल्ले कुमारे कूणियस्स रन्नो असंविदितेणं सेयणगं अट्ठारसवंकं च हारं गहाय इह हव्वमागते, तते णं कूणिएणं सेयणगस्स अट्ठारसवंकस्स य अट्ठा तओ दूया पेसिया, ते य मए इमेणं कारणेणं पडिसेहिया, तते णं से कूणिए ममं एय मट्ठे अपडिसुणमाणे चाउरंगिणीए सेणाए सद्धिं संपरिवुडे जुज्झसज्जे इहं हव्वमागच्छति, तं किन्नु देवाणुप्पिया ! सेयणगं अट्ठारसवंकं हारं च कूणियस्स रन्नो पच्चप्पिणामो ? वेहल्लं च कुमारं पेसेमो ? उदाहु जुज्झित्था ?, तते णं नवल्लई नव लेच्छती कासीकोसलगा अट्ठारसवि गणरायाणो चेडगं रायं एवं वदासी न एवं सामी ! जुत्तं वा पत्तं वा रायसरिसं वा जन्नं सेयणगं अट्ठारसवकं च हारं कूणियस्स रन्नो पच्चप्पिणिज्जति वेहल्ले य कुमारे सरणागते पेसिज्जति, त जइ णं कूणिए राया चाउरंगिणीए सेणाए सद्धिं संपरिवुडे जुज्झसज्जे इहं हव्वमागच्छति तणं अम्हे कूणिएणं रण्णा सद्धिं जुज्झामो, तते णं से चेडए राया ते नव मल्लई नव लेच्छई कासीकोसलगा अट्ठारसवि गणरायाणो एव वदासी - जइ णं देवाप्पिया! तुभे कूणिएणं रन्ना सद्धिं जुज्झह तं गच्छह णं देवाणुप्पिया ! सतेसु २ रज्जेसु ण्हाया जहा कालादीया जाव जएणं विजएणं वद्धावेति, तते णं से चेडए राया कोटुंबियपुरिसे सद्दावेति त्ता एवं वयासी आभिसेक्कं जहा कूणिए जाव दुरूढे, तते णं से चेडए राया तीहिं दंतिसहस्सेहिं जहा कूणिए जाव वेसालिं नगरिं मज्झंमज्झेणं निग्गच्छति त्ता जेणेव ते नव मल्लई नव लेच्छती कासीकोसलगा अट्ठारसवि गणरायाणो तेणेव उवागच्छति, तते णं से चेडए राया सत्तावन्नाए दंतिसहस्सेहिं सत्तावन्नाए आससहस्सेहिं सत्तावन्नाए रहसहस्सेहिं सत्तावन्नाए मणुस्सकोडीहिं सद्धिं संपरिवुडे सव्विड्ढीए जाव रवेणं सुभेहिं वसहीहिं पातरासेहिं नातिविगिट्ठेहिं अंतरावासेहिं वसमाणे २ विदेहं जणवयं मज्झंमज्झेणं जेणेव देसपंते तेणेव उवा० त्ता खंधावारनिवेस करेति त्ता कूणियं रायं पडिवालेमाणे जुज्झसज्जे चिट्ठ, तते गं से कूणिए राया सव्विड्ढीए जाव रवेणं जेणेव देसपंते तेणेव उवा० चेडयस्स रन्नो जोयणंतरियं खंधावारनिवेसं करेति, तते णं ते दोन्निवि रायाणो रणभूमिं सज्जात तारणभूमिं जयंति, तते णं से कूणिए तेत्तीसाए दंतिसहस्सेहिं जाव मणुस्सकोडीहिं गरूलवूहं रएइ ता गरूलवूहेणं रहमुसलं संगामं उवायाते, तते से चेडए राया सत्तावन्नाए दंतिसहस्सेहिं जाव सत्तावन्नाए मणुस्सकोडीहिं सगडवूहं रएइ त्ता सगडवूहेणं रहमुसलं संगामं उवायाते, तते णं ते दोपहवि राई
या सन्नद्ध जाव गहियाउहपहरणा मंगतितेहिं फलतेहिं निक्कट्ठाहिं असीहिं अंसागएहि तोणेहिं सजीवेहिं धणूहिं समुक्खित्तेहिं सरेहिं समुल्लालिताहिं डावाहिं ओसारियाहिं उरूघंटाहिं छिप्पतूरेणं वज्जमाणेणं महया उक्तिट्टसीहनायबोलकलकलरवेणं समुद्दरवभूयंपिव करेमाणा सव्विड्ढीए जाव रखेणं हयगया हयगए हिं
गया गयगतेहिं रहगया रहगतेहिं पायत्तिया पायत्तिएहिं अन्नमन्नेहिं सद्धिं संपलग्गा यावि होत्था, तते णं ते दोण्हवि रायाणं अणिया णियगसामीसासणाणुरत्ता महता जणक्खयं जणवहं जणप्पमद्दं जणसंवट्टकप्पं नच्चंतकबंधवार भीमं रूहिरकद्दमं करेमाणा अन्नमन्त्रेणं सद्धिं जुज्झति, तते णं से काले कुमारे तीहिं दंतिसहस्सेहिं जाव मणूसकोडीहिं गरूलवूहेणं एक्कारसमेणं खंधेणं कूणिएणं रण्णा सद्धिं रहमुसलं संगामं संगामेमाणे हयमहित जहा भगवता कालीए देवीए परिकहियं जा जीवियाओ ववरोवेति, तं एवं खलु गो० ! काले कुमारे एरिसएहिं आरंभेहिं जाव एरिसएणं असुभकडकम्मपब्भारेणं कालमासे कालं किच्चा चउत्थीए पंकप्पभाए पुढवीए हेमा नरए नेरइयत्ताए उववन्ने । १८। काले णं भंते! कुमारे चउत्थीए पुढवीए अनंतरं उव्वट्टित्ता कहिं गच्छिहिति कहिं उव्वज्जिहिति ?, गो० ! महाविदेहे वासे जाई कुलाई भवंति तं०- अड्ढाई जहा दढप्पइओ जाव सिज्झिहिति बुज्झिहिति जाव अंतं काहिति, तंएवं खलु जंबू ! समणेणं भगवया जाव संपत्तेणं निरावलियाणं पढमस्स अज्झयणस्स 555 अयमट्ठे पं० | १९|| कालज्झयणं ८-९ ॥ जइ णं भंते! समणेणं जाव संपत्तेणं निरयावलियाणं पढमस्स अज्झयणस्स अयमद्वे पं० दोच्चस्स णं भंते! अज्झयणस्स निरयावलियाणं समणेणं भगवया जाव संपत्तेणं के अट्ठे पं० ?, एवं खलु जंबू ! तेणं कालेणं० चंपा नामं नगरी होत्था, पुन्नभद्दे चेइए, कोणिए राया, पउमावई देवी, तत्थ णं चंपाए नयरीए सेणियस्स रन्नो भज्जा कोणियस्स रन्नो चुल्लमाउया सुकाली नामं देवी होत्था सुकुमाला०, तीसे णं सुकालीए देवीए पुत्ते सुकाले नामं कुमारे होत्था सुकुमाले०, तते णं से सुकाले कुमारे अन्नया कयाति तीहिं दंतिसहस्सेहिं जहा कालो कुमारो निरवसेसं तं चेव जाव महाविदेहे वासे अंतं काहिति एवं निरयावलियाणं बीयस्स अज्झयणस्स अयमट्ठे पण्णत्तेत्तिं बेमि || बितियं सुकालअज्झयणं ८-२ ॥ एवं सेसावि अट्ठ अज्झयणा नेयव्वा पढमसरिसा, णवरं मायातो सरिसणामाओ | २०|| अज्झयणाणि ३-१०|| निरयावलियातो समत्तातो ८।
ॐ
श्री आगमगुणमंजूषा - १२६९
४०