Trishashtishalakapurushcharitammahakavyam Parva 10

Author(s): Hemchandracharya, Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 211

१८७
त्रयोदशः सर्गः]
श्रीत्रिषष्टिशलाकापुरुषचरितम् । दृग्विकारैः स्मितैर्जल्पैविलासैरपरैरपि । वेश्यामनुकरिष्यन्ति त्यक्तलज्जाः कुलस्त्रियः ॥१४०॥ श्रावकश्राविकाहानिश्चतुर्धा धर्मसंक्षयः । साधूनामथ साध्वीनां पर्वस्वप्यनिमन्त्रणम् ॥१४१।। कूटतुला कूटमानं शाठ्यं धर्मेऽपि भावि च । सन्तो दुस्थीभविष्यन्ति सुस्थाः स्थास्यन्ति दुर्जनाः ॥१४२॥ मणि-मन्त्रौ-षधी-तन्त्रविज्ञानानां धनायुषाम् । फल-पुष्प-रसानां च रूपस्य वपुरुन्नतेः ॥१४३।। धर्माणां शुभभावानां चान्येषां पञ्चमे ह्यरे । हानिर्भविष्यति ततोऽप्यरे षष्ठेऽधिकं खलु ॥१४४|| क्रमादेवं क्षीयमाणपुण्ये काले प्रसर्पति । धर्मे धीर्भाविनी यस्य सफलं तस्य जीवितम् ॥१४५।। [आचार्यो दुःप्रसहाख्यः फल्गुश्रीरिति साध्व्यपि । श्रावको नायिलो नाम सत्यश्रीश्राविका पुनः ॥१४६।। विमलवाहन इति राण्मन्त्री सुमुखाभिधः । अपश्चिमा भाविनोऽमी दुःषमायां हि भारते ॥१४७|| रनिद्वयप्रमाणाङ्गा विंशत्यब्दायुषश्च ते । तपो दुष्प्रसहादीनां चतुर्णां षष्ठमुत्कटम् ॥१४८॥ दशवकालिक भृद्यः स चतुर्दशपूर्विवत् । प्रबोधयिष्यति सङ्घ तीर्थं दुष्प्रसहावधि ॥१४९॥ ततोऽर्वाग् वय॑ते धर्मो धर्मो नास्तीति यः पुनः । वदिष्यति स सङ्घन कर्तव्यः सङ्घतो बहिः ॥१५०॥ द्वादशाब्दी गृहे नीत्वाऽष्टाब्दी दुष्प्रसहो व्रते । पर्यन्तेऽष्टमभक्तेन सौधर्म कल्पमेष्यति ॥१५१॥ पूर्वाणेऽथ चरित्रस्य समुच्छेदो भविष्यति । मध्याह्ने राजधर्मस्याऽपराह्ने जातवेदसः ॥१५२॥ इत्थं च दुःषमा वर्षसहस्राण्येकविंशतिः । एकान्तदुःषमाकालोऽप्येवंमानो भविष्यति ॥१५३|| पाधर्मतत्त्वे प्रणष्टेऽथ हाहाभूतो भविष्यति । पशुवन्मातृपुत्रादिव्यवस्थावर्जितो जनः ॥१५४|| परुषाः पांशुभूयांसोऽनिष्टा वास्यन्ति वायवः । दिशश्च धूमायिष्यन्ति भीषणाश्च दिवानिशम् ॥१५५।। इन्दुः स्रक्ष्यत्यतिशीतं तप्स्यत्यत्युष्णमर्यमा । अतिशीतोष्णाभिहतो लोकः क्लेशमवाप्स्यति ॥१५६॥ तदा च विरसा मेघाः क्षारमेघाऽम्लमेघकाः । विषा-ग्न्य-शनिमेघाश्च वर्षिष्यन्त्यात्मसन्निभम् ॥१५७|| येन भावी कासः श्वासः शलं कष्ठं जलोदरम् । ज्वर: शिरोऽतिरन्येऽपि मनुष्याणां महाऽऽमयाः ॥१५८।। दु:खं स्थास्यन्ति तिर्यञ्चो जल-स्थल-खचारिणः । भावी क्षेत्र-वना-राम-लता-तरु-तृणक्षयः ॥१५९|| वैताढ्य-ऋचभकूट-गङ्गा-सिन्धूर्विमुच्य च । समीभविष्यत्यखिलं गिरिगर्ताऽऽपगादिकम् ॥१६०|| अङ्गारमर्मराभा भूभस्मरूपा भविष्यति । कदाचिद् धूलिबहला कदाचित् सान्द्रकर्दमा ॥१६१।। रत्नमानाः परुषाङ्गा दुर्वर्णा निष्ठुरोक्तयः । रोगार्ताः क्रोधना उच्चघाटाश्चिपिटनासिकाः ॥१६२।। निर्लज्जा वस्त्ररहिता भविष्यन्ति नराः स्त्रियः । आयुर्विंशतिरब्दानि नृणां स्त्रीणां तु षोडश ॥१६३।। गर्भं वक्ष्यति षड्वर्षा स्त्री दुःखप्रसवा तदा । स्थविरा षोडशाब्दा च भूयिष्ठसुत-नप्तृका ॥१६४|| भाविनो बिलवासाश्च गिरौ वैताढ्यनामनि । द्वासप्ततिर्नधुभयतटभूषु बिलानि तु ॥१६५॥ कूले कुले कृलिनीनां बिलानि नव तत्र च । तिर्यञ्चस्तु भविष्यन्ति बीजमात्रतयैव हि ॥१६६।।
१. दुःस्थी० मु., नू. मु. । २. अरः कालविशेषः। ३. नागिलो० मु. । नायलो० खं. ३ । ४. ०मुत्तमम् मु. । ५. ०पूर्ववित् खं. ४ विना, मु., नू. मु. । ६. वय॑ति खं. १ विना मु., नू. मु. । ७. चारित्र० मु. । ८. अग्नेः । ९. प्रनष्टे० खं. ३४ । १०. ०कूटौ गङ्गासिन्धू वि० खं. ४ । ११. ०मान० खं. ३ विना, मु., नू. मु. । १२. ०पुरुषा० खं. ३-४ विना, मु., नू. मु. । १३. घाटा कृकाटिका, ग्रीवा-मस्तकमध्यभागः ।