Aagam Manjusha 06 Angsuttam Mool 06 Nayadhammkaha

Author(s): Anandsagarsuri, Sagaranandsuri
Publisher: Deepratnasagar

Page 43

रण्णो भवणे जेणेव जितसत्तू तेणेव उवागच्छइ त्ता अणुपविसति त्ता जियसत्तुं जएणं विजएणं बद्धावेति, तते णं से जितसत्तू चोक्खं परि० एजमाणं पासति ता सीहासणाओ अभुट्टेति ता चोक्खं सकारेति ता आसणेणं उवणिमंतेति, तते णं सा चोक्खा (प्र० चोकिख) उद्गपरिफोसियाए जाव भिसियाए निविसइ, जियसत्तुं रायं रज्जे य जाव अंतेउरे य कुसलोदंतं पुच्छइ, तले णं सा चोक्खा जियसत्तुस्स रन्नो दाणधम्मं च जाव विहरति, तते गं से जियसत्तू अप्पणो ओरोहंसि जाव विम्हिए चोक्खं एवं वदासी तुमं णं देवाणुप्पिया! बहूणि गामागर जाव अडह बहूण य रातीसर• गिहाति अणुपविससि तं अस्थियाई ते कस्सवि रन्नो वा जाव एरिसए ओरोहे दिट्टपुत्रे जारिसए णं इमे मह उवरोहे ?, तए णं सा चोक्खा परिवाइया ईसिं अवहसियं करेइ ता एवं बयासी एवं च सरिसए णं तुमं देवाणुप्पिया! तस्स अगडदददुरस्स ?, के णं देवाणुप्पिए से अगडदद्दुरे ?, जियसत्तू से जहानामए अगडददुरे सिया, से णं तत्थ जाए तत्थेव बुड्ढे अण्णं अगडं वा तलागं वा दहं वा सरं वा सागरं वा अपासमाणे चेवं मण्णइ- अयं चैव अगडे वा जाव सागरे वा, तए णं तं कूर्व अण्णे सामुदए ददुरे वमागए, तए णं से कूवदद्दुरे तं सामुददुरं एवं वदासी से केस णं तुम देवाणुप्पिया! कत्तो वा इह दृष्ट्वमागए ?, तए णं से सामुद्दए ददुरे तं कुवददुरं एवं क्यासी एवं खलु देवाणुप्पिया ! अहं सामुद्दए ददुरे, तए णं से कूवदद्दुरे तं सामुयं दददुरं एवं बयासी केमहालए णं देवाणुप्पिया! से समुद्दे ?, तए णं से सामुदए दददुरे तं कुवदददुरं एवं वयासी महालए णं देवाणुप्पिया ! समुद्दे, तए णं से ददुरे पाएणं लीहं कड्ढेइ ता एवं व्यासी- एमहालए णं देवाणुपिया से समुद्दे ?, णो इणट्ठे समट्टे. महालए णं से समुद्दे, तए णं से कूवददुरे पुरच्छिमिल्लाओ वीराओ उम्फिडित्ताणं गच्छइ त्ता एवं बयासी एमहालए णं देवाणुप्पिया ! से समुद्दे ?, णो इणट्टे समट्टे, तहेव एवामेव तुमपि जियसत्तू अन्नेसि बहूणं राईसरजावसत्थवाहपभिईणं भज्जं वा भगिणीं वा धूयं वा सुण्डं वा अपासमाणे जाणेसि जारिसए मम चेव णं ओरोहे तारिसए जो अण्णस्स, तं एवं खलु जियसत्तू ! मिहिलाए नयरीए कुंभगस्स धूता पभावतीए अतिया मही नामंति रूपेण य जुवणेण जाव नो खलु अण्णा काई देवकन्ना वा जारिसिया मही, महीए विदेहवररायकण्णाए छिण्णस्सवि पायगुड इमे तवोरोहे सयसहस्सतिमंपि कलं न अग्धइत्तिकट्टु जामेव दिसं पाउच्भूया तामेव दिसं पडिगया, तते णं से जितसत्तू परिवाइयाजणितहासे दूयं सदावेति ता जाव पहारेत्थ गमणाए । ८० । तवे णं तेसिं जियसत्तुपामोक्खाणं छण्डं राईणं दूया जेणेव मिहिला तेणेव पहारेत्य गमणाए, तते णं छप्पिय दूतका जेणेव मिहिला तेणेव उवागः त्ता मिहिलाए अग्गुज्जाणंसि पत्तेयं २ खंधावारनिवेस करेंति त्ता मिहिलं रायहाणीं अणुपविसंति ता जेणेव कुंभए तेणेव उवा० पत्तेयं २ करयल० साणं २ राईणं वयणातिं निवेदंति, तते गं से कुंभए तेसिं दूयाणं अंतिए एयमहं सोचा आसुरुते जाव तिबलियं भिउडिं० एवं क्यासी-न देमि णं अहं तुब्भं महीं विदेहवरकण्णंतिकट्टु ते छप्पि दूते असकारिय असम्माणिय अवदारणं णिच्छुभावेति, तते णं जितसत्तृपामोक्खाणं छष्णं राईणं दूया कुंभएणं रन्ना असकारिया असम्माणिया अवदारणं णिच्छुभाविया समाणा जेणेव सगा २ जणक्या जेणेव सयातिं २ गराई जेणेव सगा २ रायाणो तेणेव उवा० करयलपरि० एवं क्यासी एवं खलु सामी ! अम्हे जितसत्तुपामोक्खाणं छण्डं राईणं दुया जमगसमगं चेव जेणेव मिहिला जाव अबदारेण निच्छुभावेति ण देणं सामी कुंभए मल्लीं वि०, साणं २ राईणं एयमहं निवेदंति, तते णं ते जियसत्तुपामोक्खा छप्पि रायाणो तेसि दूयाणं अंतिए एयमहं सोचा निसम्म आसुरुत्ता अष्णमण्णस्स दूयसंपेसणं करेंति ता एवं बदासी एवं खलु देवाणुप्पिया ! अम्हं छण्हं राईणं दूया जमगसभगं चैव जाव निच्छूढा तं सेयं खलु देवाणुप्पिया! अम्हं कुंभगस्स जत्तं गेष्टिएत्तिकट्टु अण्णमण्णस्स एतमहं पडिसुर्णेति ता व्हाया सण्णद्धा इत्थिखंधवरगया सकोरंटमल्लदामा जाव सेयवरचामराहिं० महयाहयगयरहपवरजोहकलियाए चाउरंगिणीए सेणाए सद्धिं संपरिवुढा सविड्ढीए जाव खेणं सएहिं २ जाब निम्गच्छंति नगरेहिंतो ता एगयओ मिलायंति त्ता जेणेव मिहिला तेणेव पहारेत्थ गमणाए तते गं कुंभए राया इमीसे कहाए लट्टे समाणे बलवाउयं सहावेति त्ता एवं वदासी खिप्पामेव हय जाव सेण्णं सचाहेह जाव पञ्चप्पिणंति, तते णं कुंभए पहाते सण्णद्धे हत्थिखंध सकोरंट० सेयवरचामरए महया० मिहिलं मज्मज्येणं णिज्जाति त्ता विदेहं जणवयं मज्झमज्झेणं जेणेव देसअंते तेणेव उवा० त्ता खंधावारनिवेस करेति ता जियसत्तुपा० छप्पिय रायाणो पडिवालेमाणे जुज्झसज्जे डिचिट्ठति तते णं ते जियतत्तुपायोक्खा छप्पिय रायाणो जेणेव कुंभए तेणेव उवा० ता कुंमएणं रन्ना सद्धिं संपलम्गा यावि होत्था, तते णं ते जियसत्तुपामोक्खा छप्पि रायाणो कुंभयं रायं इयमहियपवरवीरघाइयनिवडियचिंधद्धयप्पडागं किच्छप्पाणोवगयं दिसो दिसिं पडिसेहिंति, तते णं से कुंभए जितमन्नुपामोक्खेहिं छहिं राईहिं हयमहित जाव पडिसेहिए समाणे अत्थामे अबले अवीरिए जाव अधारणिज्जमितिकटु सिग्धं तुरियं जाव वेइयं जेणेव मिहिला तेणेव उवा० ता मिहिलं अणुपविसति त्ता मिहिलाए दुवारातिं पिढेइ ता रोहसजे चिट्ठति, तते णं ते जितसत्तुपायोक्खा छप्पि रायाणो जेणेव उवागच्छति ता मिहिलं रायहाणिं णिस्संचारं णिरुवारं सङ्घतो समंता ओरंभित्ताण चिह्नंति, तते गं से कुंभए मिहिल रायहाणि रुं जाणित्ता अभंतरियाए उवट्टाणसालाए सीहासणवरगए तेसिं जितसत्तुपामोक्खाणं छण्डं रावीणं छिद्दाणि य विवराणि य मम्माणि य अलभमाणे बहूहिं (१११) ४४४ ज्ञातधर्मकथांगं, अज्झयण
मुनि दीपरत्नसागर