Shrutsagar 2017 09 Volume 04 Issue 04

Author(s): Hiren K Doshi
Publisher: Acharya Kailassagarsuri Gyanmandir Koba

Page 23

श्रमण भगवान महावीरस्वामी पछीना एक हजार वर्षनी गुरु परंपरा
मुनिश्री न्यायविजयजी ८. आर्य महागिरिसूरि अने आर्य सुहस्तिसूरि
आर्य महागिरिनो वधु परिचय नथी मळतो. तेओ एलापत्य गोत्रनां हता. तेमणे ३० वर्षनी वये स्थूलिभद्रजी पासे दीक्षा लीधी हती. ४० वर्ष गुरुसेवामां अने ३० वर्ष युगप्रधानपदे रही बराबर १०० वर्षनी वये वी.सं. २४५मा स्वर्गवासी थयां. तेओ मुख्य पट्टधर अने गच्छनायक होवा छतां पोते जिनकल्पनी तुलना करतां होवाथी गच्छनी व्यवस्था अने संभाळ तेमनां नानां गुरुभाई आर्य सुहस्तिसूरि करतां हतां. आ कारणे ज एक पाटे बे आचार्यो थयां. तेओ परम त्यागी अने एकान्तप्रिय होवाथी गच्छनी सारसंभाळy काम आर्य सुहस्तिसूरिने माथे हतुं.
आर्य महागिरिजीनां समयमां नीचे प्रमाणे चोथा अने पांचमा निह्नवो थयां :
वी.सं. २२०मां आर्य महागिरिजीनां शिष्य कौडिन्यनां शिष्य अश्वमिने 'सामुच्छेदिक मत (शून्यवाद) स्थाप्यो एटले ते चोथो निह्नव गणायो. अने वी.सं. २२८मां तेमनां शिष्य धनगुप्तनां शिष्य गंगदत्ते 'द्विक्रिय' मत स्थाप्यो एटले ते पांचमो निह्नव गणायो. आ बन्ने निह्नवोनां मतो लांबो समय चाल्यां नहिं. तेमनां मतनुं अस्तित्व लोपाइ गयु अने पछीनां केटलाक निह्नवोनां मत बीजामां भळी गयां.
आर्य सुहस्तिसूरिनो पण विशेष परिचय नथी मळतो. 'परिशिष्ट पर्व'मां लख्यु छे के आर्य महागिरिजी तथा आर्य सुहस्तिजी बन्ने बाल्यावस्थामां साध्वीजी द्वारा पालित-रक्षित थयां हतां. जुओः
तौ हि यक्षार्चया बाल्यादपि मात्रेव पालितौ। इत्यार्योपपदौ जातौ महागिरिसुहस्तिनौ ॥ पर्व-१०, श्लो.३७ ।
तेओ मालवदेशनी राजधानी उज्जयिनीमां चातुर्मास रह्यां हतां त्यारे तेमणे भद्रा शेठाणीनां पुत्र अवंतिसुकुमारने प्रतिबोधी दीक्षा आपी हती. अवन्तिसुकुमारे दीक्षा लीधी ते ज दिवसे स्मशानमां अनशन कर्यु अने ए ज राते शीयाळणीए तेमने पोतानुं भक्ष्य बनाव्या. पाछळथी तेमनी माताए पण वहुओ साथे दीक्षा लीधी. अवन्तिसुकुमार मरण पामी नलिनीगुल्म विमानमां देव थयां. केटलाक वर्ष पछी अवन्तिसुकुमारनां