Aagam Manjusha 06 Angsuttam Mool 06 Nayadhammkaha

Author(s): Anandsagarsuri, Sagaranandsuri
Publisher: Deepratnasagar

Page 47

STOR
| परिसाए पंचहिं अणगारसएहिं बाहिरियाए परिसाए मासिएणं भत्तेणं अपाणएणं वग्धारियपाणी खीणे वेयणिजे आउए नामे गोए सिदे एवं परिनिशाणमहिमा जहा जंबहीवपण्णत्तीए, नंदीसरे अट्ठाहियाओ पडिगयाओ, एवं खलु जंबू ! समणेणं भगवया महावीरेणं अट्ठमस्स नायज्झयणस्स अयमट्टे पण्णतेत्तिबेमि । ८४॥ मडीअज्मयण ८॥ जहणं भंते! समणेणं जाव संपत्तेणं अट्ठमस्स णायज्झयणस्स अयमढे पण्णत्ते नवमस्स णं भंते ! नायज्झयणस्स समणेणं जाव संपत्तेणं के अट्टे पण्णते?, एवं खल जंबू ! तेणं कालेणं चंपा नामं नयरी० पुण्णभहे. तत्थ णं माकंदी नाम सत्यवाहे परिवसति, अड्ढे०, तस्स णं भद्दा नाम भारिया, तीसे णं भहाए अत्तया दुवे सत्यवाहदारया होत्या. तं०-जिणपालिए य जिणरक्खिए य, तते णं तेसिं मागंदियदारगाणं अण्णया कयाई एगयओ इमेयारुवे मिहो कहासमुल्लावे समुप्पजित्था एवं खल अम्हे लवणसमुहं पोयवहणेणं एक्कारस वारा ओगाढा सवत्थविय णं लवट्ठा कयकजा अणहसमग्गा पुणरवि निययघरं हवमागया तं सेयं खलु अम्हं देवाणुप्पिया ! दुवालसमंपि लवणसमुहं पोतवहणेणं ओगाहित्तएत्तिकटु अण्णमण्णस्सेतमटुं पडिसुणेति त्ता जेणेव अम्मापियरो तेणेव उवा० एवं वदासी-एवं खलु अम्हे अम्मयाओ! एकारस वारा तं चेव जाव निययं घरं हवमागया.तं इच्छामो णं अम्मयाओ! तुम्हेहि अभणण्णाया समाणा दुवालसमं लवणसमुई पोयवहणेणं ओगाहित्तए, तते णं ते मागंदियदारया अम्मापियरो एवं वदासी इमे मे (प्र० भो) जाया ! अजग जाव परिभाएत्तए तं अणुहोह ताब जाया ! विउले माणुस्सए इड्ढीसक्कारसमुदए, किं भे सपञ्चवाएणं निरालंबणेणं लवणसमुद्दोत्तारेणं?. एवं खलु पुना ! दुवालसमी जत्ता सावसग्गा यावि भवति, तं मा णं तुम्भे दुवे पुत्ता ! दुवालसमंपि लवण जाच ओगाहेह. मा हु तुम्भं सरीरस्स वावत्ती भविस्सति, तते णं मागंदियदारगा अम्मापियरो दोबंपि तचंपि एवं बदासी-एवं खलु अम्हे अम्मयाओ! एकारस वारा लवणं० ओगाहित्तए, तते णं ते मागंदीयदारए अम्मापियरो जाहे नो संचाएति बहूहिं आघवणाहिं पण्णवणाहि य आपवित्तए वा पचवित्तए वा ताहे अकामा चेव एयम९ अणुजाणिस्था (म० अणमण्णित्था), तते णं ते मागंदियदारगा अम्मापिऊहिं अब्भणण्णाया समाणा गणिमं च धरिमं च मेज च पारिच्छेजचजहा अर हण्णगस्स जाव लवणसमुदं बहूइं जोअणसयाई ओगाढा । ८५। तते णं वेसिं मागंदियदारगाणं अणेगाई जोयणसयाई ओगाढाणं समाणाणं अणेगाई उप्पाइयसयातिं पाउम्भूयाति, तं० अकाले गजिय जाव धणियसहे कालियवाते तत्थ समुट्ठिए, तते णं सा णावा तेणं कालियबातेणं आहुणिज्जमाणी २ संचालिज्जमाणी २ संखोभिजमाणी २ सलिलतिक्खवेगेहिं आयहिजमाणी २ कोट्टिमंसि करतलाहतेविब तेंदूसए तत्थेव २ ओवयमाणी य उप्पयमाणी य उप्पयमाणीविव धरणीयलाओ सिद्धविजाहरकनगा ओवयमाणीविय गगणतलाओ भट्ठबिजा विजाहरकन्नगाविव पलायमाणीविव महागरुलवेगवित्तासिया भुयगवरकन्नगा धावमाणीविव महाजणरसियसहवित्तत्था ठाणभट्ठा आसकिसोरी णि जमाणीविव गुरुजणविट्ठावराहा सुयणकुलकनगा घुम्ममाणीविव वीचीपहारसततालिया गलियलंबणाविव गगर
चीपहारसततालिया गलियलंबणाविव गगणतलाओ रोयमाणीविच सलिलगंधिविप्पइरमाणपोरंसुवाएहिणववह उवरतभत्तया बिलव. माणीविव परचकरायाभिरोहिया परममहब्भयाभिद्या महापुरवरी झायमाणीविव कक्डच्छोम(म० मण)प्पओगजुत्ता जोगपरिवाइया णीसासमाणीविव महाकतारविणिरायपरिस्संता परिणयवया अम्मया सोयमाणीविय तवचरणखीणपरिभोगा चयणकाले देववरबहू संचुषिणयकट्ठकूवरा भग्गमेढिमोडियसहस्समाला मूलाइय(तपा०)वंकपरिमासा फलईत. रतडतडेंतफट्टतसंधिवियलंतलोहकीलिया सवंगवियंभिया परिसडियरज्जुविसरंतसवगत्ता आमगमलगभूया अकयपुण्णजणमणोरहोविव चिंतिजमाणगुई हाहाकयकण्णधारणावियवाणियगजणकम्मगारविलविया णाणाविहरयणपडियसंपुण्णा बहूहिं पुरिससएहिं रोयमाणेहिं कंद० सोय तिप्प० विलवमाणेहिं एगं महं अंतो जलगयं गिरिसिहरमासायइत्ता संभग्गकूवतोरणा मोडियझयदंडा वलयसयखंडिया करकरस्स तत्थेव विहवं उवगया, तते णं तीए णावाए भिजमाणीए बहवे पुरिसा विपुलपढियं भंडमायाए अंतो जलंमि णिमज्जावियावि होत्था।८६। तते णं ते मागंदियदारगा छेया दक्खा पत्तट्टा कसला मेहावी णिउणसिप्पोबगया बहसु पोतवहणसंपराएस कयकरणविजया अमढा अमढहत्था एग मा आसाति, जंसिं च णं पदेसंसि से पोयवणे विवन्ने तंसिं च णं पदेसंसि एगे महं रयणदीवे णामं दीवे होत्था अणेगाई जोअणाति आयामविक्खंभेणं अणेगाई परिक्खेवेणं णाणादुमसंडमंडिउडेसे सस्सिरीए पासातीए ४, तस्स णं पहुमज्झदेसभाए तत्थ णं महं एगे पासायव.सए होत्था अम्भुग्गयमूसियए जाव सस्सिरीयरूवे पासातीए ४, तत्थ णं पासायवडेंसए रयणदीवदेवया नामं देवया परिवसति पावा चंडा खुद्दा साहसिया, तस्स णं पासायवडिंसयस्स चउरिसिं चत्तारि वणसंडा किण्हा किण्होभासा०, तते णं ते मागंदियदारगा तेणं फलयखंडेणं उब्बुडमाणा (प्र० उबुज्झमाणा) २ रयणदीवतेणं संवूढा (म० संछूढा) यावि होत्या, तते णं ते मागंदियदारगा थाई लभंति त्ता मुहुत्तरं आससंति त्ता फलगखंडं विसजति त्ता रयणहीवं उत्तरंति त्ता फलाणं मम्गणगवेसणं करेंति त्ता फलातिं गिण्हंति ता आहारैति त्ता णालिएराणं मग्गणगवेसणं करेंति ता नालिएराई फोर्डेति त्ता नालिएरतलेणं अण्णमण्णस्स गत्ताई अभंगेति त्ता पोक्खरिणीतो ओगाहिति त्ता जलमजणं करेंति त्ता जाव पचुत्तरंति त्ता पुढवीसिलापट्टयंसि निसीयंति त्ता आसत्था वीसत्था सुहासणवरगया (११२) ४४८ ज्ञातधर्मकथांग अE/ 20-S
मुनि दीपरत्नसागर
- 22
A