Agam 02 Ang 02 Sutrakrutang Sutra Suyagado Terapanth

Author(s): Tulsi Acharya, Nathmalmuni
Publisher: Jain Vishva Bharati

Page 305

सत्तमं अज्झयणं (णालंदइज्ज)
४८१
बहुयरगा' 'पाणा जेहिं समणोवासगस्स सुपच्चक्खायं भवइ । ते अप्पयरगा पाणा जेहिं समणोवासगस्स अपच्चक्खायं भवइ । से महया तसकायाओ उवसंतस्स उर्वाट्टयस्स पडिविरयस्स जं णं तुब्भे वा अण्णो वा एवं वयह"णत्थि णं से केइ परियाए जंसि समणोवासगस्स एगपाणाए वि दंडे णिक्खित्ते ।" अयं पि भे उवएसे° णो णेयाउए भवइ ।। भगवं च णं उदाह-संतेगइया पाणा अप्पाउया, जेहिं समणोवासगस्स आयाणसो आमरणंताए दंडे मिक्खित्ते भवइ । ते पुनामेव कालं करति, करेत्ता पारलोइयत्ताए पच्चायति । ते पाणा वि वच्चंति, ते तसावि वच्चंति, ते महाकाया, ते अप्पाउया। ते बहुयरगा पाणा जेहिं समणोवासगस्स सुपच्चक्खायं भवइ । ते अप्पयरगा पाणा
गोवामगस्स अपच्चक्खायं भवइ । से महया 'तसकायाओ उवसंतस्स उद्वियस्स पडिविरयस्स जं णं तुम्भे वा अण्णो वा एवं वयह-"णस्थि णं से केइ परियाए जसि समणोवासगस्स एगपाणाए वि दंडे णिक्खित्ते ।" अयं पि भे
उवएसे ° णो णेयाउए भवइ ।। णवभंगेहि पच्चक्खाणस्स विसय-उवदंसण-पदं २६. भगवं च णं उदाहु-संतेगइया समणोवासगा भवंति । तेसिं च णं एवं वृत्तपुवं
भवइ—णो खलु वयं संचाएमो मुंडा भवित्ता' 'अगाराओ अणगारियं. पव्वइत्तए । णो खलु वयं संचाएमो चाउद्दसट्ठमुद्दिठ्ठपुण्णमासिणीसु पडिपुण्णं पोसह अणपालित्तए । णो खलु वयं संचाएमो अपच्छिम 'मारणंतियसलेहणाअसणाझसिया भत्तपाणपडियाइक्खिया कालं अणव कंखमाणा विहरित्तए । वयं णं सामाइयं देसावगासियं" --पुरत्था पाईणं पडीणं दाहिणं उदीण एतावताव सव्वपाहिं' सबभूएहि सव्वजीवेहि सव्वसत्तेहिं दंडे णिक्खित्ते पाणभूयजीवसत्तेहिं खेमंकरे अहमंसि । १. तत्थ आरेणं जे तसा पाणा, जेहि समणोवासगस्स आयाणसो आमरणंताए दंडे णिक्खित्ते, ते तओ आउं विप्पजहंति, विप्पजहित्ता तत्थ आरेणं चेव जे तसा पाणा, जेहि समणोवासगस्स आयाणसो आमरणताए दंडे णिविखत्ते, तेसु पच्चायंति तेहि समणोवासगस्स सुपच्चक्खायं भवइ ।
१. सं. पा.-~बहुयरगा जाव णो जयाउए । २. सं० पा.-महया जाव णो णेयाउए । ३. स. पा.---भवित्ता जाव पव्वइत्तए। ४. सं० पा० अच्छिमं जाव विहरित्तए ।
५. व्या० दि–'अणुपालेमाणा विहरिस्सामो'
इति अध्याहर्तव्यम् । ६. सं० पा०-सव्वपाणेहि जाव सम्वसत्तेहि ।