Who Am I

Author(s): Dada Bhagwan
Publisher: Dada Bhagwan Aradhana Trust

Page 41

ମୁଁ କିଏ ?
୩୧
ଅକ୍ରମ ମାର୍ଗ, ବିଶ୍ବସାରା
ଏହି ସଂଯୋଗ ତ’ ବହୁତ ଉଚ୍ଚକୋଟୀର ଅଟେ। ଏପରି ଅନ୍ୟ କୌଣସି ସ୍ଥାନରେ ହୋଇନାହିଁ । ଜଣେ ହିଁ ମନୁଷ୍ୟ କେବଳ, ‘ଦାଦାଜୀ’ ହିଁ ଏହି କାର୍ଯ୍ୟ କରିପାରିଛନ୍ତି, ଅନ୍ୟ କେହି କରିପାରିବେ ନାହିଁ ।
ପ୍ରଶ୍ନକର୍ତ୍ତା : ପରେ ମଧ୍ୟ ଦାଦାଜୀଙ୍କର କୃପା ରହିବ ନା’ ? ଆପଣଙ୍କ
ପରେ କ’ଣ ହେବ ?
ଦାଦାଶ୍ରୀ : ଏହି ମାର୍ଗ ତ’ ଚାଲୁ ରହିଥ‌ିବ । ମୋର ଇଚ୍ଛା ଅଛି ଯେ କେହି ମଧ୍ୟ ପ୍ରସ୍ତୁତ ହୋଇଯାଉ, ପରେ ମାର୍ଗ ଚଳାଇବାବାଲା ଦରକାର ନା’ ନାହିଁ ? ପ୍ରଶ୍ନକର୍ତ୍ତା : ଦରକାର ନା’ !
ଦାଦାଶ୍ରୀ : ମୋର ଇଚ୍ଛା ପୂର୍ଣ ହୋଇଯିବ।
ପ୍ରଶ୍ନକର୍ତ୍ତା : ‘ଅକ୍ରମ ବିଜ୍ଞାନ’ ଯଦି ଚାଲୁ ରହିବ, ତେବେ ତାହା ନିମିତ୍ତ ଦ୍ବାରା ଚାଲୁରହିବ !
ଦାଦାଶ୍ରୀ : ‘ଅକ୍ରମ ବିଜ୍ଞାନ’ ଚାଲୁରହିଥ‌ିବ ହିଁ । ଅକ୍ରମ ବିଜ୍ଞାନ ବର୍ଷଦୁଇବର୍ଷ ଏପରି ଚାଲୁରହିବ ତେବେ ସାରା ଦୁନିଆରେ ଏହାର ହିଁ କଥା ଆଲୋଚନା ହେବ, ଏବଂ ପହଞ୍ଚିଯିବ ଚରମ ସୀମା ପର୍ଯ୍ୟନ୍ତ (ଚାରି ଆଡ଼କୁ ପ୍ରଚାର ହୋଇଯିବ)। କାରଣ ଯେପରି ମିଛ କଥା ମୁଣ୍ଡରେ ଚଢ଼ି କୁହେ, ସେହିପରି ସତ କଥା ମଧ୍ୟ ମୁଣ୍ଡରେ ଚଢ଼ି କୁହେ । ସତ କଥାର ଅମଳ ବିଳମ୍ବରେ ହୁଏ ଏବଂ ମିଛ କଥାର ଅମଳ ଶୀଘ୍ର ହୁଏ।
ଅକ୍ରମ ଦ୍ବାରା ସ୍ତ୍ରୀଙ୍କର ମଧ୍ୟ ମୋକ୍ଷ
ଲୋକେ କୁହନ୍ତି ଯେ ମୋକ୍ଷ ପୁରୁଷଙ୍କର ହିଁ ହୁଏ, ସ୍ତ୍ରୀମାନଙ୍କର ମୋକ୍ଷ ନାହିଁ । ଏହି ବିଷୟରେ ମୁଁ ସେମାନଙ୍କୁ କୁହେ ଯେ ସ୍ତ୍ରୀମାନଙ୍କର ମଧ୍ୟ ମୋକ୍ଷ ହୋଇଥାଏ। କାହିଁକି ହେବ ନାହିଁ ? ତେବେ କୁହନ୍ତି ଯେ, ସେମାନଙ୍କର କପଟ ଏବଂ ମୋହର ଗ୍ରନ୍ଥୀ ବହୁତ ବଡ଼ ଅଟେ। ପୁରୁଷଙ୍କର ଛୋଟ ଗ୍ରନ୍ଥ ହୋଇଥାଏ, ତ’ ସେମାନଙ୍କର ଓଲୁଅ ପରି ବଡ଼ ଗ୍ରନ୍ଥି ହୋଇଥାଏ।