Agam 02 Ang 02 Sutrakrutang Sutra Suyagado Terapanth

Author(s): Tulsi Acharya, Nathmalmuni
Publisher: Jain Vishva Bharati

Page 297

सत्तम अज्झयणं (णालंदइज्ज)
संसारिया खलु पाणा- तसा वि पाणा थावरत्ताए पच्चायति । थावरा वि पाणा तसत्ताए पच्चायति । तसकायाओ विप्पमच्चमाणा सव्वे थावरकायंसि उववज्जति । थावरकायाओ विप्पमुच्चमाणा सव्वे तसकायंसि उववज्जति । तेसि च णं तसकायंसि उववण्णाणं ठाणमेयं अघत्तं । ते पाणा वि वुच्चंति, ते तसा वि वुच्चंति, ते महाकाया, ते चिरद्विइया । ते बहुयरगा पाणा जेहि समणोवासगस्स सुपच्चक्खायं भवइ । ते अप्पयरगा पाणा जेहि समणोवासगस्स अपच्चक्खायं भवइ । से महया तसकायाओ उवसंतस्स उवट्रियस्स पडिविरयस्स जं णं तुब्भे वा अण्णो वा एवं वयह-"णत्थि णं से केइ परियाए जसि समणोवासगस्स एगपाणाए वि दंडे णिक्खित्ते"। अयं पि
'भे उवएसे" णो णेयाउए भवइ । समणदिद्वैत-पदं १७. भगवं च णं उदाहु णियंठा खलु पुच्छ्यिव्वा-आउसंतो! णियंठा ! इह खल
संतेगइया मणुस्सा भवंति । तेसिं च णं एवं वृत्तपुव्वं भवइ-जे इमे मुंडे भवित्ता अगाराओ अणगारियं पव्वइत्ता, एएसि णं आमरणंताए दंडे णिक्खित्ते । जे इमे अगारमावसंति, एएसि णं आमरणताए दंडे णो णिक्खित्ते । 'केई च णं समणे" जाव वासाइं च उपंचमाइं छद्दसमाइं अप्पयरो वा भुज्जयरो वा देसं दूइज्जित्ता 'अगारं वएज्जा ? हंता वएज्जा। तस्स गं तमगारत्थं वहह्माणस्स' से पच्चक्खाणे भग्गे भवइ ? णेति । एवमेव समणोवासगस्स वि तसेहिं पाणेहि दंडे णिक्खित्ते, थावरेहि पाहि दंडे णो णिक्खित्ते । तस्स णं तं थावरकायं वहमाणस्स से पच्चक्खाणे णो भग्गे
भवइ । सेवमायाणहणियंठा ! सेवमायाणियव्वं ।।। १८. भगवं च णं उदाहु णियंठा खलु पुच्छियव्वा-आउसंतो! णियंठा ! इह खल
गाहावइणो वा गाहावइपुत्ता वा तहप्पगारेहिं कुलेहिं आगम्म धम्मस्सवणवत्तियं उवसंकमेज्जा? हंता उवसंकमेज्जा।
१. जण्णं (क); जम्मि (क्व) । २. भेदे से (क, ख) ३. केसि (क, ख); अशुद्धं प्रतिभाति, केचन
श्रमणाः (वृ)। ४. अगारमावसेज्जा (ख, वृ)।
५. तं गारत्थं (क); गृहस्थं (ख)। ६. ८. वहेमाणस्स (क)। ७. णोति (ख)। ६. सेएव० (ख)।