Aagam Manjusha 06 Angsuttam Mool 06 Nayadhammkaha

Author(s): Anandsagarsuri, Sagaranandsuri
Publisher: Deepratnasagar

Page 14

तते णं से सेणिए राया कासवयं एवं वदासी-गच्छाहि णं तुमे देवाणुप्पिया ! सुरभिणा गंधोदएणं णिके हत्थपाए पक्खालेह सेयाए चउप्फालाए पोत्तीए मुहं बंधेत्ता मेहस्स कुमारस्स चउरंगुलवज्जे णिक्खमणपाउग्गे अमाकेसे कप्पेहि, तते णं से कासवए सेणिएणं रन्ना एवं वुत्ते समाणे हट्ट जाव हियए पडिसुणेति त्ता सुरभिणा गंधोदएणं हत्थपाए पक्खालेति त्ता सुद्धवत्येणं मुहं बंधति त्ता परेणं जत्तेणं मेहस्स कुमारस्स चउरंगुलवजे णिक्खमणपाउम्गे अग्गकेसे कप्पति, ततेणं तस्स मेहस्स कुमारस्स माया महरिहेणं हंसलक्खणेणं पडसाडएणं अम्गकेसे पडिच्छति त्ता सुरभिणा गंधोदएणं पक्खालेति त्ता सरसेणं गोसीसचंदणेणं चच्चाआ दलयति त्ता सयाए पोतीए बंधेति त्ता रयणसमुग्गयंसि पक्विवति त्ता मंजूसाए पक्खिवति त्ता हारवारिधारसिंदुवारछिन्नमुत्तावलिपगासाई अंसई विणिम्मुयमाणी २ रोयमाणी २ कंदमाणी२ विलवमाणी २ एवं वदासी-एस णं अम्हें मेहस्स कुमारस्स अम्भुदएसु य उस्सवेसु य पब्वेसु य तिहीसु य छणेसु य जन्नेसु य पव्वणीसु य अपच्छिमे दरिसणे भविस्सहत्तिकटु उस्सीसामूले ठवेति, तते णं तस्स मेहस्स कुमारस्स अम्मापितरो उत्तरावकमणं सीहासर्ण रयाति मेहं कुमारं दोबंपितचंपि सेयपीयएहिं कलसेहिं व्हावेंति त्ता पम्हलसुकुमालाए गंधकासाइयाए गायाति लूहेति त्ता सरसेणं गोसीसचंदणेणं गायाति अणुलिंपतिनासानीसासवायवोमं जाव हंसलक्षणं पडगसाडगं नियंसेंति त्ता हारं पिणदंति त्ता अबहारं पिणद्धति त्ता एगावलि मुत्तावलिं कणगावलिं रयणावलिं पालवं पायपलंब कडगाई तुडिगाई केउराति अंगयातिं दसमुहियाणतयं कडिसुत्तयं कुंडलातिं चूडामणिं स्यणुकडं मउर्ड पिणदंतिता दिव्यं सुमणदामं पिणद्धति ता दद्दुरमलयसुगंधिए गंधे पिणद्धति, तते णं तं मेहं कुमारं गंठिमवेढिमपरिमसंघाइमेणं चउब्बिहेणं मलेणं कप्परक्खगंपिव अलंकितविभूसियं करेंति, तते णं से सेणिए राया कोडुचियपुरिसे सहावेति त्ता एवं वयासी-खिप्पामेव भो देवाणुप्पिया! अणेगखंभसयसशिविर्ल्ड लीलट्ठियसालभंजियागं ईहामिगउसमतुरयनरमगरविहगवालगकिमररुरुसरभचमरकुंजरवणलयपउमलयभत्तिचित्तं घंटावलिमहुरमणहरसरं सुभकंतदरिसणिज निउणोवियमिसिमिसिंतमणिरयणघंटियाजालपरिखित्तं अब्भुम्गयवइखेतियापरिगयाभिरामविजाहरजमलजंतजुत्तंपिव अञ्चीसहस्समालणीय रुवगसहस्सकलियं भिसमाणं भिम्भिसमाणं चक्खुलोयणलेस्सं सुहफासं सस्सिरीयरूवं सिग्धं तुरितं चवलं वेतियं पुरिससहस्सवाहिणी सीयं उवट्ठवेह, तते णं ते कोढुंबियपुरिसा हहतुट्ठा जाव उबट्ठवेंति, तते णं से मेहं कुमारे सीयं दूरुहति त्ता सीहासणवरगए पुरत्याभिमुहे सन्निसन्ने, तते णं तस्स मेहस्स कुमारस्स माया म्हाता कयबलिकम्मा जाव अप्पमहग्याभरणालंकियसरीरा सीयं दूरुहति त्ता मेहस्स कुमारस्स दाहिणे पासे भहासणंसि निसीयति, तते णं तस्स मेहस्स कुमारस्स अंबधाती रयहरणं च पडिग्गहगं च गहाय सीयं दुरूहति त्ता मेहस्स कुमारस्स वामे पासे भहासणंसि निसीयति, तते णं तस्स मेहस्स कुमारस्स पिटुतो एगा वरतरुणी सिंगारागारचारुवेसा संगयगयहसियभणियचेट्टियविलाससंलावुल्लाव
लवायअम्भुन्नयपाणतियसठितपआहरा हिमस्ययकुंदंदुपगासं सकोरेंटमलदामधवलं आयवत्तं गहाय सलील ओहारेमाणी २ चिट्ठति. तते णं तस्स मेहस्स कुमारस्स दुवे वरतरुणीओ सिंगारागारचारुवेसाओ जाव कुसलाओ सीयं दूरुहंति त्ता मेहस्स कुमारस्स उभओ पासिं नाणामणिकणगरयणमहरिहतवणिज्जुज्जलविचित्तदंडाओ चिलियाओ सुहुमवरदीहवालाओ संखकुंददगरयअमयमहियफेणपुंजसभिगासाओ चामराओ गहाय सलीलं ओहारेमाणीओ२ चिट्ठति, तते णं तस्स मेहकुमारस्स एगा वरतरुणी सिंगारा जाव कुसला सीयं जाव दूरूहति त्ता मेहस्स कुमारस्स पुरतो पुरथिमेणं चंदप्पभवइरवेरुलियविमलदंड तालविंट गहाय चिट्ठति, तते णं तस्स मेहस्स कुमारस्स एगा वरतरुणी जाव सुरूवा सीयं दुरूहति त्ता मेहस्स कुमारस्स पुव्वदक्खिणेणं सेयं रययामयं विमलसलिलपुन मत्तगयमहामुहाकितिसमाणं भिंगारं गहाय चिट्ठति, तते णं तस्स मेहस्स कुमारस्स पिया कोटुंबियपुरिसे सहावेति त्ता एवं वदासी-खिप्पामेव भो देवाणुप्पिया! सरिसयाणं सरिसत्तयाणं सरिव्वयाणं एगाभरणगहितनिजोयाणं कोडंपियवरतरुणाणं सहस्सं सहावेह जाव सहावेति, तए णं कोडंपियवरतरुणपरिसा सेणियस्स रन्नो कोइंषियपुरिसेहिं सहाविया समाणा हट्ठा व्हाया जाय एगाभरणगहितणिज्जोया जेणामेव सेणिए राया तेणामेव उवागच्छंति त्ता सेणियं रायं एवं वदासी-संदिसह णं देवाणुप्पिया! जन्नं अम्हेहिं करणिज, तते णं से सेणिए तं कोडुंबियवरतरुणसहस्सं एवं वदासी-गच्छह णं देवाणुप्पिया! मेहस्स कुमारस्स पुरिससहस्सवाहिणि सीयं परिवहेह, तते णं तं कोडुंबियवरतरुणसहस्सं सेणिएणं रन्ना एवं वृत्तं संतं हटुं तुटुं तस्स मेहस्स कुमारस्स पुरिससहस्सवाहिणी सीयं परिवहति, तए णं तस्स मेहस्स कुमारस्स पुरिससहस्सवाहिणि सीयं दूरूढस्स समाणस्स इमे अट्ठमंगलया तप्पढमयाए पुरतो अहाणुपुब्बीए संपट्ठिया, तं०- सोत्थियसिविच्छणंदियावत्तवद्धमाणगभदासणकलसमच्छदप्पणा जाव बहवे अत्यस्थिया जाव ताहिं इट्ठाहिं जाव अणवस्यं अभिणदंता य अभिथुणता य एवं वदासी-जय २णंदा ! जय २णंदा ! जय २ भद्दा! भई ते अजियाई जिणाहि इंदियाई जियं च पालेहि समणधम्मं जियविग्घोऽविय वसाहि तं देव ! सिद्धिमझे निहणाहि रागदोसमल्ले तवेणं घितिधणि(बलि. ४१५ ज्ञातधर्मकयांगं,- असण-१
मुनि दीपरत्नसागर