Who Am I

Author(s): Dada Bhagwan
Publisher: Dada Bhagwan Aradhana Trust

Page 55

ମୁଁ କିଏ ?
୪୫
‘ଜ୍ଞାନୀ’ଙ୍କ ପାଖରେ ପଡ଼ି ରୁହନ୍ତୁ
ଜ୍ଞାନୀଙ୍କ ଉପରେ କେବେ ବି ପ୍ରେମ ଭାବ ଆସିନାହିଁ । ଜ୍ଞାନୀଙ୍କ ପ୍ରତି ପ୍ରେମଭାବ ଆସିବ, ସେବେଠୁ ସବୁ ସମାଧାନ ମିଳିଯିବ। ପ୍ରତ୍ୟେକ ଜନ୍ମରେ ସ୍ତ୍ରୀପିଲାଙ୍କ ଛଡ଼ା ଆଉ କିଛି ହୁଏ ହିଁ ନାହିଁ ନା’ !
ଭଗବାନ କହିଛନ୍ତି ଯେ ଜ୍ଞାନୀ ପୁରୁଷଙ୍କଠାରୁ ସମକିତ୍ ପ୍ରାପ୍ତ ହେଲା ପରେ ଜ୍ଞାନୀପୁରୁଷଙ୍କ ପଛରେ ଲାଗି ରହନ୍ତୁ।
ପ୍ରଶ୍ନକର୍ତ୍ତା : କେଉଁ ଅର୍ଥରେ ପଛରେ ଲାଗି ରହିବା ଦରକାର ?
ଦାଦାଶ୍ରୀ : ପଛରେ ଲାଗି ରହିବା ଅର୍ଥାତ୍ ଏହି ଜ୍ଞାନ ମିଳିବା ପଶ୍ଚାତ ଆଉ କିଛି ଆରାଧନା ହୁଏ ନାହିଁ । କିନ୍ତୁ, ଏହାତ’ ଆମେ ଜାଣିଛୁ ଯେ ଏହା ଅକ୍ରମ ଅଟେ । ଏହି ଲୋକ ତ’ ଅଗଣିତ ‘ଫାଇଲ୍’ନେଇ ଆସିଛନ୍ତି । ସେଥ‌ିପାଇଁ ଆପଣଙ୍କୁ ଫାଇଲ୍‌ମାନଙ୍କ ଖାତିର୍ ମୁକ୍ତ ରଖୁଛି କିନ୍ତୁ ତାହର ଅର୍ଥ ଏପରି ନୁହେଁ ଯେ କାର୍ଯ୍ୟ ପୂରଣ ହୋଇଗଲା । ଆଜି-କାଲି ଫାଇଲ୍ ବହୁତ ଅଛନ୍ତି, ସେଥ‌ିପାଇଁ ଯଦି ଆପଣଙ୍କୁ ଏଠାରେ ମୋ ପାଖରେ ରଖୁ ତେବେ ଆପଣଙ୍କର ‘ଫାଇଲ୍‌ମାନେ’ ଡାକିବା ପାଇଁ ଆସିଯିବେ । ସେଥ‌ିପାଇଁ ଛାଡ୍ ଦେଇଛି ଯେ ଘରକୁ ଯାଇ ଫାଇଲ୍‌ମାନଙ୍କର ସମଭାବରେ ନିକାଲ୍ (ନିପ୍‌ରା ବା ସମାପନ) କରନ୍ତୁ। ନହେଲେ ତ’ ପୁଣି ଜ୍ଞାନୀଙ୍କଠାରେ ହିଁ ପଡିରହିବା ଦରକାର।
ବାକି, ମୋଠାରୁ ଯଦି ପୂର୍ଣ ରୂପରେ ଲାଭ ନ ନିଆଯାଏ, ତେବେ ଏହା ନିରନ୍ତର ରାତି-ଦିନ ମନରେ ଆସିବା ଦରକାର। ଯଦିବା ଫାଇଲ୍ ଅଛନ୍ତି କିନ୍ତୁ ଜ୍ଞାନୀପୁରୁଷ କହିଛନ୍ତି ନା’, ଆଜ୍ଞା ଦେଇଛନ୍ତି ନା’ ଯେ, ଫାଇଲଙ୍କୁ ସମଭାବରେ ନିକାଲ୍(ନିପ୍‌ରା) କରନ୍ତୁ, ସେହି ଆଜ୍ଞା ହିଁ ଧର୍ମ ଅଟେ ନା ? ତାହା ତ’ ଆମର ଧର୍ମ ଅଟେ । କିନ୍ତୁ ଏହା ତ’ ମନରେ ଆସିବା ଦରକାର ହିଁ ଯେ ଏପରି ଫାଇଲ୍ କମ୍ ହେଉ, ଯାହାଫଳରେ ମୁଁ ଲାଭ ଉଠାଇ ପାରିବି ।