Who Am I

Author(s): Dada Bhagwan
Publisher: Dada Bhagwan Aradhana Trust

Page 9

ସମ୍ପାଦକୀୟ
ଜୀବନରେ ଯାହା କିଛି ବି ସାମ୍‌ନାରେ ଆସିଛି, ତାହାର ପୂର୍ଣ ରୂପରେ ରିୟଲାଇଜେସନ୍ (ଅନୁଭବ) ନ କରି ମନୁଷ୍ୟ ତାହାକୁ ଆପଣାଏ ନାହିଁ। ସବୁ ରିୟଲାଇଜେସନ୍ କଲ, ମାତ୍ର ‘ସେଲ୍‌’ (ନିଜ)ର ହିଁ ରିୟଲାଇଜେସନ୍ କରି ନାହିଁ । ଅନନ୍ତ ଜନ୍ମରୁ ‘ମୁଁ କିଏ’ ତାହାର ପରିଚୟ ଅଟକି ରହିଛି, ଏଥପାଇଁ ତ’ ଏହି ଭଟକିବାର ଅନ୍ତ ହେଉ ନାହିଁ ! ତାହାର ପରିଚୟ କିପରି ହେବ ?
ଯାହାକୁ ନିଜର ପରିଚୟ ହୋଇସାରିଛି, ସେହି ବ୍ୟକ୍ତି ଅନ୍ୟ ବ୍ୟକ୍ତିମାନଙ୍କୁ ସହଜରେ ପରିଚୟ କରାଇପାରିବ। ଏପରି ବିଭୁତି ଅର୍ଥାତ୍ ସ୍ଵୟଂ ‘ ଜ୍ଞାନୀ’ ହିଁ ! ଜ୍ଞାନୀପୁରୁଷ, ଅର୍ଥାତ୍ ଯାହାଙ୍କୁ ଏହି ସଂସାରରେ କିଛି ବି ଜାଣିବା ପାଇଁ, କିମ୍ବା କିଛି ମଧ୍ୟ କରିବା ପାଇଁ ବାକି ନାହିଁ, ସେ ! ଏପରି ଜ୍ଞାନୀପୁରୁଷ ପରମ ପୂଜ୍ୟ ଦାଦାଶ୍ରୀ, ଏହି କାଳରେ ଆମ ମଧ୍ୟକୁ ଆସି, ଆମରି ଭାଷାରେ, ଆମେ ବୁଝି ପାରିବା ଭଳି ଏପରି ସରଳ ଭାଷାରେ, ସମସ୍ତଙ୍କର ମୂଳ ପ୍ରଶ୍ନ ‘ମୁଁ କିଏ’ ର ସମାଧାନ ସହଜତାର ସହ କହିଥା’ନ୍ତି ।
କେବଳ ଏତିକ ନୁହେଁ, ଏହି ସଂସାର କ’ଣ ଅଟେ ? କିପରି ଚାଲୁ ଅଛି ? କର୍ତ୍ତା କିଏ ? ଭଗବାନ କ’ଣ ? ମୋକ୍ଷ କ’ଣ ? ଜ୍ଞାନୀପୁରୁଷ କାହାକୁ କୁହନ୍ତି ? ସୀମନ୍ଧର ସ୍ଵାମୀ କିଏ ? ସନ୍ଥ, ଗୁରୁ ଏବଂ ଜ୍ଞାନୀପୁରୁଷ ମଧ୍ୟରେ ପାର୍ଥକ୍ୟ କ’ଣ ? ଜ୍ଞାନୀଙ୍କୁ କିପରି ଚିହ୍ନିବା ? ଜ୍ଞାନୀ କ’ଣ କରି ପାରନ୍ତି ? ପରମ ପୂଜ୍ୟ ଦାଦାଶ୍ରୀଙ୍କର ଅକ୍ରମମାର୍ଗ କ’ଣ ? କ୍ରମିକ ରୂପରେ ତ’ ମୋକ୍ଷ ମାର୍ଗରେ ଅନନ୍ତ ଜନ୍ମରୁ ଚଢ଼ି ଆସୁଛୁ, କିନ୍ତୁ ‘ଲିଙ୍ଗ’ (ଏଲିଭେଟର୍) ପରି ମଧ୍ୟ ମୋକ୍ଷ ମାର୍ଗ ଥାଇ ପାରେ ନା ? ଅକ୍ରମ ମାର୍ଗ ଦ୍ବାରା, ଏହି ଯୁଗରେ, ସଂସାରରେ ରହି ମଧ୍ୟ ମୋକ୍ଷ ଅଛି ଏବଂ ମୋକ୍ଷ କିପରି ପ୍ରାପ୍ତ କରି ହେବ ଏହାର ସମ୍ପୂର୍ଣ୍ଣ ବୋଧ ଏବଂ ସଠିକ୍ ଦିଗର ପ୍ରାପ୍ତି ପରମ ପୂଜ୍ୟ ଦାଦାଶ୍ରୀ
କରାଇଛନ୍ତି।