Book Title: Subodh Sangraha
Author(s): Shrimad Rajchandra Ashram
Publisher: Shrimad Rajchandra Ashram
View full book text
________________
૧૦૧ શાંતિ મળે સધ્ધર્મથી, ભ્રાંતિ ટળે ભલી ભાત; કાંતિ દીપે કનક સમી, વિમળ વઘે મન વાત. ૫૫ કર કરથી શુભ કામને, ઘર ઘર શ્રી હરિ ધ્યાન; જતાં વિદેશે જોઈએ, ભાથાં કેરું ભાન. પ૬ કાયા માયા ક્ષણિક છે, ઇન્દ્રધનુષ્યનો રંગ; આકાશી કિલ્લા અને, મૃગજળ તણા તરંગ. પ૭ નાણાથી શાણા, મૂરખ, સૌ નાણાંના તેજ; સુવસાણાં નાણાં તણાં, નહીં તો પાણા બે જ. ૫૮ ટીકાકાર ટોકે ભલે, સત્યકથી સુખદાઈ; પણ જો અસત્ય ઊચરે, તો તે આછકલાઈ. ૫૯ ભૂંડા ભૂપતિ આગળ, ભડવા ભેળા થાય; વેશ્યાવાડે હોંસથી મૂર્ખમતિ જન જાય. ૬૦ દોષ બઘા દુર્જન વિષે, ભેળા થઈ ભરાય; અંગ અઢારે ઊંટનાં, વાંકાં જેમ જણાય. ૬૧ કર્મગતિની કલ્પના, શોક કરે ઉત્સાહ પલકવારમાં થઈ પડ્યો, પાસવાન બાદશાહ. ૬૨ હોય સરસ પણ ચીજ તે, યોગ્ય સ્થળે વપરાય; કેમ કટારી કનકની, પેટ વિષે ઘોંચાય? ૬૩ ફરે જનોની સર્વદા, પ્રીતિ તરફ ન પૂંઠ; મારવાડ સામું જુએ, મરણ સમય પણ ઊંટ. ૬૪ નિજમાં દૈવત હોય તો, સરસ સુયશ પથરાય; શક શાલીવાહન તણો, જેમ જગતમાં ગાય. ૬૫
Page Navigation
1 ... 108 109 110 111 112 113 114