Whatever Has Happened Is Justice Punjabi

Author(s): Dada Bhagwan
Publisher: Dada Bhagwan Aradhana Trust

Page 19

ਹੋਇਆ ਸੋ ਨਿਆਂ ਨਿਆਂ, ਉਸ ਵਿੱਚ ਤਾਂ ਕੋਈ ਚਾਰਾ ਹੀ ਨਹੀਂ ਹੈ। ਉਸ ਵਿੱਚ ਕਿਸੇ ਦੀ ਨਹੀਂ ਚਲਦੀ!
ਨਿੱਜ ਦੋਸ਼ ਦਿਖਾਏ ਅਨਿਆਂ ਕੇਵਲ ਖੁਦ ਦੇ ਦੋਸ਼ ਦੇ ਕਾਰਣ ਪੂਰਾ ਜਗਤ ਅਨਿਯਮ ਵਾਲਾ ਲੱਗਦਾ ਹੈ। ਇੱਕ ਛਿਣ ਦੇ ਲਈ ਵੀ ਅਨਿਯਮ ਵਾਲਾ ਹੋਇਆ ਹੀ ਨਹੀਂ। ਬਿਲਕੁਲ ਨਿਆਂ ਵਿੱਚ ਹੀ ਰਹਿੰਦਾ ਹੈ। ਇੱਥੇ ਦੀ ਕੋਰਟ ਦੇ ਨਿਆਂ ਵਿੱਚ ਫੁਰਕ ਪੈ ਜਾਵੇ, ਉਹ ਗਲਤ ਨਿਕਲੇ ਪਰ ਇਸ ਕੁਦਰਤ ਦੇ ਨਿਆਂ ਵਿੱਚ ਫਰਕ ਨਹੀਂ ਹੁੰਦਾ।
ਪ੍ਰਸ਼ਨਕਰਤਾ : ਕੋਰਟ ਦਾ ਨਿਆਂ, ਉਹ ਕੁਦਰਤ ਦਾ ਨਿਆਂ ਹੈ ਜਾਂ ਨਹੀਂ?
| ਦਾਦਾ ਸ੍ਰੀ : ਉਹ ਸਭ ਕੁਦਰਤ ਹੀ ਹੈ। ਪਰ ਕੋਰਟ ਵਿੱਚ ਸਾਨੂੰ ਇਸ ਤਰ੍ਹਾਂ ਲੱਗੇ ਕਿ ਇਸ ਜੱਜ ਨੇ ਇਸ ਤਰ੍ਹਾਂ ਕੀਤਾ। ਏਦਾਂ ਕੁਦਰਤ ਵਿੱਚ ਨਹੀਂ ਲੱਗਦਾ ਨਾ? ਪਰ ਉਹ ਤਾਂ ਬੁੱਧੀ ਦੀ ਤਕਰਾਰ ਹੈ!
ਪ੍ਰਸ਼ਨਕਰਤਾ : ਤੁਸੀਂ ਕੁਦਰਤ ਦੇ ਨਿਆਂ ਦੀ ਤੁਲਨਾ ਕੰਪਿਊਟਰ ਨਾਲ ਕੀਤੀ ਪਰ ਕੰਪਿਊਟਰ ਤਾਂ ਮੈਕੇਨੀਕਲ ਹੁੰਦਾ ਹੈ।
| ਦਾਦਾ ਸ੍ਰੀ : ਸਮਝਾਉਣ ਦੇ ਲਈ ਉਸ ਵਰਗਾ ਹੋਰ ਕੋਈ ਸਾਧਨ ਨਹੀਂ ਹੈ ਨਾ, ਇਸ ਲਈ ਮੈਂ ਇਹ ਸਿਮਲੀ (ਉਦਾਹਰਣ) ਦਿੱਤੀ ਹੈ। ਬਾਕੀ, ਕੰਪਿਊਟਰ ਤਾਂ ਕਹਿਣ ਦੇ ਲਈ ਹੈ ਕਿ ਜਿਵੇਂ ਕੰਪਿਊਟਰ ਵਿੱਚ ਫੀਡ ਕਰਦੇ ਹਾਂ, ਉਸੇ ਤਰ੍ਹਾਂ ਇਸ ਵਿੱਚ ਖੁਦ ਦੇ ਭਾਵ ਪੈਂਦੇ ਹਨ। ਮਤਲਬ ਇੱਕ ਜਨਮ ਦੇ ਭਾਵਕਰਮ ਪਾਉਣ ਤੋਂ ਬਾਅਦ ਦੂਸਰੇ ਜਨਮ ਵਿੱਚ ਉਸਦਾ ਪਰਿਣਾਮ ਆਉਂਦਾ ਹੈ। ਉਦੋਂ ਉਸਦਾ ਵਿਸਰਜਨ ਹੁੰਦਾ ਹੈ। ਉਹ ਇਸ ‘ਵਿਵਸਥਿਤ ਸ਼ਕਤੀ ਦੇ ਹੱਥ ਵਿੱਚ ਹੈ। ਉਹ ਐਗਜ਼ੈਕਟ ਨਿਆਂ ਹੀ ਕਰਦੀ ਹੈ। ਜਿਵੇਂ ਨਿਆਂ ਵਿੱਚ ਆਇਆ, ਉਸੇ ਤਰ੍ਹਾਂ ਹੀ ਕਰਦੀ ਹੈ। ਬਾਪ ਆਪਣੇ ਬੇਟੇ ਨੂੰ ਮਾਰ ਦੇਵੇ, ਉਸ ਤਰ੍ਹਾਂ ਦਾ ਵੀ ਨਿਆਂ ਵਿੱਚ ਆਉਂਦਾ ਹੈ। ਫਿਰ ਵੀ ਉਹ ਨਿਆਂ ਕਹਾਉਂਦਾ ਹੈ। ਕੁਦਰਤ ਦਾ ਨਿਆਂ ਤਾਂ ਨਿਆਂ ਹੀ ਕਹਾਉਂਦਾ ਹੈ।