Tirth Stavana

Author(s): Anandji Kalyanji Pedhi
Publisher: Anandji Kalyanji Pedhi

Page 6

4 જીબી તીર્થ સ્તવના ધ્રુપદગાયકીની ગુલાબી અને ઘૂંટાયેલી પ્રસ્તુતિ એટલે!
ગુંદેચા બ્રધર્સ ગુંદેચા બ્રધર્સનું નામ આવે એટલે ભારતીય શાસ્ત્રીય સંગીત ધ્રુપદ ગાયકીના આકાશમાં ચમકતા અને દમકતા નક્ષત્રો આંખોના આઈનામાં આકાર લે ! ધ્રુપદ ગાયકીના એઓ નિષ્ણાત છે. આલા દર્શાના ગાયક છે અને ધ્રુપદ ધ્રુવ-પદ બની જાય એ રીતે સ્વરોની નદીને કલાકો સુધી વહાવી શકે છે !
રમાકાન્તજી ગુંદેચા અને ઉમાકાન્તજી ગુંદેચાએ વિશ્વવિદ્યાલયમાંથી શિક્ષણ મેળવ્યા પછી ધ્રુપદગાયનના ક્ષેત્રમાં પ્રવેશ્યા. કલાના મહાન સાધકો અને શિક્ષકો તથા રૂદ્રવીણાના મહાન પ્રસ્તુતકર્તા ડાગર બંધુઓના સાંનિધ્યમાં ધ્રુપદ ગાયકીને ઘૂંટી અને ઘૂંટડે ઘૂંટડે પીધી. છેલ્લા વરસોમાં ભારત અને વિદેશના અનેક શહેરોમાં એમના કાર્યક્રમો અત્યંત સફળ અને લોકપ્રિય રહ્યા છે.
હિન્દીમાં મહાન કવિઓની રચનાઓને એમણે સ્વરમાં ગૂંથીને કેસેટ અને સીડીના માધ્યમથી પ્રસ્તુત કરી છે.
નવકાર મહામંત્ર અને ભક્તામર સ્તોત્રનું એમનું ગાન એટલું જ ઉમદા કક્ષાનું બન્યું છે.
ત્રીજા ભાઈ અખિલેશ ગુંદેચા કાયદાની ડિગ્રી મેળવીને સંગીતમાં ઉચ્ચત્તમ શિક્ષણ મેળવવાની સાથે પખાવજ વાદનમાં નિષ્ણાત બન્યા. પંડિત શ્રીકાન્સમિશ્ર અને રાજા છત્રપતિસિંહ જુદેવના હાથ નીચે ઘડાઈને હવે તો આ ત્રણે ગુંદેચા બ્રધર્સ અનેક પ્રતિષ્ઠિત સંગીત આયોજનોના અનિવાર્ય હિસ્સા બની ગયા છે. મધ્યપ્રદેશના શહેર ભોપાલ ખાતે રહેતા આ કલાકારોએ ધ્રુપદ એકેડમીની સ્થાપના પણ કરી છે. જૈન પરિવારમાં જન્મ ઉછેર અને સંસ્કારો સાથે યશસ્વી તેજસ્વી અને ઉર્જવી વ્યક્તિત્વ ધરાવતી આ બંધુ ત્રિપુટીને અભિનંદન!