Who Am I

Author(s): Dada Bhagwan
Publisher: Dada Bhagwan Aradhana Trust

Page 37

ମୁଁ କିଏ ?
୨୭
ପ୍ରଶ୍ନକର୍ତ୍ତା : ଅର୍ଥାତ୍ ପରଜନ୍ମ ହେବ ନିଶ୍ଚୟ ?
ଦାଦାଶ୍ରୀ : ପୂର୍ବଜନ୍ମ ମଧ୍ୟ ଥିଲା ଏବଂ ଏବେ ପରଜନ୍ମ ମଧ୍ଯ ଅଛି କିନ୍ତୁ ଏହି ଜ୍ଞାନ ଏପରି ଅଟେ ଯେ ଏବେ ଗୋଟିଏ କିମ୍ବା ଦୁଇଟି ଜନ୍ମ ହିଁ ବାକି ରହିବ। ପ୍ରଥମେ ଅଜ୍ଞାନରୁ ମୁକ୍ତି ହୋଇଯାଏ। ପରେ ଗୋଟିଏ କିମ୍ବା ଦୁଇଟି ଜନ୍ମରେ ଅନ୍ତିମ ମୁକ୍ତି ମିଳିଯିବ । ଗୋଟିଏ ଜନ୍ମ ତ’ ନିଶ୍ଚିତ ରହିବ, ଏହି କାଳ ଏପରି ଅଟେ ।
ଆପଣ ଗୋଟିଏ ଦିନ ମୋ ପାଖକୁ ଆସନ୍ତୁ । ମୁଁ ଗୋଟିଏ ଦିନ ସ୍ଥିର କରିବି, ସେହି ଦିନ ଆପଣଙ୍କୁ ଆସିବାକୁ ହେବ । ସେହି ଦିନ ସମସ୍ତଙ୍କର ରସି (ଦଉଡ଼ି) ପଛଆଡୁ କାଟି ଦିଏ । ପ୍ରତିଦିନ କାଟେ ନାହିଁ । ସବୁଦିନ ତ’ସତ୍ସଙ୍ଗର ସମସ୍ତ ବିଷୟ ଆଲୋଚନା ହୁଏ, କିନ୍ତୁ ଗୋଟିଏ ଦିନ ନିଶ୍ଚୟ କରାଯାଏ, ସେହି ଦିନ ବ୍ଲେଡ୍ ଦ୍ୱାରା ଏପରି ବନ୍ଧନ କାଟି ଦିଏ (ଜ୍ଞାନବିଧ ଦ୍ଵାରା ସରୂପଜ୍ଞାନ ପ୍ରାପ୍ତି କରାଇ ଦିଆଯାଏ) ଆଉ କିଛି ନାହିଁ । ପରେ ତୁରନ୍ତ ହିଁ ଆପଣ ବୁଝିଯିବେ ଯେ ଏହିସବୁ ଖୋଲିଗଲା। ଏହି ଅନୁଭବ ହେଲା ପରେ ସଙ୍ଗେ ସଙ୍ଗେ କହିବେ ମୁକ୍ତ ହୋଇଗଲି । ଅର୍ଥାତ୍ ମୁକ୍ତ ହୋଇଗଲି ବୋଲି ଭାନ୍ ହେବା ଦରକାର। ମୁକ୍ତ ହେବା, ଏହା କୌଣସି ଗପ ନୁହେଁ । ଅର୍ଥାତ୍ ମୁଁ ଆପଣଙ୍କୁ ମୁକ୍ତ କରାଇଦିଏ।
ଯେଉଁ ଦିନ ଏହି ‘ଜ୍ଞାନ’ ଦିଏ, ସେହି ଦିନ କ’ଣ ହୁଏ ? ଜ୍ଞାନାଗ୍ନୀରେ ତା’ର ଯେଉଁ କର୍ମଥାଏ, ତାହା ଭସ୍ମୀଭୁତ ହୋଇଯାଏ। ଦୁଇ ପ୍ରକାରର କର୍ମ ଭସ୍ମୀଭୁତ ହୋଇଯାଏ ଏବଂ ଗୋଟିଏ ପ୍ରକାର କର୍ମ ବାକି ରହେ । ଯେଉଁ କର୍ମ ବାଷ୍ପରୂପୀ ଅଟେ, ତାହାର ନାଶ ହୋଇଯାଏ । ଏବଂ ଯେଉଁ କର୍ମ ଜଳରୂପୀ ଅଟେ, ତାହାର ମଧ୍ୟ ନାଶ ହୋଇଯାଏ କିନ୍ତୁ ଯେଉଁ କର୍ମ ବରଫରୂପୀ ଅଟେ, ତାହାର ନାଶ ହୁଏ ନାହିଁ । ବରଫରୂପୀ ଯେଉଁ କର୍ମ ଥାଏ, ତାହାକୁ ଭୋଗିବାକୁ ହିଁ ପଡ଼ିଥାଏ । କାରଣ ତାହା ଯମାଟ ହୋଇଯାଇଥାଏ । ଯେଉଁ କର୍ମ ଫଳଦେବା ପାଇଁ ପ୍ରସ୍ତୁତ ହୋଇଯାଇଥାଏ, ତାହା ଆଉ ଛାଡ଼େ ନାହିଁ । କିନ୍ତୁ ଜଳ ଓ ବାଷ୍ପ ସରୂପ ଯେଉଁ କର୍ମ ଥାଏ, ତାହାକୁ ଜ୍ଞାନାମ୍ନୀ ଉଡ଼ାଇ ଦିଏ। ତେଣୁ ଜ୍ଞାନ ପାଇବା ପରେ ଲୋକମାନେ ଏକାଥରେ ହାଲୁକା ହୋଇଯାଆନ୍ତି, ତାଙ୍କର ଜାଗୃତି ଏକାଥରେ ବଢ଼ିଯାଏ। କାରଣ ଯେତେବେଳ ପର୍ଯ୍ୟନ୍ତ କର୍ମ ଭସ୍ମୀଭୁତ ହୁଏ ନାହିଁ, ସେତେବେଳ ପର୍ଯ୍ୟନ୍ତ ମନୁଷ୍ୟର ଜାଗୃତି ବଢ଼ିପାରିବ