Who Am I

Author(s): Dada Bhagwan
Publisher: Dada Bhagwan Aradhana Trust

Page 8

ନିବେଦନ
ଆତ୍ମଜ୍ଞାନୀ ଶ୍ରୀ ଅମ୍ବାଲାଲ୍ ମୂଲଜୀଭାଈ ପଟେଲ, ଯାହାଙ୍କୁ ଲୋକେ ‘ଦାଦା ଭଗବାନ’ ନାମରେ ମଧ୍ୟ ଜାଣନ୍ତି, ତା’ଙ୍କ ଶ୍ରୀମୁଖରୁ ଆତ୍ମତତ୍ତ୍ଵ ସମନ୍ଧରେ ଯେଉଁ ବାଣୀ ବାହାରି ଥୁଲା, ତାହାକୁ ରେକର୍ଡ କରି ସଂକଳନ ତଥା ସଂପାଦନ କରି ଗ୍ରନ୍ଥମାନଙ୍କରେ ପ୍ରକାଶିତ କରାଯାଇଛି। ‘ମୁଁ କିଏ?’ ପୁସ୍ତକରେ ଆତ୍ମା, ଆତ୍ମଜ୍ଞାନ ତଥା ଜଗତକର୍ତ୍ତା ବିଷୟରେ ସମସ୍ତ ମୂଳ କଥା ସଂକ୍ଷିପ୍ତ ରୂପରେ ସଂକଳିତ କରାଯାଇଛି। ଜିଜ୍ଞାସୁ ପାଠକଙ୍କୁ ଅଧ୍ୟୟନ କରିବା ସମୟରେ ହିଁ ଆତ୍ମସାକ୍ଷାତ୍କାରର ଭୂମିକା ନିଶ୍ଚିତ ହୋଇଯାଏ, ଏହା ଅନେକଙ୍କର ଅନୁଭବ ଅଟେ।
‘ଅମ୍ବାଲାଲ୍ ଭାଈ’ଙ୍କୁ ସମସ୍ତେ ‘ଦାଦାଜୀ’ କହୁଥିଲେ । ‘ଦାଦାଜୀ’ ଅର୍ଥାତ୍ ପିତାମହ ଏବଂ ‘ଦାଦା ଭଗବାନ’ ତ ସେ ଭିତରବାଲା ପରମାମାଙ୍କୁ କହୁଥିଲେ । ଶରୀର ଭଗବାନ ହୋଇପାରିବ ନାହିଁ, ତାହା ତ’ ବିନାଶୀ ଅଟେ । ଭଗବାନ ତ’ ଅବିନାଶୀ ଅଟନ୍ତି ଏବଂ ତା’ଙ୍କୁ ସେ ‘ଦାଦା ଭଗବାନ’ କହୁଥିଲେ, ଯିଏ ସମସ୍ତ ଜୀବମାନଙ୍କ ଭିତରେ ଅଛନ୍ତି।
ପ୍ରସ୍ତୁତ ଅନୁବାଦରେ ଏହା ବିଶେଷ ଧ୍ୟାନ ରଖାଯାଇଛି ଯେ, ପାଠକଙ୍କୁ ଦାଦାଜୀଙ୍କ ବାଣୀ ଶୁଣାଯିବାପରି ଅନୁଭବ ହେଉ। ତାଙ୍କର ହିନ୍ଦିଭାଷା ବିଷୟରେ ସେ କହୁଥିଲେ ଯେ “ମୋର ହିନ୍ଦୀ ଅର୍ଥାତ୍ ଗୁଜରାଟୀ, ହିନ୍ଦୀ ଏବଂ ଇଂରାଜୀର ମିକ୍ସଡ୍‌ର (ମିଶ୍ରଣ) ଅଟେ, ମାତ୍ର ଯେତେବେଳେ ‘ଟି’(ଚା) ତିଆରି ହେବ, ସେତେବେଳେ ଭଲ ଲାଗିବ।”
ଜ୍ଞାନୀଙ୍କ ବାଣୀକୁ ଓଡିଆ ଭାଷାରେ ହିନ୍ଦୀ ‘ମୈ କୌନ ହୁଁ’ ପୁସ୍ତକରୁ ଯଥାର୍ଥ ରୂପରେ ଅନୁବାଦ କରିବାର ପ୍ରୟତ୍ନ କରାଯାଇଛି ମାତ୍ର ଦାଦାଶ୍ରୀଙ୍କ ଆତ୍ମଜ୍ଞାନର ସଠିକ୍ ମର୍ମ, ଯେପରି କହିଛନ୍ତି ସେପରି, ଆପଣଙ୍କୁ ଗୁଜରାଟୀ ଭାଷାରେ ହିଁ ଅବଗତ ହେବ। ଯେଉଁମାନଙ୍କୁ ଜ୍ଞାନର ଗଭୀରତାକୁ ଯିବାର ଅଛି, ଜ୍ଞାନର ପ୍ରକୃତ ମର୍ମ ବୁଝିବାର ଅଛି, ସେମାନେ ଏଥିପାଇଁ ଗୁଜୁରାଟୀ ଭାଷା ଶିଖନ୍ତୁ, ଏହା ଆମର ନମ୍ର ବିନତୀ।
ଅନୁବାଦ ଜନିତ ତ୍ରୁଟି ପାଇଁ ଆପଣଙ୍କ ପାଖରେ କ୍ଷମାପ୍ରାର୍ଥୀ ଅଟୁ।