________________
તીર્થ સ્તવના નજીક કચ્છી બીજથી 15
શેરિસાનું સમીપવર્તી વામજ તીર્થ અમદાવાદથી આશરે ૩૫ કિ.મી. અને કલોલથી ૬ કિ.મી. દૂર વામજ ગામ છે. શેરિસા તીર્થ થી ૧૦ કિલોમીટરના અંતરે આવેલું આ વામજ તીર્થ શેરિસાના જોડીયા તીર્થ તરીકે પ્રસિદ્ધ છે. આ તીર્થમાં મૂળનાયક પરમાત્મા આદીશ્વર ભગવાન છે. આ પ્રતિમાજી પ્રાચીન છે. ગામમાં ત્રિભોવન કણબીના ઘર પાસેથી ખોદતા સંવત ૧૯૭૯ના માગશર વદી-પને શનિવારે પ્રતિમાજી નિકળ્યા હતા. આ પ્રતિમાજી સંપ્રતિ મહારાજાનું વખતનું હોવાનું મનાય છે. આ સાથે ચાર કાઉગ્ગીયા, બે ઇન્દ્રાણી દેવીની મૂર્તિ, બે ખંડિત ઈન્દ્રની મૂર્તિ પણ મળી આવી હતી. કહેવાય છે કે, પૂર્વે અહીં ભવ્ય જિનાલય હતું. મોગલોના આક્રમણને કારણે અન્ય તીર્થોનો વિનાશ થયો તેવી રીતે આ તીર્થનો પણ વિનાશ થયો અને બધું જ ધ્વસ્ત થઈ ગયું. પૂર્વના જિનાલયના કેટલાંક અંશો જેવા કે પરિકર તથા મૂર્તિના ભાગો વામજના જ એક મંદિરમાં છે.
સંવત ૧૯૯૬ (ઈસ્વીસન્ ૧૯૪૦) વામજ ગામમાં શેઠશ્રી ડાહ્યાભાઈ કપૂરચંદ ઝવેરીએ નવું દેરાસર નિર્માણ કરાવવાનું શરૂ કર્યું હતું.
ત્યારબાદ આ તીર્થનો વહીવટ પેઢીને સોંપવામાં આવ્યો હતો. નૂતન જિનાલયમાં વિક્રમ સંવત ૨૦૦૨ (ઈસ્વીસન્ ૧૯૪૯) માં વૈશાખ વદ ૧૩ને દિવસે આચાર્યશ્રી વિજયઉદયસૂરિજી મહારાજસાહેબના હસ્તે પ્રતિષ્ઠા કરવામાં આવી હતી.
તીર્થનું સરનામું:
શેઠ આણંદજી કલ્યાણજી મુ.પો. વામજ (વાયા કલોલ), શેરિસા-૩૮૨૭૨૧, જિ. ગાંધીનગર
ફોન નં. : (૦૨૭૬૪) ૨૫૦૧૨૬
