Shantinath Charitram

Author(s): Hargovinddas
Publisher: Jain Vividh Sahitya Shastramala

Page 11

.[४] अस्य ग्रन्थस्यादर्शपुस्तकमेकं प्रायः शुद्धं शास्त्रविशारदजैना. चार्यश्रीविजयधर्मसूरीणामवापमिति कृतज्ञोऽस्मि तेषाम् । पुस्तकस्यास्य प्रान्तभागे "समस्यास्य शास्त्रस्य सन्नैषधस्य कृता नूतना पाठकः पाठकायैः ।
सुपात्रणभृच्छात्ररत्नाभिधेन समुत्तारिता सत्प्रतिः सुन्दरीयम् ॥" इति लेखकनामगर्भ श्लोकमिममन्तरेण नान्यः कश्चिल्लेखनसम- . याद्युल्लेखो वर्तते, तथापि जीर्णत्वादिना तस्याः प्राचीनत्वं यावद्ग्रन्थकारसमसमयभावित्वं विभाव्यते। .
अत्र च पुस्तके समुपलब्धमितस्ततो व्यस्ततयोल्लिखितं टिप्पनकं यथास्थानं विनिवेश्य क्वचिश्चापेक्षितस्थलेषु तत्रानुपलन्धमपि स्वत उपनिबध्य च यथाशक्त्यस्य संशोधनकर्मणि विहि. तप्रयत्नोऽपि यत्र कचन मतिमान्यतःप्रमादतो वा स्खलितोऽभ. वम्, तत्र कृपापरीतचेतसः सहृदयान् क्षमा याचमानो विरमामि
हरगोविन्दः।