Agam 19 Upang 08 Niryavalika Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 33

(२३) वहिदसाणं [२]
ॐ ॐ ॐ ॐ ॐ ॐ ॐ
से कण्हे वासुदेवे जेणेव मज्जणघरे जाव दुरुढे अट्ठट्ठ मंगलगा जहा कूणिए सेयवरचामरेहिं उद्धव्वमाणेहिं- उद्धव्वमाणेहिं समुद्दविजयपामोक्खेहिं दसहिं दसारेहिं जाव सत्थवाहप्पभिईहि सद्धिं संपरिवुडे सव्विड्ढीए जाव दुंदहिं निग्घोसणाइवरवेणं नयरिं मज्झंमज्झेणं निग्गच्छइ सेसं जहा कूणिओ जाव पज्जुवासइ तए णं तस्स निसदस्स कुमारस्स उप्पिं पासायवरगयस्सं तं महया जणसद्दं च जहा जमाली जाव धम्मं सोच्चा निसम्मं वंदइ नमसइ वंदित्ता नमंसित्ता एवं वयासी सहामि णं भंते निग्गंथं पावयणं जहा चित्तो जाव सावगधम्मं पडिवज्जइ पडिवज्जित्ता पडिगए तेणं कालेणं तेणं समएणं अरहओ अरिट्टनेमिस्स अंतेवासी वरदत्ते नाम अणगारे उराले जाव विहरइ तए णं से वरदत्ते अणगारे निसढं कुमारं पासइ पासित्ता जायसड्ढे जाव पज्जुवासमाणे एवं वयासी अहो णं भंते निसढे कुमारे इट्ठे जाव सोमे सोमरुवे पियंदसणे सुरुवे, निसढेणं भंते कुमारेणं अयमेयारुवा मणुयइड्ढी किण्णा लद्धा किण्णा पत्ता पुच्छा जहा सूरियाभस्स एवं खलु वरदत्ता तेणं काणं तेणं समएणं इहेव जंबुद्दीवे दीवे भारहे वासे रोहीडए नामं नयरे होत्था - रिद्धत्थिमिय- समिद्धे मेहवण्णे उज्जाणे मणिदत्तस्स जक्खस्स जक्खाययणे तत्थ णं रोहीड नयरे महब्बले नामं राया पउमावई नामं देवी अण्णया मणिदत्तस्स जक्खस्स जंक्खाययणे तत्थ णं रोहीडए नयरे महब्बले नामं राया पउमावई नामं देवी अण्णा या तंसितारसगंसि सयणिज्नंसि सीहे सुमिणे एवं जम्मणं भाणियव्वं जहा महाबलस्स नवरं वीरंगओ नामं बत्तीसओ दाओ बत्तीसाए रायवरकण्णगाणं पाणि जाव उवगिज्जमाणे उवगिज्जमाणे पाउस - वरिसारत सरय- जाव पव्वंसे छप्पि उऊ जहावि भवेणं भुंजमाणे- भुंजमाणे कालं गालेमाणे इट्ठे जाव विहरइ तेणं कालेणं तेणं समएणं सिद्धत्य नाम आयारिया जाइसंपन्ना जहा केसी नवरं बहुस्सुया बहुपरियारा जेणेवे रोहीडए नयरे जेणेव मेहवण्णे उज्जाणे जेणेव मणिदत्तस्स जक्खस्स जक्खाययणे तेणेव उवागया अहापडिरुवं जाव विहरंति परिसा निग्गया तए णं तस्स वीरंगयस्स कुमारस्स उप्पिं पासायवरगयस्स तं महया जणसद्दं जहा जमाली निग्गओ धम्मं सोच्चा जं नवरं - देवाणुप्पिया अम्मापियरो आपुच्छामि जहा जमाली तहेव निक्खंतो जाव अणगारे जाए जाव गुत्तबंभयारी तए णं से वीरंगए अणगारे सिद्धत्थाणं आयरियाणं अंतिए सामाइयमाइयाई जाव एक्कारस अंगाई अहिज्जइ बहूहिं चउत्थ जाव भावेमाणे बहुपडिपुन्नाइं पणयालीसं वासाइं सामण्ण-परियागं पाउणित्ता दोमासियाए संलेहणाए अत्ताणं झूसित्ता सवीसं भत्तसयं अणसणाए छेइत्ता आलोइय-पडिक्कंते समाहिपत्ते कालमासे कालं किच्चा भलोए कप्पे मणोरमे विमाणे देवत्ताए उववण्णे तत्थ णं अत्थेगइयाणं देवाणं दससागरोवमाई ठिई तत्थ णं वीरंगयस्स देवस्स दससागरोवमानं ठिई से णं वीरंगए देवे ताओ देवलगाओ आउक्खएणं जाव अनंतरं चयं चइत्ता इहेव बारवईए नयरीए बलदेवस्स रण्णो रेवईए देवीए कुच्छिसि पुत्तत्ताए उववण्णे तए णं सा रेवई देवी तंसि तारिसगंसि सयणिज्जंसि सुमिणदंसणं जाव उप्पिं पासायवरगए विहरइ तं एवं खलु वरदत्ता निसढेणं कुमारेणं अयमेयारुवा उराला मणुयइड्ढी लद्धा पत्ता अभिसणाया पभू णं भंते निसढेकुमारे देवाणुप्पियाणं अंतिए ० पव्वइत्तए हंता पभू से एवं भंते से एवं भंते वरदत्ते अणगारे जाव भावेमाणे विहरइ तए णं अरहा अरिट्ठनेमी कयाइ बारवईओ नयरीओ जाव बहिया जणवयविहारं विहरइ तए णं से निसढे कुमारे समणोवासए जाए - अभिगयजीवाजीवे जाव विहरइ तए णं से निसढे कुमारे अण्णया कयाइ जेणेव पोसहसाला तेणेव उवागच्छइ उवागच्छित्ता जाव दब्भसंथारोवगए विहरइ तए णं तस्स निसढस्स कुमारस्स पुव्वरत्तावरत्तकालसमयंसि धम्मजागरियं जागरमाणस्स इमेयारुवे समुप्पज्जित्था तं धण्णा णं ते गामागार जाव सण्णिवेसा जत्थ णं अरहा अरिट्ठनेमी विर धण्णा णं ते राईसर जाव सत्थवाहप्पभिइओ जे णं अरहं अरिट्ठनेमिं वंदंति जाव पज्जुवासंति तं जइ णं अरहा अरिट्ठनेमी पुव्वाणुपुव्विं चरमाणे गामाणुगामं दूइज्माणे नंदनवने विहरेज्जा तो णं अहं अरहं अरिट्ठनेमिं वंदिज्जा जाव पज्जुवासिज्जा तए णं अरहा अरिट्ठनेमी निसढस्स कुमारस्स अयमेयारुवं अज्झत्थियं जाव वियामित्ता अट्ठारसहिं समणसहस्सेहिं जाव नंदनवने उज्जाणे समोसढे परिसा निग्गया तए णं निसढेकुमारे इमीसे कहाए लट्ठे समाणे हट्ठतुट्ठे चाउग्धंटेणं आसरहेणं निए जहा जमाली जावं अम्मापियरो आपुच्छित्ता पव्वइए अणगारे जाए इरियासमिए जाव गुत्तबंभयारी तए णं से निसढे अणगारे अरहओ अरिट्ठनेमिस्स तहारुवाणं थेराणं अंतिए सामाइयमाइयाइं एक्किारस अंगाई अहिज्जइ अहिज्जित्ता बहूहिं चउत्थं जाव भावेमाणे बहुपडिपुन्नाइ नव वासाइं सामण्णपरियागं पाउणइ Coom श्री आगमगुणमंजूषा १२८३
• Borsonal Line Of
ww.jainelibrary