Whatever Has Happened Is Justice Punjabi

Author(s): Dada Bhagwan
Publisher: Dada Bhagwan Aradhana Trust

Page 14

ਹੋਇਆ ਸੋ ਨਿਆਂ
| ਦਾਦਾ ਸ੍ਰੀ : ਉਹ ਤਾਂ ਇਸ ਜਨਮ ਦੀ ਪਸੀਨੇ ਦੀ ਕਮਾਈ ਹੈ, ਪਰ ਪਹਿਲਾਂ ਦਾ ਸਾਰਾ ਹਿਸਾਬ ਹੈ ਨਾ! ਵਹੀ ਖਾਤਾ ਬਾਕੀ ਹੈ ਇਸਲਈ, ਨਹੀਂ ਤਾਂ ਕੋਈ ਕਦੇ ਵੀ ਸਾਡਾ ਕੁੱਝ ਵੀ ਨਹੀਂ ਲੈ ਸਕਦਾ। ਕਿਸੇ ਤੋਂ ਲੈ ਸਕੇ, ਇਸ ਤਰ੍ਹਾਂ ਦੀ ਸ਼ਕਤੀ ਹੀ ਨਹੀਂ ਹੈ। ਅਤੇ ਲੈ ਲੈਣਾ ਉਹ ਤਾਂ ਸਾਡਾ ਕੁੱਝ ਅਗਲਾ-ਪਿਛਲਾ ਹਿਸਾਬ ਹੈ। ਇਸ ਦੁਨੀਆਂ ਵਿੱਚ ਕੋਈ ਪੈਦਾ ਨਹੀਂ ਹੋਇਆ ਕਿ ਜੋ ਕਿਸੇ ਦਾ ਕੁੱਝ ਕਰ ਸਕੇ। ਇੰਨਾ ਨਿਯਮ ਵਾਲਾ ਜਗਤ ਹੈ। ਬਹੁਤ ਨਿਯਮ ਵਾਲਾ ਜਗਤ ਹੈ। ਇਹ ਪੂਰਾ ਮੈਦਾਨ ਸੱਪਾਂ ਨਾਲ ਭਰਿਆ ਹੋਵੇ, ਪਰ ਸੱਪ ਸਾਨੂੰ ਛੂਹ ਨਹੀਂ ਸਕਦੇ, ਇੰਨਾ ਨਿਯਮ ਵਾਲਾ ਜਗਤ ਹੈ। ਬਹੁਤ ਹਿਸਾਬ ਵਾਲਾ ਜਗਤ ਹੈ। ਇਹ ਜਗਤ ਬਹੁਤ ਸੁੰਦਰ ਹੈ, ਨਿਆਂ ਸਰੂਪ ਹੈ ਪਰ ਲੋਕਾਂ ਦੀ ਸਮਝ ਵਿੱਚ ਨਹੀਂ ਆਉਂਦਾ।
ਕਾਰਣ ਦਾ ਪਤਾ ਚੱਲੇ, ਪਰਿਣਾਮ ਤੋਂ ਇਹ ਸਭ ਰਿਜ਼ਲਟ ਹੈ। ਜਿਵੇਂ ਪਰੀਖਿਆ ਦਾ ਰਿਜ਼ਲਟ ਆਉਂਦਾ ਹੈ ਨਾ, ਇਹ ਮੈਥਮੈਟਿਸ (ਗਣਿਤ) ਵਿੱਚੋਂ ਸੌ ਵਿੱਚੋਂ ਪਚੱਨਵੇ ਮਾਰਕਸ ਆਉਣ ਅਤੇ ਇੰਗਲਿਸ਼ ਵਿੱਚੋਂ ਸੌ ਮਾਰਕਸ ਵਿੱਚੋਂ ਪੱਚੀ ਮਾਰਕਸ ਆਉਣ। ਤਾਂ ਕੀ ਸਾਨੂੰ ਪਤਾ ਨਹੀਂ ਚੱਲੇਗਾ ਕਿ ਇਸ ਵਿੱਚ ਕਿੱਥੇ ਭੁੱਲ ਰਹਿ ਗਈ ਹੈ? ਇਸ ਪਰਿਣਾਮ ਤੋਂ, ਕਿਸ ਕਾਰਣ ਭੁੱਲ ਹੋਈ ਉਹ ਸਾਨੂੰ ਪਤਾ ਚੱਲੇਗਾ ਨਾ? ਇਹ ਸਾਰੇ ਸੰਯੋਗ ਜੋ ਇੱਕਠਾ ਹੁੰਦੇ ਹਨ, ਉਹ ਸਾਰੇ ਪਰਿਣਾਮ ਹਨ। ਅਤੇ ਉਸ ਪਰਿਣਾਮ ਤੋਂ, ਕੀ ਕਾਂਜ਼ ਸਨ, ਇਹ ਵੀ ਸਾਨੂੰ ਪਤਾ ਚਲਦਾ ਹੈ। | ਇਸ ਰਾਸਤੇ ਤੇ ਸਾਰੇ ਲੋਕਾਂ ਦਾ ਆਉਣਾ-ਜਾਣਾ ਹੋਵੇ ਅਤੇ ਕਿੱਕਰ ਦਾ ਕੰਢਾ ਇਸ ਤਰ੍ਹਾਂ ਸਿੱਧਾ ਪਿਆ ਹੋਵੇ, ਬਹੁਤ ਲੋਕ ਆਉਂਣ-ਜਾਣ ਪਰ ਕੰਢਾ ਉਸੇ ਤਰਾਂ ਪਿਆ ਰਹਿੰਦਾ ਹੈ। ਉਂਝ ਤਾਂ ਤੁਸੀਂ ਕਦੇ ਵੀ ਬਟ-ਚੱਪਲ ਪਹਿਨੇ ਬਿਨਾਂ ਘਰ ਤੋਂ ਨਹੀਂ ਨਿਕਲਦੇ ਪਰ ਉਸ ਦਿਨ ਕਿਸੇ ਦੇ ਉੱਥੇ ਗਏ ਅਤੇ ਰੌਲਾਂ ਪੈ ਜਾਵੇ ਕਿ ਚੋਰ ਆਇਆ, ਚੋਰ ਆਇਆ, ਤਾਂ ਤੁਸੀਂ ਨੰਗੇ ਪੈਰ ਦੌੜੇ ਅਤੇ ਕੰਢਾ ਤੁਹਾਡੇ ਪੈਰ ਵਿੱਚ ਲੱਗ ਜਾਵੇ ਤਾਂ ਉਹ ਤੁਹਾਡਾ ਹਿਸਾਬ! ਉਹ ਵੀ ਇਸ ਤਰ੍ਹਾਂ ਕਿ ਆਰਪਾਰ ਨਿਕਲ ਜਾਵੇ, ਇਸ ਤਰ੍ਹਾਂ ਲੱਗੇ!