Agam 19 Upang 08 Niryavalika Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 30

(२२) पुप्फचूलियाणं अज्झयणं १-१० [3] *****xo सिरि उसहदेव सामिस्स णमो । सिरि गोडी - जिराउला - सव्वोदयपासणाहाणं णमो । नमोऽत्थुणं समणस्स भगवओ महइ महावीर व सामिस्स। सिरि गोयम - सोहम्माइ सव्व गणहराणं णमो । सिरि सुगुरु- देवाणं णमो । पुप्फचूलियाणं 555 एक्किारसमं उवंगं १-१० अज्झयणाणि १) जइ णं भंते समणेणं (भगवया महावीरेणं जाव संपत्तेणं उवंगाणं तइयस्स वग्गस्स पुप्फियाणं अयमठ्ठे पन्नत्ते चउत्थस्स णं भंते वग्गस्स पुप्फचूलियाणं समणेणं भगवया महावीरेणं जाव संपत्तेणं कइ अज्झयणा पन्नत्ता एवं खलु जंबू समणेणं भगवया महावीरेणं जाव संपत्तेणं पुप्फचूलियाणं) दस अज्झयणा पन्नत्ता तं जहा - (१-१) (२९-१) २) सिरि-हिरि - धिइ कित्ति - बुद्धि-लच्छी य होइ बोद्धव्वा इलादेवी सुरादेवी रसदेवी गंधदेवी य ॥ १॥ ( ||४|| ) ३) जइ णं भंते समणेणं भगवया महावीरेण जाव संपत्तेणं उवंगाणं चउत्थस्स वग्गस्स पुप्फचूलियाणं दस अज्झयणा पन्नत्ता पढमस्स णं भंते (अज्झयणस्स पुप्फचूलियाणं समणेणं भगवया महावीरेणं जाव संपत्तेणं के अट्ठे पन्नत्ते) एवं खलु जंबू तेणं कालेणं तेणं समएणं रायगिहे नयरे गुणसिलए चेइए सेणिए राया सामी समोसाढे परिसा निग्गया तेणं कालेणं तेणं समएणं सिरिदेवी सोहम्मे कप्पे सिरिवडिंसए विमाणे समाए सुहम्माए सिरिवडिंसयंसि सीहासणंसि चउहिं सामाणियसाहस्सीहिं चउहिं महत्तरियाहिं सपरिवाराहिं जहा बहुपुत्तिया जाव नट्टविहिं उवदंसित्ता पडिगया नवरं दारियाओ नत्थि पुव्वभवपुच्छा एवं खलु गोयमा तेणं कालेणं तेणं समएणं रायगिहे नयरे गुणसिलए चेइए जियसत्तू राया तत्थ णं रायगिहे नयरे सुदंसणे नामं गाहावई परिवसई - अड्ढे तस्स णं सुदंसणस्स गाहावइस्स पिया नामं भारिया होत्थामालपाणिपाया तस्स णं सुदंसणस्स गाहावइस्स धूया पियाए गाहावइणीए अत्तया भूया नामं दारिया होत्था - वुड्ढा वुड्ढकुमारी जुण्णा जुण्णकुमारी पडियपुतत्थणी वरगपरिवज्जिया यावि होत्या, तेणं कालेणं तेणं समएणं पासे अरहा पुरिसादाणीए जाव नवरयणिए वण्णओ सो चेव समोसरणं परिसा निगगया तए णं सा भूया दारिया इमीसे कहाए लखट्ठा समाणी हट्टतुट्ठ जेणेव अम्मापियरो तेणेव उवागच्छइ उवागच्छित्ता एवं वयासी एवं खलु अम्मताओ पासे अरहा पुरिसादाणीए पुव्वाणुपुव्विं चरमाणे जाव गणपरिवुडे विहरइ तं इच्छामि णं अम्मताओ तुब्भेहिं अब्भणुण्णाया समाणी पासस्स अरहओ पुरिसादाणीयस्स पायवंदिया गमित्तए अहासु देवाणुप्पिएमा पडिबंधं तए णं सा भूया दारिया ण्हाया अप्पमहग्धाभरणालंकियसरीरा चेडीचक्कवालपरिकिण्णा साओ गिहाओ पडिनिक्खमइ पडिनिक्खमित्ता जेणेव बाहिरिया उवट्ठाणसाला तेणेव उवागच्छइ उवागच्छित्ता धम्मियं जाणप्पवरं दुरुढा तए णं सा भूया दारिया नियगपरिवारपरिवुडा रायगि नयरं मज्झंमज्झेणं निग्गच्छइ निग्गच्छित्ता जेणेव गुणसिलए चेइए तेणेव उवागच्छइ उवागच्छित्ता चेडीचक्कवालपरिकिण्णा जेणेव पासे अरहा पुरिसादाणीए तेणेव उवागच्छइ उवागच्छित्ता तिक्खुत्तो आयाहिण-पयाहिणं करेइ करेत्ता वंदइ नमसइ जाव पज्जुवासइ तए णं पासे अरहा पुरिसादाणी भूयाए दारियाए तीसे य महइमहालियाए परिसाए धम्मं परिकहेइ धम्मं सोच्चा निसम्म हट्टतुट्ठा वंदइ नमंसइ वंदित्ता नमंसित्ता एवं वयासी सद्दहामि णं भंते निग्गंथं पावयणं जाव अब्भुट्ठेमि णं भंते निग्गधं पावयणं से जहेयं तुब्भे वयह जं नवरं भंते अम्मापियरो आपुच्छामि तए णं अहं (देवाणुप्पियाणं अंतिए मुंडे भवित्ता अगाराओ अणगारियं) पव्वयामि अहासुहं देवाणुप्पिए तए णं सा भूया दारिया तमेव धम्मियं जाणप्पवरं दुरुहइ दुरुहित्ता जेणेव रायगिहे नयरे तेणेव उवागया रायगिहं नयरं मज्झंमज्झेणं जेणेव स गिहे तेणेव उवागया रहओ पच्चोरुहित्ता जेणेव अम्मापियरो तेणेव उवागया करयल (परिग्गहियं दसनहं सिरसावत्तं मत्थए अंजलिं कट्टु ) जहा जमाली आपुच्छ अहासुहं देवाणुप्पिए तए णं से परियणं आमंतेइ आमंतेत्ता जाव जिमियभुत्तुत्तरकाले सुईभूए निक्खमणमाणेत्ता कोडुं बि-यपुरिसे सद्दावेइ सद्दावेत्ता एवं वयासीखिप्पामेव भो देवाणुप्पिया भूयाए दारियाए पुरिसस - हस्सवाहिणिं सीयं उवंट्ठवेह उवट्ठवेत्ता एयमाणत्तियं पच्चप्पिणह तए णं ते कोडुंबियपुरिसा तमाणत्तियं पच्चप्पिणंति तए णं से सुदंसणे गाहावई भूयं दारियं ण्हायं जाव सव्वालंकारवि-भूसियसरीरं पुरिससहस्सवाहिणिं सीयं दुरुहेइ दुरुहेत्ता मित-नाइ (नियग-सयण-संबंधि
ॐ श्री आगमगुणमंजूषा - १२८०