________________
તીર્થ સ્તવના છ
ઠ્ઠ
19 મૂછાળા મહાવીર તીર્થ આસ્થા અને ભક્તિના સંગમ સ્વરૂપ મૂછાળા મહાવીર નામનું તીર્થ સુપ્રસિદ્ધ છે.
આ તીર્થ ઘાણેરાવથી ૫ કિ.મી.ના અંતરે અને સાદડીથી ૧૦ કિ.મી.ના અંતરે આવેલું છે. જિનમંદિરમાં મૂળનાયક પરમાત્મા મહાવીર સ્વામી બિરાજમાન છે. ભમતીમાં રહેલી ચોવીસ દેરીમાં કુલ મળીને ૫૪ જિન પ્રતિમાજીઓ પ્રતિષ્ઠિત કરવામાં આવેલી હતી. હાલમાં આ દેરીઓનો જિર્ણોદ્ધાર ચાલી રહ્યો છે. આ જિનમંદિરમાં કોઈ પ્રાચીન લેખો ઉપલબ્ધ થતા નથી. છતાંય મૂર્તિની પ્રાચીનતા પ્રત્યક્ષ અનુભવાય છે. મૂળનાયક મહાવીર સ્વામી ભગવાન મૂછાળા મહાવીર તરીકે સુપ્રસિદ્ધ છે તેની પાછળ એક દંતકથા છે.
નવણજળમાં દેખાયેલા વાળના કારણે કુંભલગઢના રાણાએ “ભગવાન મૂછાળા છે કે શું?' એવું મહેણું ઉચ્ચારતા પૂજારીના તપના પ્રભાવે અધિષ્ઠાયક દેવે રાણાજીને મૂછોવાળી પ્રતિમાના દર્શન કરાવ્યા. રાણાએ ખાતરી કરવા માટે પ્રતિમાની મૂછનો વાળ તોડ્યો તો દૂધની ધારા ફૂટી. પરમાત્માની આવી અદભૂત પ્રતિમાના ચમત્કારથી લોકમાં આ તીર્થ મૂછાળા મહાવીર તરીકે પ્રસિદ્ધ થયું.
આ તીર્થના અધિષ્ઠાયક દેવ પ્રગટ પ્રભાવી છે અને લોકોની માનતા પરિપૂર્ણ કરે છે તેવી આસ્થા અહીંના લોકોમાં વ્યાપક છે. અહીં કારતક વદ એકમનો તથા ચૈત્ર સુદ તેરસનો મેળો ભરાય છે. આ સમયે હજારો લોકો અહીં પરમાત્માના દર્શને આવે છે.
આ તીર્થની આજુબાજુ જંગલ છે. રમણીય કુદરતી વાતાવરણ છે. સમસ્ત ઘાણેરાવ સંઘના અગ્રણીઓએ ૧૯૬રમાં આ તીર્થનો વહીવટ તા. ૪પ-૧૯૬૪ના દિવસે આણંદજી કલ્યાણજી પેઢીને સોપ્યો ત્યારથી પેઢી દ્વારા તીર્થમાં દેરાસર, ધર્મશાળા, ભોજનશાળા વગેરેની સુચારૂ વ્યવસ્થા કરવામાં આવે છે.
તીર્થનું સરનામું: શેઠ આણંદજી કલ્યાણજી (શ્રી મૂછાળા મહાવીર તીથી મુ.પો. ઘાણેરાવ-૩૦૬૭૦૪ (રાજસ્થાન) ફોન નં. ૦૨૮૩૪/૨૮૪૦૫૬
