________________
થાય છે, જેથી તુ ગણી ન મામલા અરણ તો
વળી સ્ત્રીઓ નહીં સુઘરવાનું મોટું કારણ તો બાળલગ્ન જ છે. નાનપણથી તેને સંસારના મામલામાં ઢોળી પાડે છે, અને પછી તેને ઢોરવત્ ગણી બહુ દુઃખ દે છે. ઘણે ઠેકાણે તો કજોડાં થાય છે, જેથી અણબનાવ આવીને ઊભો રહે છે; કોઈ કોઈ ઠેકાણે તો સાસુ અને વહુ વચ્ચે કંકાસ ચાલે છે; અને છેલ્લે તેના પતિ સાથે પણ અણબનાવ થાય છે, તેથી કંકાસ વધારે ફાવે છે. કંકાસ થવાથી સ્ત્રીઓ કામણ, ટ્રમણ અને દોરાચિઠ્ઠી વાતે ઢોંગી પુરુષો પાસે જાય છે, અને તેના ભરમાવ્યા પ્રમાણે ભ્રમિત થાય છે; જેથી શૂળો પેદા થાય છે; વહેમ વધે છે; અને હાનિઓ હિંમતવાન થઈ ઊભી રહે છે – વગેરે બાળલગ્નથી ઘણા ગેરફાયદા થાય છે. પરંતુ આ લઘુગ્રંથમાં તે ગણી બતાવવા અને તેનાં પરિણામ દર્શાવવાં અશક્ય, જેથી ઉપર ઉપરથી ટૂંકામાં સાર લીઘો છે. એ બાળલગ્નથી જ સ્ત્રીઓ કેટલીક બાબતમાં બિચારીઓ દુઃખ ભોગવે છે. એ કેટલું બધું દિલગીરી ભરેલું અને ખેદકારક છે, તે વિષે વિચાર કરવાની વાંચનારને વિનંતિ કરું છું.
આ પુસ્તકમાં સ્ત્રીઓને ઉપયોગી થાય તેવા વિષયોનો સમાવેશ કરવામાં આવ્યો છે. આ પુસ્તકના મારે ત્રણ ભાગ કરવાના છે. તેમાંનો આ પહેલો ભાગ બહાર પાડ્યો છે. અને મદદ મળશે તો આ પુસ્તકના બીજા બે ભાગ પણ યોગ્ય વખતે બહાર પાડીશ. થોડી કિંમત રખાય, અને ઘણાને લેવાનું બની આવે તેટલા માટે આ વિચાર કર્યો છે. તો સર્વે સજ્જનો તરફથી મદદ મળશે એમ આશા રાખું છું.
આ ગ્રંથમાં જે કંઈ દોષ માલૂમ પડે તે મને લખી જણાવવા જે સીન કૃપા કરશે તેનો હું આભારી થઈશ. ભૂલચૂકને માટે ક્ષમા ચાહું છું.
રા૨૦
