Aagam Manjusha 06 Angsuttam Mool 06 Nayadhammkaha

Author(s): Anandsagarsuri, Sagaranandsuri
Publisher: Deepratnasagar

Page 13

माणुस्सगं इड्ढिसकारसमुदयं तओ पच्छा अणुभूयकल्लाणे समणस्स भगवओ महावीरस्स अंतिए पब्वइस्ससि, तते णं से मेहे कुमारे अम्मापियर एवं वदासी-तहेव णं अम्मयाओ! जणं तं वदह इमे ते जाया! अजगपज्जगपि० जाव तओ पच्छा अणुभूयकडाणे पव्वइस्ससि, एवं खलु अम्मयाओ! हिरने य सुवणे य जाच सावतेजे अग्गिसाहिए चोरसाहिए रायसाहिए दाइयसाहिए मबुसाहिए अग्गिसामने जाय मचुसामने सडणपडणविद्धसणधम्मे पच्छा पुरं चणं अवस्स विप्पजहणिजे से के णं जाणइ अम्मयाओ ! के जाव गमणाए तंइच्छामि णं जाव पव्वतित्तए, तते णं तस्स मेहस्स कुमारस्स अम्मापियरो जाहे नो संचाएइ मेहं कुमारं बहुहिं विसयाणुलोमाहिं आघवणाहि य पण्णवणाहि य सन्त्रवणाहि य वि. जवणाहि य आघवित्तए वा पन्नवित्तए वा सन्नवित्तए वा विन्नवित्तए वा वाहे विसयपडिकूलाहिं संजमभउब्वेयकारियाहिं पन्नवणाहिं पन्नवेमाणा एवं वदासी-एस णं जाया निग्गंथे पावयणे सच्चे अणुत्तरे केवलिए पडिपुन्ने णेयाउए संसुद्धे सलगत्तणे सिद्धिमम्गे मुत्तिमग्गे निजाणमग्गे निब्वाणमग्गे सव्वदुक्खप्पहीणमग्गे अहीव एगंतदिट्ठीए खुरो इव एग(गंतपा०)धाराए लोहमया इव जवा चावेयब्बा वालुयाकवले इव निरस्साए गंगा इव महानदी पडिसोयगमणाए महासमुद्दो इव भुयाहि दुत्तरे तिक्खं चंकमियव्वं गरुअं लंबेयव्वं असिधारब्न सं(प्र० रावयं)चरियव्वं, णो य खलु कप्पति जाया! समणाणं निम्गंधाणं आहाकम्मिए चा उद्देसिए वा कीयगडे वा ठवियए वा रइयए वा दुभिक्खभत्ते वा कंतारभत्ते वा वदलियाभत्ते वा गिलाणभत्ते वा मूलभोयणे वा कंदभोयणे वा फलभोयणे वा बीयभोयणे वा हरियभोयणे वा भोत्तए वा पायए वा, तुमं च णं जाया! सुहसमुचिए णो चेव णं दुहसमुचिए णालं सीयं णालं उण्इं णालं खुहं णालं पिवासं णालं वाइयपित्तियसिमियसचिवाइयविविहे रोगायके उच्चावए गामकंटए बावीसं परीसहोवसम्गे उदिन्ने सम्म अहियासित्तए, तं मुंजाहि वाव जाया ! माणुस्सए कामभोगे ततो पच्छा भुत्तभोगी समणस्स ३ जाव पव्वतिस्ससि, तते णं से मेहे कुमारे अम्मापिऊहिं एवं वुत्ते समाणे अम्मापितरं एवं वदासी-तहेव जंतं अम्मयाओ! जन्नं तुम्भे ममं एवं वदह एस णं जाया! निमगंथे पावयणे सच्चे अणुत्तरे पुणरवितं चेव जाव तओ पच्छा भुत्तभोगी समणस्स ३ जाव पब्वइस्ससि, एवं खलु अम्मयाओ! णिगंथे पावयणे कीवाणं कायराणं कापुरिसाणं इहलोगपडिबद्धाणं परलोगनिप्पिवासाणं दुरणुचरे पाययजणस्स णो चेव णं धीरस्स निच्छियस्स (च्छया) ववसियस्स एत्यं किं दुकरं करणयाए, इच्छामि णं अम्मयाओ! तुम्भेहिं अभणचाए समाणे समणस्स भगवओ० जाब पव्वइत्तए ।२७। तते णं तं मेहं कुमारं अम्मापियरोजाहे नो संचाइंति बहुहिं विसयाणुलोमाहि य विसयपडिकुलाहि य आघवणाहि य पन्नवणाहि य सन्नवणाहि य विन्नवणाहि य आघवित्तए वा पन्नवित्तए वा सन्नवित्तए वा विन्नवित्तए वा ताहे अकामगाई चेव मेहं कुमारं एवं बदासी-इच्छामो ताच जाया! एगदिवसमवि ते रायसिरिं पासित्तए, तते णं से मेहे कुमारे अम्मापितरमणुवत्तमाणे तुसिणीए संचिट्ठति, तते णं से सेणिए राया कोडुंबियपुरिसे सहावेति त्ता एवं वदासी-खिप्पामेव भो देवाणुप्पिया! मेहस्स कुमारस्स महत्थं महग्यं महरिहं विउलं रायाभिसेयं उवट्ठवेह, तते णं ते कोडुबियपु. रिसा जाब तेवि तहेव उवट्ठति, तते णं से सेणिए राया बहूहिं गणणायगदंडणायगेहि य जाव संपरिबुडे मेहं कुमारं अट्ठसएणं सोपन्नियाणं कलसाणं एवं रुप्पमयाणं कलसाणं सुवन्नरुप्पमयाणं कलसाणं मणिमयाणं कलसाणं सुवन्नमणिमयाणं० रुप्पमणिमयाणं० सुवन्नरुप्पमणिमयाणं० भोमेजाणं सब्बोदएहिं सव्वमट्टियाहिं सव्वपुप्फेहिं सब्वगंधेहिं सब्वमलेहिं सव्वोसहीहि य सिद्धथएहि य सव्विड्डीए सव्वजईए सव्ववलेणं जाव दुंदुभिनिग्घोसणादितरवेणं महया २ रायाभिसेएणं अभिसिंचति ना करयल जाव कटु एवं वदासीजय जय गंदा ! जय २ भद्दा ! जय गंदा० भई ते अजियं जिणेहि जियं पालयाहि जियमझे वसाहि अजियं जिणेहि सत्तुपक्खं जियं च पालेहि मित्तपक्खं जाव भरहो इव मणुयाणं रायगिहस्स नगरस्स अमेसि च बहूणं गामागरनगरजावसन्निवेसाणं आहेवचं जाव विहराहित्ति कटु जयरसई पउंजंति, तते णं से मेहे राया जाते महया जाव विहरति, तते णं तस्स मेहस्स रन्नो अम्मापितरो एवं वदासी-मण जाया ! किं दलयामो किं पयच्छामो किंवा ते हियइच्छिए सामस्थे (मन्ते), तते णं से मेहे राया अम्मापितरो एवं वदासी-इच्छामि णं अम्मयाओ ! कुत्तियावणाओ स्यहरणं पडिग्गहगं च उवणेह (प० आणिउं) कासवयं च सहावेह (प्र० सहाविउं) तते णं से सेणिए राया कोहुंबियपुरिसे सहावेति त्ता एवं वदासीगच्छह णं तुम्मे देवाणुप्पिया ! सिरिघरातो तिन्नि सयसहस्सातिं गहाय दोहिं सयसहस्सेहि कुत्तियावणाओ रयहरणं पडिग्गहगं च उवणेह सयसहस्सेणं कासवयं सदावेह, तते णं ते कोडंबियपुरिसा सेणिएणं रन्ना एवं वुत्ता समाणा इट्टतुट्ठा सिरिघराओ तिन्नि सयसहस्सातिं गहाय कुत्तियावणातो दोहिं सयसहस्सेहिं रयहरणं पडिग्गहं च उवणेति सयसहस्सेणं कासवयं सहावेंति, तते णं से कासवए तेहिं कोडुंबियपुरिसेहिं सदाविए समाणे हढे जाव हयहियए हाते कतबलिकम्मे कयकोउयमंगलपायच्छित्ते सुबप्पावेसातिं वत्थाई मंगलाई पवरपरिहिए अप्पमहम्घाभरणालंकितसरीरे जेणेव सेणिए राया तेणामेव उवागच्छति त्ता सेणियं रायं करयलमंजलिं कटु एवं वयासी-संदिसह णं देवाणुप्पिया ! जं मए करणिज, ४१४ ज्ञातधर्मकथांगं, अन्सार
मुनि दीपरत्नसागर
4th